భారత్, ఇంగ్లండ్ మధ్య రెండో టెస్టు మ్యాచ్‌కు సమయం ఆసన్నమైంది. విశాఖపట్నంలోని ఏసీఏ-వీడీసీఏ క్రికెట్ స్టేడియంలో ఈ మ్యాచ్ జరగనుంది. ఈ మ్యాచ్‌లో ఇరు జట్లు గెలుపే లక్ష్యంగా బరిలోకి దిగుతున్నాయి. ముఖ్యంగా హైదరాబాద్ వేదికగా జరిగిన తొలి టెస్టులో ఓడిన భారత్‌కు ఈ మ్యాచ్ కీలకంగా మారింది.
వైజాగ్: భారత్, ఇంగ్లండ్ మధ్య రెండో టెస్టు మ్యాచ్‌కు సమయం ఆసన్నమైంది. విశాఖపట్నంలోని ఏసీఏ-వీడీసీఏ క్రికెట్ స్టేడియంలో శుక్రవారం నుంచి మ్యాచ్ జరగనుంది. ఈ మ్యాచ్‌లో ఇరు జట్లు గెలుపే లక్ష్యంగా బరిలోకి దిగుతున్నాయి. ముఖ్యంగా హైదరాబాద్ వేదికగా జరిగిన తొలి టెస్టులో ఓడిన భారత్‌కు ఈ మ్యాచ్ కీలకంగా మారింది. తొలి టెస్టు తొలి ఇన్నింగ్స్‌లో 190 పరుగుల భారీ ఆధిక్యం సాధించినా.. ఓటమి విమర్శలకు దారి తీసింది. దీంతో వైజాగ్ టెస్టులో విజయమే లక్ష్యంగా రోహిత్ సేన బరిలోకి దిగుతోంది. ఈ నేపథ్యంలో గతంలో వైజాగ్‌లో జరిగిన టెస్టు మ్యాచ్‌ల రికార్డులను పరిశీలిస్తే.. గతంలో ఇక్కడ కేవలం రెండు మ్యాచ్‌లు మాత్రమే జరిగాయి. బ్యాటింగ్‌కు అనుకూలమైన వైజాగ్ పిచ్‌పై ఆడిన రెండు మ్యాచ్‌ల్లోనూ భారత జట్టు విజయం సాధించింది. వైజాగ్‌లో జరిగిన రెండు మ్యాచ్‌ల్లో భారత జట్టు ఒకటి ఇంగ్లండ్‌తో, మరొకటి దక్షిణాఫ్రికాతో ఆడింది. ముఖ్యంగా వైజాగ్‌లో జరిగిన టెస్టు మ్యాచ్‌ల్లో టీమిండియా సీనియర్ ఆటగాళ్లు రోహిత్ శర్మ, రావచంద్రన్ అశ్విన్‌లకు మంచి రికార్డులు ఉన్నాయి. 2016లో ఇంగ్లండ్‌తో జరిగిన టెస్టులో భారత్ 246 పరుగుల తేడాతో విజయం సాధించింది. ఏకపక్షంగా జరిగిన మ్యాచ్‌లో ఇంగ్లండ్‌పై టీమిండియా విజయం సాధించింది.
తొలి ఇన్నింగ్స్‌లో భారీ సెంచరీ (167), రెండో ఇన్నింగ్స్‌లో భారీ అర్ధ సెంచరీ (81) సాధించిన విరాట్ కోహ్లీకి ప్లేయర్ ఆఫ్ ద మ్యాచ్ అవార్డు లభించింది. అశ్విన్ రెండు ఇన్నింగ్స్‌ల్లో 8 వికెట్లు తీశాడు. 2019లో దక్షిణాఫ్రికాతో జరిగిన టెస్టు మ్యాచ్‌లోనూ భారత జట్టు ఓడిపోయింది. 203 పరుగుల భారీ తేడాతో విజయం సాధించింది. ఈ మ్యాచ్‌లో రోహిత్ శర్మ రెండు ఇన్నింగ్స్‌ల్లోనూ సెంచరీలతో దుమ్మురేపాడు. మయాంక్ అగర్వాల్ డబుల్ సెంచరీ సాధించాడు. ఆ మ్యాచ్ తొలి ఇన్నింగ్స్‌లో అశ్విన్ 7 వికెట్లు తీశాడు. హిట్‌మన్‌కు ప్లేయర్ ఆఫ్ ద మ్యాచ్ అవార్డు లభించింది. వైజాగ్ వేదికగా జరిగిన రెండు టెస్టుల్లోనూ టాస్ గెలిచి తొలుత బ్యాటింగ్ చేసిన టీమిండియానే విజయం సాధించింది. తొలి ఇన్నింగ్స్ సగటు స్కోరు 479. అత్యధిక స్కోరు 502, అత్యల్ప స్కోరు 158. హైదరాబాద్ మాదిరిగానే వైజాగ్ పిచ్ కూడా స్పిన్నర్లను బెంబేలెత్తిస్తుంది. ఇక్కడ జరిగిన రెండు టెస్టుల్లో స్పిన్నర్లు 47 వికెట్లు తీయగా, పేసర్లు 23 వికెట్లు తీశారు. వైజాగ్ టెస్టులో టీమిండియా సీనియర్ ఆటగాళ్లు రోహిత్ శర్మ, రవిచంద్రన్ అశ్విన్ లకు మంచి రికార్డులు ఉన్నాయి. ఇక్కడ రోహిత్ శర్మ రెండు సెంచరీలు చేయగా.. అశ్విన్ రెండు టెస్టుల్లో 16 వికెట్లు తీశాడు. గతంలో మాదిరిగానే ఈసారి కూడా రోహిత్, అశ్విన్ చెలరేగితే వైజాగ్ టెస్టులో టీమిండియా గెలిచే అవకాశాలే ఎక్కువ.
మరింత క్రీడా వార్తలు కోసం ఇక్కడ క్లిక్ చేయండి
నవీకరించబడిన తేదీ – ఫిబ్రవరి 01, 2024 | 12:04 PM
