హల్ద్వాని: ఉత్తరాఖండ్‌లోని హల్ద్వానీలో అక్రమంగా నిర్మించిన మదర్సా, మసీదు కూల్చివేత సందర్భంగా జరిగిన హింసాత్మక ఘటనలో నలుగురు మృతి చెందినట్లు అధికారులు తెలిపారు. 250 మందికి పైగా గాయపడ్డారు. అల్లర్లకు వ్యతిరేకంగా షూట్-ఎట్-సైట్ ఆదేశాలతో నగరంలో కర్ఫ్యూ విధించబడింది మరియు ఇంటర్నెట్ నిలిపివేయబడింది. ఈ ఘర్షణలో 50 మందికి పైగా పోలీసులు గాయపడినట్లు తెలుస్తోంది. ఈ కాల్పుల్లో అధికారులు, మున్సిపల్ కార్మికులు, జర్నలిస్టులు కూడా గాయపడ్డారు. పోలీస్ స్టేషన్ బయట పార్క్ చేసిన వాహనాలకు పోకిరీలు నిప్పు పెట్టారు. జేసీబీలతో నిర్మాణాలను ధ్వంసం చేయడంతో ఆగ్రహించిన స్థానికులు రోడ్లపైకి వచ్చి నిరసన తెలిపారు. బారికేడ్లు బద్దలు కొట్టి పోలీసులతో వాగ్వాదానికి దిగడంతో ఒక్కసారిగా పరిస్థితి ఉద్రిక్తంగా మారింది.
పోలీసులు, మున్సిపల్ కార్మికులు, జర్నలిస్టులపై రాళ్లు రువ్వారు. దీంతో పలువురు గాయపడ్డారు. 20కి పైగా బైక్‌లు, బస్సులు, వాహనాలకు నిప్పు పెట్టారు. ఈ ఘటనలో భారీగా ఆస్తి నష్టం జరిగింది. ప్రభావిత ప్రాంతాల్లో దుకాణాలు, పాఠశాలలు మూతపడ్డాయి. మదర్సాలు, మసీదుల కూల్చివేతలను నిలిపివేయాలంటూ దాఖలైన ప్రజా ప్రయోజన వ్యాజ్యం (పీఎల్)పై ఉత్తరాఖండ్ హైకోర్టు గురువారం విచారణ చేపట్టింది. అయితే కోర్టు నుంచి ఎలాంటి ఉపశమనం లభించకపోవడంతో కూల్చివేతలు కొనసాగాయి. ఈ కేసు తదుపరి విచారణ ఫిబ్రవరి 14న జరగనుంది.
అది జరిగిపోయింది..
హల్ద్వానీలో బంబుల్‌పురా పోలీస్ స్టేషన్ పరిధిలోని మాలిక్ గార్డెన్‌లో అక్రమంగా నిర్మించిన మసీదును మున్సిపల్ అధికారులు జేసీబీతో కూల్చివేశారు. ఈ క్రమంలో చెలరేగిన హింసను అదుపు చేసేందుకు పోలీసు బలగాలను మోహరించారు. అల్లర్లను ఆపేందుకు టియర్ గ్యాస్ ప్రయోగించారు.
ఈ ఘటనపై డీజీపీ అభినవ్ కుమార్ స్పందించారు. పరిస్థితిని అదుపు చేసేందుకు ప్రయత్నిస్తున్నామని చెప్పారు. అక్రమ మదర్సాలు, నమాజ్ స్థలాలు పూర్తిగా చట్టవిరుద్ధమని తెలిపారు. ఈ స్థలం సమీపంలో మున్సిపల్ కార్పొరేషన్ గతంలో మూడెకరాల భూమిని సేకరించింది. అయితే నమాజ్ స్థలాన్ని మదర్సా స్వాధీనం చేసుకుంది. స్వాధీనం చేసుకున్న స్థలంలో నిర్మాణ పనులు జరుగుతుండగా ఈ ఘటన చోటుచేసుకుంది.
మరిన్ని వార్తల కోసం ఇక్కడ క్లిక్ చేయండి చేయండి
https://www.youtube.com/watch?v=5HfiNwqJffw
నవీకరించబడిన తేదీ – ఫిబ్రవరి 09, 2024 | 10:36 AM
