కావ్య కళ్యాణ్‌రామ్ (కావ్య కళ్యాణ్‌రామ్).. రీసెంట్‌గా వచ్చిన ‘బలగం’ సినిమాతో మంచి సక్సెస్‌తో పాటు గుర్తింపు తెచ్చుకున్న హీరోయిన్. అల్లు అర్జున్ పరిచయమైన చిత్రం ‘గంగోత్రి’లో ఈ భామ చిన్నప్పుడు హీరోయిన్‌గా నటించింది. ప్రస్తుతం కావ్య నటించిన ‘ఉస్తాద్’ విడుదలకు సిద్ధమవుతోంది. ఈ సినిమాలో కీరవాణి తనయుడు శ్రీసింహ కథానాయకుడిగా నటిస్తున్నాడు. ఈ సినిమా ప్రమోషన్స్‌లో భాగంగా కావ్య తనకు బాడీ షేమింగ్ కూడా ఎదురైందని రెండు రోజులుగా మీడియాలో కొన్ని వార్తలు వైరల్ అవుతున్నాయి. ఈ వార్తలపై కావ్య కళ్యాణ్ రామ్ తన సోషల్ మీడియా వేదికగా క్లారిటీ ఇచ్చింది.
“నేను చెప్పినట్లు దర్శకులు నన్ను బాడీ షేమ్ చేశారంటూ కొన్ని మీడియా సంస్థల్లో కథనాలు రావడం గమనించాను. నేను ఎక్కడా అలా అనలేదు. ఆ కథనాలు నిజం కాదు. దయచేసి ఇలాంటి తప్పుడు వార్తలను ప్రచారం చేయకండి. ధన్యవాదాలు” అని కావ్య కళ్యాణ్ రామ్ తన పోస్ట్‌లో పేర్కొన్నారు. సోషల్ మీడియా ఖాతాలు. ఆమె చేసిన ఈ పోస్ట్‌కు నెటిజన్లు కూడా సపోర్ట్ చేస్తున్నారు. వార్తలు చూసి నిజమేనంటూ రియాక్ట్ అవుతున్నారు. (పుకార్లపై కావ్య కళ్యాణ్‌రామ్)
కావ్య కళ్యాణ్ రామ్ సినిమాల విషయానికి వస్తే ఆమె నటించిన ‘మసూద’, ‘బలగం’ వంటి చిత్రాలు బాక్సాఫీస్ వద్ద మంచి విజయాన్ని అందుకున్నాయి. ఈ సినిమాల తర్వాత ఆమె నటిస్తున్న ‘ఉస్తాద్’ సినిమాపై మంచి అంచనాలే ఉన్నాయి. వారాహి చలనచిత్రం, కృషి ఎంటర్‌టైన్‌మెంట్స్ పతాకాలపై ఫణిదీప్ దర్శకత్వంలో రజనీ కొర్రపాటి, రాకేష్ రెడ్డి గడ్డం, హిమాంక్ రెడ్డి దువ్వూరు నిర్మిస్తున్న ‘ఉస్తాద్’. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ చిత్రాన్ని ఆగస్ట్ 12న విడుదల చేసేందుకు మేకర్స్ సన్నాహాలు చేస్తున్నారు.
****************************************
****************************************
****************************************
****************************************
****************************************
నవీకరించబడిన తేదీ – 2023-07-12T19:58:51+05:30 IST
