IND vs SA 3వ T20I వాతావరణ నివేదిక: దక్షిణాఫ్రికాతో T20I సిరీస్‌లో కీలకమైన మూడవ మ్యాచ్‌కు టీమిండియా సర్వం సిద్ధం చేసింది. తొలి మ్యాచ్ వర్షం కారణంగా రద్దు కాగా.. రెండో టీ20లో భారత జట్టు ఓటమి పాలైన సంగతి తెలిసిందే. దీంతో భారత జట్టు 0-1తో సిరీస్‌లో వెనుకబడింది.
జోహన్నెస్‌బర్గ్: దక్షిణాఫ్రికాతో టీ20 సిరీస్‌లో కీలకమైన మూడో మ్యాచ్‌కు టీమిండియా సిద్ధమైంది. తొలి మ్యాచ్ వర్షం కారణంగా రద్దు కాగా.. రెండో టీ20లో భారత జట్టు ఓటమి పాలైన సంగతి తెలిసిందే. దీంతో భారత జట్టు 0-1తో సిరీస్‌లో వెనుకబడింది. మూడో మ్యాచ్‌లో ఓడితే సిరీస్‌ ఖాయం. దీంతో గురువారం జరిగే మూడో టీ20లో విజయం సాధించి సిరీస్‌ను సమం చేయాలని భారత జట్టు పట్టుదలతో ఉంది. అయితే టీమిండియా అభిమానులను వరుణుడు ఆందోళనకు గురిచేస్తున్నాడు. తొలి మ్యాచ్ వర్షం కారణంగా పూర్తిగా రద్దయింది. రెండో మ్యాచ్‌లో భారత్ ఇన్నింగ్స్ ఇంకా 3 బంతులు మిగిలి ఉండగానే వర్షం వచ్చింది. దీంతో డక్‌వర్త్ లూయిస్ పద్ధతిలో దక్షిణాఫ్రికా 15 ఓవర్లలో 151 పరుగుల లక్ష్యాన్ని నిర్దేశించింది. వర్షం తర్వాత బ్యాటింగ్ చేయడం దక్షిణాఫ్రికాకు సానుకూలాంశంగా మారిందని పలువురు అభిప్రాయపడుతున్నారు. దీంతో సఫారీలు సులభంగా లక్ష్యాన్ని చేధించారు.
ఈ నేపథ్యంలో గురువారం జరిగే కీలకమైన మూడో టీ20 మ్యాచ్‌కు వర్షం అడ్డుపడితే ఏం జరుగుతుందోనని టీమిండియా అభిమానులు ఆందోళన చెందుతున్నారు. అయితే అభిమానులు పెద్దగా ఆందోళన చెందాల్సిన అవసరం లేదు. స్థానిక వాతావరణ నివేదిక ప్రకారం, జోహన్నెస్‌బర్గ్‌లో జరిగే మ్యాచ్‌లో వర్షం పడే అవకాశం చాలా తక్కువ. సాయంత్రం వర్షం కురిసే అవకాశం లేకున్నా.. మ్యాచ్ జరిగే సమయంలో వాతావరణం సాధారణంగానే ఉంటుంది. గురువారం జోహన్నెస్‌బర్గ్‌లో పగటి ఉష్ణోగ్రత 28 డిగ్రీల సెల్సియస్‌గా ఉంటుంది. మ్యాచ్ ప్రారంభమయ్యే సమయంలో 26 డిగ్రీల సెల్సియస్‌, రెండో ఇన్నింగ్స్‌లో 20 డిగ్రీల సెల్సియస్‌ ఉష్ణోగ్రత ఉంటుంది. దీంతో పూర్తి మ్యాచ్ జరగనుందని తెలుస్తోంది.
నవీకరించబడిన తేదీ – డిసెంబర్ 14, 2023 | 11:21 AM
