ఎన్డీయేను బలోపేతం చేయండి!.. దేశాన్ని బలోపేతం చేయడమే మా లక్ష్యం
ఏపీలో జగన్‌కు ఎదురు పవనాలు
చంద్రబాబుతో అమిత్ షా ‘పొత్తు చర్చలు’
దాదాపు గంటపాటు ఢిల్లీలో భేటీ అయ్యారు
కలిసి పని చేయడంపై అవగాహన ఉందా?
న్యూఢిల్లీ, ఫిబ్రవరి 7 (ఆంధ్రజ్యోతి): దేశ, రాష్ట్ర ప్రయోజనాల కోసం కలిసి పనిచేయాలని టీడీపీ, బీజేపీ మధ్య అవగాహన కుదిరిన సంగతి తెలిసిందే. కేంద్ర హోంమంత్రి అమిత్ షా పిలుపు మేరకు టీడీపీ అధ్యక్షుడు చంద్రబాబు బుధవారం సాయంత్రం ఢిల్లీ చేరుకున్నారు. రాత్రి 11.30 గంటల ప్రాంతంలో ఇరువురు నేతలు సమావేశమయ్యారు. సుమారు గంటపాటు చర్చించారు. దేశవ్యాప్తంగా ఎన్డీయే బలపడుతోందని, దేశాన్ని బలోపేతం చేయాలంటే అన్ని రంగాల్లో తమ కూటమి అవసరమని అమిత్ షా చెప్పినట్లు సమాచారం. ఇతర రాష్ట్రాల్లోనూ చాలా పార్టీలు బీజేపీ వైపు చూస్తున్నాయని, ఈసారి 400కు పైగా సీట్లు సాధించాలని లక్ష్యంగా పెట్టుకున్నట్లు ఆయన చెప్పినట్లు సమాచారం. రాష్ట్రంలో బీజేపీ, తెలుగుదేశం మధ్య పొత్తు కుదిరితే బీజేపీ గెలిచే అవకాశాలున్న సీట్లపై కూడా అమిత్ షా ఆరా తీసిన సంగతి తెలిసిందే. అలాగే రాష్ట్రంలో జగన్ వ్యతిరేక పవనాలు వీస్తున్నట్లు తమకు సమాచారం అందినట్లు సమాచారం. గతంలో ఎన్డీయేను బలపరిచినట్లే.. గతంలో కూడా ఎన్డీయేకు సహకరించాలని అమిత్ షా చంద్రబాబును కోరినట్లు విశ్వసనీయ వర్గాల సమాచారం. ఈ సమావేశంలో బీజేపీ జాతీయ అధ్యక్షుడు జేపీ నడ్డా కూడా పాల్గొన్నారు.
రాష్ట్ర ప్రయోజనాలే ముఖ్యం: బాబు
అమిత్ షాతో భేటీకి ముందు చంద్రబాబు మీడియాతో ఇష్టాగోష్టిగా మాట్లాడారు. భాజపాకు దేశ ప్రయోజనాలే ముఖ్యమైతే తెలుగుదేశంకు రాష్ట్ర ప్రయోజనాలే ముఖ్యమన్నారు. దీన్ని దృష్టిలో ఉంచుకుని నిర్ణయాలు తీసుకుంటామని చెప్పారు. ఐదేళ్లలో రాష్ట్రం వెనక్కి వెళ్లిందని, రాష్ట్రాన్ని పునర్నిర్మించాల్సిన అవసరం ఉందన్నారు. కొన్ని నెలల క్రితం అమిత్ షా తనతో మాట్లాడారని, ఇప్పుడు మళ్లీ మెసేజ్ పెట్టారని చంద్రబాబు అన్నారు. తెలుగుదేశం ఎంపీలు గల్లా జయదేవ్, రామ్మోహన్ నాయుడు, మాజీ ఎంపీ కంభంపాటి రామ్మోహన్ రావు, ఎన్నికల వ్యూహకర్త రాబిన్ శర్మ తదితరులు చంద్రబాబుతో చర్చలు జరిపారు. .వైసీపీ ఎంపీలు లావు కృష్ణదేవరాయలు, రఘురామకృష్ణం రాజు కూడా చంద్రబాబుతో చర్చించారు. చంద్రబాబు ఢిల్లీకి వచ్చారని తెలిసి రాష్ట్రంలో టిక్కెట్లు ఆశిస్తున్న పలువురు పెద్దఎత్తున ఢిల్లీకి వచ్చి ఆయనను కలిసేందుకు ప్రయత్నించారు.
