విశాఖపట్నంలో ఇంగ్లండ్‌తో జరిగిన రెండో టెస్టులో అద్భుత ప్రదర్శన చేసిన టీమిండియా ప్రధాన పేసర్ జస్రీపేత్ బుమ్రాకు తగిన ప్రతిఫలం లభించింది. బుధవారం ప్రకటించిన ఐసీసీ టెస్టు ర్యాంకింగ్స్‌లోని బౌలర్ల జాబితాలో…
టెస్ట్ ర్యాంక్‌లలో అగ్రస్థానంలో ఉంది
ఈ ఘనత అందుకున్న తొలి భారత పేసర్
దుబాయ్: విశాఖపట్నంలో ఇంగ్లండ్‌తో జరిగిన రెండో టెస్టులో అద్భుత ప్రదర్శన చేసిన టీమిండియా ప్రధాన పేసర్ జస్రీపేత్ బుమ్రాకు తగిన ప్రతిఫలం లభించింది. ఐసీసీ బుధవారం ప్రకటించిన టెస్టు ర్యాంకింగ్స్‌లో బౌలర్ల జాబితాలో 30 ఏళ్ల బుమ్రా అగ్రస్థానాన్ని కైవసం చేసుకున్నాడు. తద్వారా టెస్టుల్లో నెం.1 ర్యాంక్ సాధించిన తొలి భారత పేసర్‌గా రికార్డు సృష్టించాడు. ఈ సిరీస్‌లో కమిన్స్, రబడ, అశ్విన్‌లను బుమ్రా వెనక్కి నెట్టాడు. అలాగే, టాప్ ర్యాంక్‌కు చేరుకున్న నాలుగో భారత బౌలర్‌గా బుమ్రా నిలిచాడు. అంతకుముందు అశ్విన్, జడేజా, బిషన్ సింగ్ బేడీలు నెం.1 స్థానంలో ఉన్నారు. విశాఖ టెస్టులో మొత్తం 9 వికెట్లు తీసిన బుమ్రా ‘ప్లేయర్ ఆఫ్ ద మ్యాచ్’గా నిలిచాడు. ఇక.. 11 నెలల సుదీర్ఘ కాలం పాటు టెస్టు బౌలర్ల ర్యాంకింగ్స్‌లో అగ్రస్థానంలో ఉన్న అశ్విన్ (841 పాయింట్లు) ఆ స్థానాన్ని బుమ్రా (881 పాయింట్లు) చేతిలో కోల్పోయాడు. అశ్విన్ మూడో ర్యాంక్‌కు పడిపోయాడు. 2017లో నెం.1 ర్యాంక్‌లో అశ్విన్, జడేజా అరుదైన ఘనత సాధించారు.
జైస్వాల్.. 37 స్థానాలు ఎగబాకి..
బ్యాటింగ్ విభాగంలో..భారత యువ ఓపెనర్ యశస్వి జైస్వాల్ 37 స్థానాలు ఎగబాకాడు. ఇంగ్లండ్ తో విశాఖ టెస్టు తొలి ఇన్నింగ్స్ లో డబుల్ సెంచరీతో దుమ్ము రేపిన జైస్వాల్ 29వ ర్యాంక్ లో నిలిచాడు. ఆ టెస్టు రెండో ఇన్నింగ్స్‌లో సెంచరీతో మళ్లీ ఫామ్‌లోకి వచ్చిన శుభ్‌మన్ గిల్ 14 స్థానాలు మెరుగుపరుచుకున్నాడు. అతను కెరీర్‌లో అత్యుత్తమ ర్యాంక్ 38ని సాధించాడు.
నవీకరించబడిన తేదీ – ఫిబ్రవరి 08, 2024 | 08:21 AM
