హెన్రిచ్ క్లాసెన్: ఆస్ట్రేలియా ఓపెనర్ డేవిడ్ వార్నర్ బాటలో మరో స్టార్ ఆటగాడు. ఐపీఎల్‌లో సన్‌రైజర్స్‌కు ప్రాతినిధ్యం వహిస్తున్న దక్షిణాఫ్రికా ఆటగాడు హెన్రిచ్ క్లాసెన్ షాకింగ్ నిర్ణయం తీసుకున్నాడు. ఎవరూ ఊహించని రీతిలో టెస్టు క్రికెట్‌కు రిటైర్మెంట్‌ ప్రకటిస్తున్నట్లు వెల్లడించాడు.
ఆస్ట్రేలియా ఓపెనర్ డేవిడ్ వార్నర్ బాటలోనే మరో స్టార్ ప్లేయర్. ఐపీఎల్‌లో సన్‌రైజర్స్‌కు ప్రాతినిధ్యం వహిస్తున్న దక్షిణాఫ్రికా ఆటగాడు హెన్రిచ్ క్లాసెన్ షాకింగ్ నిర్ణయం తీసుకున్నాడు. ఎవరూ ఊహించని రీతిలో టెస్టు క్రికెట్‌కు రిటైర్మెంట్‌ ప్రకటిస్తున్నట్లు వెల్లడించాడు. చాలా ఆలోచించిన తర్వాత రెడ్ బాల్ క్రికెట్‌కు వీడ్కోలు పలుకుతూ నిర్ణయం తీసుకున్నట్లు క్లాసన్ తెలిపాడు. ఇది చాలా కష్టమైన నిర్ణయమని ఆయన పేర్కొన్నారు. మైదానంలో మరియు వెలుపల తన పోరాటాల ద్వారా క్రికెటర్‌గా మారడం గొప్ప ప్రయాణంగా క్లాసెన్ అభివర్ణించాడు. దేశానికి ప్రాతినిధ్యం వహించడం చాలా సంతోషంగా ఉందని తన ప్రయాణంలో తనకు సహకరించిన వారికి కృతజ్ఞతలు తెలిపాడు. ప్రస్తుతానికి, క్లాసెన్ కొత్త ఛాలెంజ్ కోసం ఎదురుచూస్తున్నట్లు చెప్పాడు.
హెన్రిచ్ క్లాసెన్ దక్షిణాఫ్రికా తరఫున నాలుగు టెస్టులు మాత్రమే ఆడాడు. 2019 భారత పర్యటనలో క్లాసెన్ తన టెస్టు అరంగేట్రం చేశాడు. రాంచీలో జరిగిన టెస్టులో రెండు ఇన్నింగ్స్‌ల్లో కేవలం 11 పరుగులు మాత్రమే చేశాడు. ఆ తర్వాత రెండో టెస్టు ఆడేందుకు నాలుగేళ్లు వేచి చూశాడు. 2023లో ఆస్ట్రేలియా పర్యటనలో అతనికి టెస్టులు ఆడే అవకాశం లభించినా రాణించలేకపోయాడు. మొత్తంగా, క్లాసెన్ తన టెస్టు కెరీర్‌లో 105 పరుగులు మాత్రమే చేశాడు. అత్యధిక స్కోరు 35. టీ20 లీగ్‌లో టెస్టు ఫార్మాట్‌ను విస్మరించినందుకు దక్షిణాఫ్రికా బోర్డు విమర్శలు ఎదుర్కొంటుండగా, రెడ్ బాల్ క్రికెట్‌కు క్లాసెన్ వీడ్కోలు పలకడం చర్చనీయాంశంగా మారింది.
మరింత క్రీడా వార్తలు కోసం ఇక్కడ క్లిక్ చేయండి
నవీకరించబడిన తేదీ – జనవరి 08, 2024 | 05:00 PM
