ఇంగ్లండ్‌తో జరుగుతున్న ఐదు టెస్టు మ్యాచ్‌ల సిరీస్‌లో భారత స్టార్ బ్యాట్స్‌మెన్ విరాట్ కోహ్లీ వ్యక్తిగత కారణాల వల్ల తొలి రెండు మ్యాచ్‌లకు దూరమవుతాడని బీసీసీఐ ఇప్పటికే ప్రకటించింది. ఈ నేపథ్యంలో ఆ రెండు మ్యాచ్‌లకు విరాట్ దూరం కావడానికి గల కారణాలు సోషల్ మీడియాలో వైరల్ అవుతున్నాయి.
ఇంగ్లండ్‌తో జరుగుతున్న ఐదు టెస్టు మ్యాచ్‌ల సిరీస్‌లో భారత స్టార్ బ్యాట్స్‌మెన్ విరాట్ కోహ్లీ వ్యక్తిగత కారణాల వల్ల తొలి రెండు మ్యాచ్‌లకు దూరమవుతాడని బీసీసీఐ ఇప్పటికే ప్రకటించింది. ఈ నేపథ్యంలో ఆ రెండు మ్యాచ్‌లకు విరాట్ దూరం కావడానికి గల కారణాలు సోషల్ మీడియాలో వైరల్ అవుతున్నాయి. ఓ వైపు తన భార్య, బాలీవుడ్ నటి అనుష్క శర్మ ప్రెగ్నెన్సీ కారణంగా ఆయన గైర్హాజరయ్యారని కొందరు అభిమానులు అంటున్నారు. మరోవైపు తల్లి అనారోగ్యం కారణంగా కోహ్లీ మ్యాచ్‌లకు దూరమయ్యాడని మరికొందరు అంటున్నారు.
మరిన్ని తాజా వార్తల కోసం క్లిక్ చేయండి: విరాట్ కోహ్లీ: టీమిండియాకు భారీ షాక్? మిగతా టెస్టులకు కోహ్లీ డౌటే!
అయితే ఈ ఊహాగానాలన్నింటినీ విరాట్ కోహ్లీ కుటుంబం పూర్తిగా కొట్టిపారేసింది. విరాట్ తల్లి పూర్తిగా ఆరోగ్యంగా ఉన్నారని కోహ్లీ సోదరుడు వికాస్ కోహ్లీ సోషల్ మీడియా ఇన్‌స్టాగ్రామ్‌లో వెల్లడించాడు. అంతేకాదు ఇలాంటి వాటిని ప్రచారం చేయవద్దని అభిమానులను అభ్యర్థించాడు. మీడియా నివేదికల ప్రకారం, విరాట్ కోహ్లీ తల్లి సరోజ్ కోహ్లీకి కాలేయ సమస్య ఉంది, దాని కారణంగా ఆమె 2023లో కొంతకాలం ఆసుపత్రిలో చేరింది.
ఈ నేపథ్యంలో రాజ్‌కోట్‌లో ఇంగ్లండ్‌తో జరిగే మూడో టెస్టు మ్యాచ్‌లో కోహ్లీ మళ్లీ టీమిండియాలోకి వస్తాడని తెలుస్తోంది. హైదరాబాద్‌లో ఇంగ్లండ్‌తో జరిగిన తొలి టెస్టు మ్యాచ్‌లో భారత జట్టు 28 పరుగుల తేడాతో ఓడిపోయింది. ఫిబ్రవరి 2 నుంచి విశాఖపట్నంలో టీమిండియా రెండో టెస్టు మ్యాచ్ ఆడనుంది.
నవీకరించబడిన తేదీ – జనవరి 31, 2024 | 03:44 PM
