ఇంజినీరింగ్: సీట్లున్నాయి… విద్యార్థులు లేరు!

ఇంజనీరింగ్‌లో భారీ మిగులు

కన్వీనర్ కోటాలో 20 వేల సీట్లు

నిర్వహణలో మరో 30 వేలు

అభ్యర్థులు లేకుండా 50 వేల సీట్లు ఖాళీగా ఉన్నాయి

(అమరావతి-ఆంధ్రజ్యోతి): రాష్ట్రంలో ఇంజనీరింగ్ విద్య తీరు మారుతోంది. పొరుగు రాష్ట్రాలైన తెలంగాణ, కర్నాటకలో హాట్ కేకుల్లా సీట్లు భర్తీ అవుతున్నా రాష్ట్రంలో మాత్రం సీట్లు ఖాళీగానే ఉన్నాయి. గతేడాదితో పోలిస్తే ఈ ఏడాది సీట్ల సంఖ్య స్వల్పంగా పెరిగినా పక్క రాష్ట్రాల్లో వృద్ధిరేటు ఏపీలో కనిపించడం లేదు. రాష్ట్రంలో విద్యా ప్రమాణాలు అత్యంత దారుణంగా ఉండడంతో విద్యార్థులు పక్క రాష్ట్రాలకు వలస వెళ్తున్నారు. సాంకేతిక విద్యపై మోజు పెరుగుతున్న తరుణంలో రాష్ట్రంలో వేల సంఖ్యలో ఇంజినీరింగ్ సీట్లు మిగిలిపోవడం ఆశ్చర్యం కలిగిస్తోంది. ఈ ఏడాది కన్వీనర్ కోటాలో 20 వేల సీట్లు ఖాళీగా ఉండగా.. మేనేజ్ మెంట్ కోటాలో 30 వేలు మిగిలాయని తెలుస్తోంది. కన్వీనర్ సీట్ల భర్తీ శుక్రవారంతో ముగిసింది. తుది విడత కౌన్సెలింగ్ సీట్ల కేటాయింపు వివరాలను సాంకేతిక విద్యాశాఖ విడుదల చేసింది. మొదటి విడత కౌన్సెలింగ్‌లో 91,249 మంది విద్యార్థులకు సీట్లు కేటాయించగా దాదాపు 82 వేల మంది మాత్రమే కళాశాలల్లో ప్రవేశం పొందారు. ఇప్పుడు చివరి రౌండ్ కౌన్సెలింగ్‌లో మళ్లీ 55,227 మంది సీట్లకు ఆప్షన్లు ఎంచుకోగా, చివరికి 11,408 మందికి మాత్రమే సీట్లు వచ్చాయి. అన్ని కాలేజీల్లో ప్రవేశం కల్పిస్తారనే గ్యారెంటీ లేదు. మొదటి దశలో సీట్లు పొందిన వారిలో 19,959 మంది కాలేజీలు, బ్రాంచ్‌లు మారారు. మొత్తంమీద కన్వీనర్ కోటాలో ఇంజినీరింగ్‌లో భారీ సీట్లు మిగిలి ఉన్నాయి. 25 యూనివర్సిటీ కాలేజీల్లో అందుబాటులో ఉన్న 6,590 సీట్లలో 5,357 మాత్రమే భర్తీ అయ్యాయి. 218 ప్రైవేట్ కాలేజీల్లోని 1,02,259 సీట్లలో 83,666 భర్తీకాగా 18,593 సీట్లు మిగిలి ఉన్నాయి. కాగా, ప్రైవేట్ యూనివర్సిటీల్లో 3,847 సీట్లలో 209 సీట్లు మాత్రమే మిగిలాయి.

కన్వీనర్ కోటా కింద మొత్తం 1,12,696 సీట్లు ఉండగా 92,661 సీట్లు భర్తీ అయ్యాయి. ఇవి కాకుండా మేనేజ్‌మెంట్ కోటాలో 50 వేలకు పైగా సీట్లు ఉన్నాయి. తాజాగా మేనేజ్‌మెంట్ కోటా సీట్ల భర్తీకి ప్రభుత్వం అనుమతించింది. ఈ కోటాలో గరిష్టంగా 20 వేల సీట్లు భర్తీ చేసుకోవచ్చు. అంటే మేనేజ్‌మెంట్ కోటాలో కూడా 30 వేలకు పైగా సీట్లు మిగిలి ఉన్నాయి. ఇంజినీరింగ్ సీట్లు ఎక్కువగా రావడానికి ఫీజులు తగ్గించడమే ప్రధాన కారణమన్న వాదన వినిపిస్తోంది. గత ప్రభుత్వంలో ప్రైవేట్ కాలేజీల్లో ఫీజులు గరిష్టంగా రూ.1.05 లక్షలు ఉండగా, వైసీపీ ప్రభుత్వం వాటిని పెంచకుండా గరిష్టంగా రూ.70 వేలకు తగ్గించింది. దీంతో ప్రైవేట్ కాలేజీల్లో ప్రమాణాల పెంపుదల నిలిచిపోయింది. ఫీజుల తగ్గింపుపై అసంతృప్తిగా ఉన్న యాజమాన్యాలు ప్రమాణాలను మెరుగుపరచుకోవడంపై ఆసక్తి చూపడం లేదు.

40 వేల మంది వలస!

రాష్ట్ర విద్యార్థులు వలస వెళ్లారు. ఈ ఏడాది కనీసం 40 వేల మంది విద్యార్థులు పక్క రాష్ట్రాలకు వెళ్లినట్లు గణాంకాలు చెబుతున్నాయి. ఈ ఏడాది ఇంటర్ సెకండియర్ పరీక్షల్లో మొత్తం 3,09,140 మంది ఉత్తీర్ణులయ్యారు. ఆ తర్వాత ఇంజినీరింగ్‌లో పెద్దగా చేరలేదు. దీంతో భారీ సంఖ్యలో సీట్లు మిగిలాయి. ఇంకా 1,08,000 మంది డిగ్రీ అడ్మిషన్లలో సీట్లు పొందారు. కొందరు వృత్తి విద్యా కోర్సులను ఇష్టపడతారు. ఈ అంశాలన్నింటినీ పరిగణనలోకి తీసుకున్నా.. 40 వేల మంది విద్యార్థులు పక్క రాష్ట్రాలకు వెళ్లి ఉంటారని కాలేజీ యాజమాన్యాలు అంచనా వేస్తున్నాయి. దీంతో ఈ ఏడాది పొరుగు రాష్ట్రాల కాలేజీల్లో విద్యార్థుల సంఖ్య గణనీయంగా పెరిగింది. వాస్తవానికి ఫీజు రీయింబర్స్ మెంట్ , వసతి దీవెన వంటి పథకాలను అమలు చేస్తున్నామని ప్రభుత్వం ప్రచారం చేస్తున్నా విద్యార్థులు మాత్రం ఇతర రాష్ట్రాల వైపు మొగ్గు చూపుతున్నారు. సొంతంగా ఫీజులు కట్టినా మంచి కాలేజీల్లో చదవాలనే లక్ష్యంతో కదులుతున్నారు.

Leave a Reply

Your email address will not be published. Required fields are marked *