వేసవి: శీతల పానీయాలపై వైద్యుల హెచ్చరికలు ఇవే..

వేసవిలో భానుడు ప్రతాపం చూపుతున్నాడు. ఉదయం 10 గంటల తర్వాత బయటకు వెళ్లే అవకాశం లేదు. సూర్యుని వేడికి శరీరంలోని నీరు ఆవిరైపోతుంది. ఎండలకు తట్టుకోలేక శీతల పానీయాలు తాగితే రోగాలబారిన పడతామని వైద్యులు హెచ్చరిస్తున్నారు.

వేసవి ఎండలు రోజురోజుకూ తీవ్రమవుతున్నాయి. ఉదయం 10 గంటల నుంచి సాయంత్రం 4 గంటల వరకు 42 డిగ్రీల ఉష్ణోగ్రత నమోదవుతుంది. ఎండలో నడిచే వారు శీతల పానీయాలు తాగడం సహజం. ప్రజల ఆకలిని దృష్టిలో ఉంచుకుని కొందరు వ్యాపారులు రోడ్డెక్కుతున్నారు. కూల్ డ్రింక్స్, ఐస్‌క్రీమ్‌లు నాసిరకంగా తయారై ప్రజల ప్రాణాలతో చెలగాటమాడుతున్నాయి. అపరిశుభ్రమైన నీళ్లతో ఐస్‌ తయారవుతోంది. అదే ఐస్‌ను చెరుకు రసం, లస్సీ, మజ్జిగ తదితర వాటితో విక్రయిస్తున్నారు.

వేసవిలో కనిపించి సీజన్ ముగిసే సమయానికి మాయమయ్యే ఈ వ్యాపారులు ప్రభుత్వం నుంచి ఎలాంటి అనుమతులు తీసుకోవడం లేదు. మున్సిపల్ ఫుడ్ అడ్మినిస్ట్రేషన్ శాఖల అధికారులు అనుమతులు తీసుకోవాలని కోరడం లేదు. కనీసం నాణ్యత ప్రమాణాలు పాటించాలని సూచించడం లేదు. దీంతో వ్యాపారులు నాసిరకం పానీయాలను తయారు చేసి విక్రయిస్తున్నారు. ఇది తెలియక వీటిని తాగి రోగాలబారిన పడుతున్నారు.

చల్లగా తాగితే ఇక అంతే..

నఖిలీ శీతల పానీయాలు తాగడం వల్ల ఆస్తమా వంటి ఆరోగ్య సమస్యలు వస్తాయి. ఊపిరితిత్తులలో గాలిని తీసుకువెళ్లే గొట్టాలు పూర్తిగా మూసుకుపోయి శ్వాస తీసుకోవడం కష్టమవుతుంది. ఇంట్లో ఫ్రిజ్‌లోని పదార్థాల దగ్గరకు కూడా వెళ్లవద్దు.

  • చిన్నపిల్లలు మరియు వృద్ధులు రోడ్డు పక్కన దొరికే శీతల పానీయాలను తాగుతారు, ఇది బ్యాక్టీరియా మరియు వైరస్లతో సహా అనేక వ్యాధులకు కారణమవుతుంది. సరైన ఐస్‌ను ఉపయోగించకపోవడం ఒక కారణమైతే, విక్రేతలు శుభ్రంగా ఉంచకపోవడం, రహదారి నుండి దుమ్ము మరియు ధూళి మరొక కారణం.

  • సమస్య గొంతు నొప్పితో మొదలవుతుంది. అప్పుడు గొంతు బొంగురుపోవడం, ఊపిరి పీల్చుకోవడం, దగ్గు, జలుబుతో పాటు అధిక జ్వరం వస్తుంది.

  • ఇది ఆస్తమా బాధితులు, అవయవ మార్పిడి గ్రహీతలు, మూత్రపిండాలు, చక్కెర, కాలేయం మరియు COPD రోగులలో న్యుమోనియాకు దారితీస్తుంది.

  • చిన్న పిల్లల్లో దీర్ఘకాలిక దగ్గు, పొడి దగ్గు, ఆయాసం, కఫం ఉత్పత్తి, ఛాతీ బిగువు వంటి సమస్యలు తలెత్తుతాయి.

  • బీపీ, షుగర్ మానసిక సమస్యలకు వాడే మందులు తక్కువ చెమట పట్టేలా చేస్తాయి. దీని వల్ల శరీర ఉష్ణోగ్రతలో సమతుల్యత ఉండదు. ఫలితంగా, వారు సూర్యరశ్మికి గురైనప్పుడు త్వరగా వడదెబ్బకు గురవుతారు.

  • ఈ మందులు వాడుతున్న రోగులు వేసవిలో మోతాదు మార్పుల కోసం తమ వైద్యుడిని సంప్రదించాలి. మూత్రం ముదురు రంగులోకి మారితే శరీరంలో నీటిశాతం తగ్గిపోయిందని గుర్తించాలి. ఆ మేరకు నీటిని భర్తీ చేయాలి.

  • మధుమేహ వ్యాధిగ్రస్తులు తరచుగా మూత్ర విసర్జన చేస్తారు. దీంతో శరీరంలో సోడియం, పొటాషియం తగ్గుతాయి. వేసవిలో ఇది మరింత ప్రమాదకరం. శరీరంలో నీరు పోకుండా జాగ్రత్తలు తీసుకోవాలి. అవసరమైతే, వైద్యుడిని సంప్రదించండి.

  • మీకు బీపీ ఉంటే ఉప్పునీరు కూడా తీసుకోకండి. శరీరంలో నీటి శాతం తగ్గినప్పుడు, మూత్రం పసుపు రంగులోకి మారినప్పుడు నీటిని తీసుకోవాలి.

  • పిల్లల నుండి పెద్దల వరకు వేసవిలో తగినంత నిద్ర అవసరం, పెద్దలు కనీసం 6 నుండి 7 గంటలు మరియు పిల్లలు 9 గంటలు నిద్రపోవాలి.

శుద్ధి చేయని నీటి వల్ల వచ్చే వ్యాధులు

స్థానికంగా శుద్ధి చేయని నీటితో తయారు చేసిన శీతల పానీయాల ఫలితంగా వైరల్ హెపటైటిస్, డయేరియా (విరేచనాలు, వాంతులు) మరియు టైఫాయిడ్ జ్వరం వంటి నీటి ద్వారా సంక్రమించే వ్యాధులు సంభవించవచ్చు. కొన్ని రకాల బ్యాక్టీరియా వ్యాధులు (అమీబియాసిస్) వస్తాయి. కామెర్లు ప్రమాదకరమైనవి కాబట్టి కాచి చల్లార్చిన నీటితో పానీయాలు తయారుచేయాలి. సరైన శుద్ధి లేకుండా నీరు త్రాగవద్దు. లక్షణాలు కనిపిస్తే, వైద్యుడిని సంప్రదించండి.

-హైదరాబాద్, నార్సింగ్ – (ఆంధ్రజ్యోతి)

నవీకరించబడిన తేదీ – 2023-03-06T14:06:28+05:30 IST

Leave a Reply

Your email address will not be published. Required fields are marked *