లక్నో సూపర్ గెయింట్స్: అవేష్ ఖాన్ అవుట్.. దేవదత్ పడిక్కల్ ఇన్..!!

ఐపీఎల్ వేలం దగ్గర పడుతుండటంతో అన్ని జట్లు తమ ఆటగాళ్ల బలాబలాలపై దృష్టి సారిస్తున్నాయి. గత రెండు సీజన్లలో ప్లే-ఆఫ్స్‌కు చేరిన లక్నో సూపర్‌జెయింట్స్, డిసెంబర్‌లో జరిగే ఐపిఎల్ వేలానికి ముందు వచ్చే సీజన్‌లో ఛాంపియన్‌గా అవతరించాలని కసరత్తు చేస్తోంది. దీంతో తమ జట్టును ప్రక్షాళన చేయాలని నిర్ణయించుకున్నారు. ఈ ఏడాది ఐపీఎల్‌లో అంతగా రాణించలేకపోయిన పేసర్ అవేశ్ ఖాన్‌ను తప్పిస్తారని భావించారు. ఈ మేరకు ఆటగాళ్ల ట్రేడింగ్ విండో ద్వారా తమ టీమ్ ప్లేయర్ అవేశ్ ఖాన్‌ను వదులుకుని రాజస్థాన్ రాయల్స్ ప్లేయర్ దేవదత్ పడిక్కల్‌ను తీసుకుంటామని లక్నో సూపర్‌జెయింట్స్ యాజమాన్యం సోషల్ మీడియా ద్వారా ప్రకటించింది. ఇప్పటికే టీమ్ మెంటార్ గౌతమ్ గంభీర్ ను వదులుకున్న లక్నో టీమ్.. ఇప్పుడు అవేశ్ ఖాన్ ను వదులుకుని ప్రత్యర్థులకు తమ లక్ష్యం ఏమిటో చెబుతోంది. అయితే, గంభీర్ స్థానంలో కొత్త మెంటార్ నియామకానికి సంబంధించి లక్నో సూపర్ జెయింట్స్ ఎలాంటి ప్రకటన చేయలేదు.

అయితే తాజా సమాచారం ప్రకారం లక్నో సూపర్ జెయింట్స్ మెంటార్‌గా టీమిండియా మాజీ చీఫ్ సెలక్టర్ ఎంఎస్‌కే ప్రసాద్‌ను నియమించే అవకాశం ఉన్నట్లు తెలుస్తోంది. గత సీజన్‌లో ప్రధాన కోచ్‌ను మార్చిన లక్నో మేనేజ్‌మెంట్ ప్రస్తుతం తదుపరి సీజన్‌కు మెంటార్‌ను మార్చడం గురించి మాట్లాడుతోంది. గత సీజన్‌లో ఆండీ ఫ్లవర్ స్థానంలో జస్టిన్ లాంగర్‌ను ప్రధాన కోచ్‌గా లక్నో సూపర్‌జెయింట్స్ నియమించింది. అయితే ప్లేఆఫ్‌లోనే ఆ జట్టు వెనుదిరిగింది. తదుపరి సీజన్ విదేశాల్లో జరిగే అవకాశం ఉంది. మార్చి, ఏప్రిల్ నెలల్లో దేశంలో సార్వత్రిక ఎన్నికలు నిర్వహించే అవకాశం ఉన్నందున.. విదేశాల్లో మెగా టీ20 లీగ్‌ను ఐపీఎల్ పాలకమండలి నిర్వహించే అవకాశాలున్నాయని బీసీసీఐ వర్గాలు వెల్లడించాయి. దీంతో స్టేడియాల్లో ఆటగాళ్లకు భద్రత కల్పించడంలో ఇబ్బందులు తప్పవని క్రికెట్ విశ్లేషకులు అభిప్రాయపడుతున్నారు. అందువల్ల, IPL-2024 దుబాయ్ లేదా శ్రీలంకలో నిర్వహించబడుతుంది.

మరింత క్రీడా వార్తలు కోసం ఇక్కడ క్లిక్ చేయండి

నవీకరించబడిన తేదీ – 2023-11-23T15:44:51+05:30 IST