న్యూఢిల్లీ: ఉత్తరాది రాష్ట్రాలను ‘గోమూత్ర’ రాష్ట్రాలుగా పేర్కొంటూ చేసిన వివాదాస్పద వ్యాఖ్యలపై డిఎంకె ఎంపి డిఎన్‌వి సెంథిల్ కుమార్ బుధవారం పార్లమెంటుకు క్షమాపణలు చెప్పారు. తన వ్యాఖ్యలపై విచారం వ్యక్తం చేశారు. తన వ్యాఖ్యలను రికార్డుల నుంచి తొలగించాలని స్పీకర్‌ను కోరారు.
మంగళవారం లోక్‌సభలో జమ్మూకశ్మీర్‌కు చెందిన రెండు బిల్లులపై చర్చ సందర్భంగా ఆయన మాట్లాడుతూ.. బీజేపీ గెలిచిన రాష్ట్రాలు హిందీ బెల్ట్‌లో ఉన్నాయని, వీటిని సహజంగా గోమూత్ర రాష్ట్రాలుగా పిలుస్తారని అన్నారు. దక్షిణాదిన బీజేపీ రాకపోవడంతో అక్కడ పట్టుసాధించలేమని, ఆ రాష్ట్రాలను కేంద్ర ప్రభుత్వ రాష్ట్రాలుగా చేసినా ఆశ్చర్యం లేదన్నారు. లోక్‌సభలో ఆయన చేసిన వ్యాఖ్యలపై బీజేపీ సభ్యులు తీవ్ర ఆగ్రహం వ్యక్తం చేయగా, డీఎంకే భాగస్వామ్య పక్షమైన కాంగ్రెస్ కూడా క్షమాపణలు చెప్పాలని సూచించింది. ఈ నేపథ్యంలో సెంథిల్ కుమార్ లోక్ సభలో క్షమాపణలు చెప్పారు.
“నిన్నటి సమావేశంలో చేసిన వ్యాఖ్యలు ఉద్దేశపూర్వకంగా లేవు. అయితే ఆయన వ్యాఖ్యలు కొంతమంది మరియు వర్గాల ప్రజల మనోభావాలను దెబ్బతీస్తే, వాటిని ఉపసంహరించుకోవడానికి నేను సిద్ధంగా ఉన్నాను. నా వ్యాఖ్యలను రికార్డుల నుండి తొలగించాలని వారు కోరుతున్నారు. “నా వ్యాఖ్యలకు నేను చింతిస్తున్నాను. సెంథిల్ కుమార్ లోక్‌సభకు తెలిపారు.
స్టాలిన్ మందలింపు..
లోక్‌సభలో అనుచిత వ్యాఖ్యలు చేసినందుకు సెంథిల్ కుమార్‌ను డీఎంకే అధ్యక్షుడు, తమిళనాడు ముఖ్యమంత్రి ఎంకే స్టాలిన్ మందలించినట్లు ఆ పార్టీ మంగళవారం ఒక ప్రకటనలో తెలిపింది. బహిరంగ వ్యాఖ్యలు చేసేటప్పుడు హుందాగా ప్రవర్తించాల్సిన అవసరాన్ని పార్టీ పదే పదే నొక్కి చెబుతోందని పేర్కొంది. డీఎంకే ఎంపీ వ్యాఖ్యలను ‘ఇండియా’ కూటమిలోని పలువురు నేతలు కూడా ఖండించారు. ప్రజాస్వామ్యంలో ప్రతి ఒక్కరూ తమ ఇష్టానుసారం ఓటేస్తారని, వారిని తక్కువ చేసి మాట్లాడడం తగదని పీడీపీ అధ్యక్షురాలు మెహబూబా ముఫ్తీ వ్యాఖ్యానించారు. సెంథిల్ కుమార్ తన వ్యాఖ్యలకు క్షమాపణలు చెప్పాలని, వాటిని వెనక్కి తీసుకోవాలని కాంగ్రెస్ లోక్‌సభ సభ్యుడు కార్తీ చిదంబరం మరో ట్వీట్‌లో పేర్కొన్నారు.
నవీకరించబడిన తేదీ – 2023-12-06T14:46:19+05:30 IST
