బ్యాంకు ఉద్యోగులకు కేంద్ర ప్రభుత్వం త్వరలో శుభవార్త చెప్పనుందని బ్యాంకింగ్ వర్గాల్లో జోరుగా చర్చ సాగుతోంది. మన దేశంలోని ప్రభుత్వ బ్యాంకుల్లో పనిచేస్తున్న ఉద్యోగులు వారంలో ఐదు రోజులు మాత్రమే పనిచేసేలా వెసులుబాటు కల్పించాలని కేంద్ర ప్రభుత్వం నిర్ణయించినట్లు తెలుస్తోంది. త్వరలో.. ఈ ప్రతిపాదనకు కేంద్ర ప్రభుత్వం ఆమోదముద్ర వేయనున్నట్లు సమాచారం. వారంలో ఐదు రోజుల పనిదినాల ప్రతిపాదనను ఇండియన్ బ్యాంక్ అసోసియేషన్ (ఐబీఏ) కేంద్ర ప్రభుత్వానికి పంపడం గమనార్హం.
యునైటెడ్ ఫోరమ్ ఆఫ్ బ్యాంక్ ఎంప్లాయీస్ (UFBEs) కూడా ఈ ప్రతిపాదనను స్వాగతించింది. అయితే.. ఆ ఐదు పని దినాల్లో బ్యాంకు ఉద్యోగులు 40 నిమిషాల పాటు అదనంగా పని చేయాల్సి ఉంటుంది. ప్రస్తుతం బ్యాంకు ఉద్యోగులకు నెలలో రెండు శని, నాలుగు ఆదివారాలు సెలవులు కావడం గమనార్హం. వీటికి అదనంగా ప్రభుత్వ సెలవులు ఉండనున్నాయి. తాజాగా.. వారంలో రెండు రోజులు సెలవుల ప్రతిపాదన కూడా కేంద్రం నుంచి ముందుకు రావడంతో కేంద్ర ప్రభుత్వం సానుకూలంగా స్పందించి ఈ ప్రతిపాదన కార్యరూపం దాలిస్తే బ్యాంకు ఉద్యోగులు సంబరాలు చేసుకుంటారు.
ఐటీ ఉద్యోగుల మాదిరిగానే బ్యాంకు ఉద్యోగులు కూడా వారంలో రెండు రోజులు అధికారిక సెలవులు తీసుకునే వెసులుబాటు ఉంది. కాగా, మే నెలలో దేశంలోని పలు ప్రాంతాల్లో 11 రోజుల పాటు బ్యాంకులు మూతపడనున్నాయి. బుద్ధ పూర్ణిమ, మహారాణా ప్రతాప్ జయంతి మరియు ఆదివారాలు మరియు ప్రతి నెలా రెండు శనివారాలు వంటి సెలవుల కారణంగా మే నెలలో దేశంలోని అనేక ప్రాంతాల్లో 11 రోజుల పాటు బ్యాంకులు మూసివేయబడతాయి. అయితే, దేశవ్యాప్తంగా అన్ని బ్యాంకులకు సెలవులు ఒకేలా ఉండవని గుర్తుంచుకోవాలి. మే నెలలో బ్యాంకులు మూతపడే రోజులను పరిశీలిస్తే.
మే 7: ఆదివారం
మే 13: రెండవ శనివారం
మే 14: ఆదివారం
మే 21: ఆదివారం
మే 27: నాల్గవ శనివారం
మే 28: ఆదివారం
నవీకరించబడిన తేదీ – 2023-05-04T16:07:58+05:30 IST
