తనకు కిషన్ రెడ్డి స్ఫూర్తి అని అన్నారు. ఆయన నాయకత్వంలో బీజేపీలో చేరడం గర్వంగా ఉందన్నారు. బీజేపీతో తనకు సాన్నిహిత్యం ఉందన్నారు.
చెన్నమనేని వికాస్ రావు
Vikas Rao And Deepa Join BJP : మాజీ గవర్నర్ చెన్నమనేని విద్యాసాగర్ రావు తనయుడు డాక్టర్ చెన్నమనేని వికాస్ రావు బీజేపీలో చేరారు. చెన్నమనేని వికాస్‌రావు తన సతీమణి దీపతో కలిసి బుధవారం కమలం పార్టీలో చేరారు. బీజేపీ రాష్ట్ర అధ్యక్షుడు, కేంద్రమంత్రి కిషన్‌రెడ్డి సమక్షంలో చెన్నమనేని వికాస్‌రావు, ఆయన భార్య దీప బీజేపీలో చేరారు. వారికి పార్టీ కండువాలు కప్పి పార్టీలోకి ఆహ్వానించారు. వచ్చే ఎన్నికల్లో వికాస్‌రావు వేములవాడ నుంచి పోటీ చేయనున్నారు.
వికాస్ రావు ఏడాది కాలంగా వేములవాడలో సేవా కార్యక్రమాలు చేస్తున్నారు. ప్రతిమ ఫౌండేషన్ ద్వారా నియోజకవర్గంలో పలు కార్యక్రమాలు నిర్వహించారు. వికాస్‌రావు తండ్రి విద్యాసాగర్‌రావు కేంద్రమంత్రిగా పనిచేశారు. మహారాష్ట్ర, తమిళనాడు గవర్నర్‌గా పనిచేశారు. గతంలో మెట్ పల్లి ఎమ్మెల్యేగా, కరీంనగర్ ఎంపీగా విద్యాసాగర్ రావు గెలుపొందారు. ఉమ్మడి ఆంధ్రప్రదేశ్‌లో బీజేపీ రాష్ట్ర అధ్యక్షుడిగా పనిచేశారు. ప్రస్తుతం చెన్నమనేని రమేష్ వేములవాడ ఎమ్మెల్యేగా ఉన్నారు.
అనంతరం చెన్నమనేని వికాస్‌రావు మాట్లాడుతూ.. ఈరోజు బీజేపీలో చేరడం జీవితంలో మరిచిపోలేని అనుభూతి అని అన్నారు. ఇదొక ఎమోషనల్ ఈవెంట్ అని అన్నారు. బీజేపీతో తనకు సాన్నిహిత్యం ఉందన్నారు. తాను చిన్నప్పటి నుంచి సంఘ్ నుంచి పెరిగానని చెప్పారు. చిన్నతనంలో వాజ్‌పేయి, అద్వానీల నీడలో పెరిగానని హేమ అన్నారు. తనకు కిషన్ రెడ్డి స్ఫూర్తి అని అన్నారు. ఆయన నాయకత్వంలో బీజేపీలో చేరడం గర్వంగా ఉందన్నారు.
రానున్న రోజుల్లో మోదీ నాయకత్వంలో సబ్ కా సాథ్ సబ్ కా వికాస్ నినాదంతో ముందుకు సాగుతామన్నారు. డాక్టర్ చెన్నమనేని వికాస్‌రావు, దీపలకు బీజేపీలోకి స్వాగతం పలుకుతున్నట్లు ఎంపీ ధర్మపురి అరవింద్ అన్నారు. దశాబ్దాలుగా భాజపాలో బలమైన కుటుంబం నుంచి వచ్చానని చెప్పారు. వేములవాడ ప్రాంతంలో ఎన్నో సేవా కార్యక్రమాలు చేస్తున్నానని చెన్నమనేని వికాస్ రావు వెల్లడించారు. వీరి చేరికతో పార్టీకి బలం చేకూరుతుందని ధీమా వ్యక్తం చేశారు.
కేసీఆర్: అందుకే కేసీఆర్ కామారెడ్డి నుంచి పోటీ.. భారీ మెజారిటీ ఖాయమా?
బీజేపీ జాతీయ ప్రధాన కార్యదర్శి, ఎంపీ బండి సంజయ్‌ మాట్లాడుతూ.. పార్టీకి ప్రత్యక్షంగా, పరోక్షంగా సేవలందించిన డాక్టర్ వికాస్‌రావు కుటుంబం పార్టీకి చెందిందన్నారు. తాము బీజేపీలో చేరడం వల్ల సిరిసిల్ల జిల్లాలో పార్టీకి మరింత బలం చేకూరుతుందన్నారు. సిరిసిల్ల జిల్లాలో రెండు సీట్లు గెలుస్తామని చెప్పారు. 25 వేల టీచర్ పోస్టులు ఖాళీగా ఉన్నాయని.. వాటిని భర్తీ చేయాలని నిరసన తెలిపితే గొడ్డలిపెట్టులా కొట్టారన్నారు.
కిషన్ రెడ్డి నాయకత్వానికి తాము అండగా ఉంటామని హామీ ఇచ్చారు. ఖమ్మంలో భాజపా ఎక్కడుందోనని ఆరా తీస్తున్న వారికి నిన్న జరిగిన ఖమ్మం బహిరంగ సభ విజయవంతమే నిదర్శనమన్నారు. ఎన్నికలు ఎప్పుడు వచ్చినా బీజేపీ అధికారంలోకి రావడం ఖాయమని ధీమా వ్యక్తం చేశారు. ప్రతిపక్షాల గొంతు నొక్కేందుకు పేదల కోసం ముందుకు వస్తానన్నారు.
