వికారాబాద్ ఎమ్మెల్యే డాక్టర్ మెటుకు ఆనంద్ ఆదివారం ఉదయం కాంగ్రెస్ పట్టణ అధ్యక్షుడు సుధాకర్ రెడ్డి ఇంటికి వెళ్లడం వికారాబాద్ లో రాజకీయంగా చర్చనీయాంశంగా మారింది.
సుధాకర్ రెడ్డి ఇంటికి వెళ్తున్న ఎమ్మెల్యే ఆనంద్
వికారాబాద్‌లో రాజకీయంగా చర్చ
కాంగ్రెస్ పార్టీని వీడేది లేదని సుధాకర్ రెడ్డి అన్నారు
వికారాబాద్ , జూలై 23 (ఆంధ్రజ్యోతి): వికారాబాద్ ఎమ్మెల్యే డాక్టర్ మెటుకు ఆనంద్ ఆదివారం ఉదయం కాంగ్రెస్ పట్టణ అధ్యక్షుడు సుధాకర్ రెడ్డి ఇంటికి వెళ్లడం వికారాబాద్ లో రాజకీయంగా చర్చనీయాంశంగా మారింది. వారి నివాసంలో చాలా సేపు చర్చలు కొనసాగాయి. వికారాబాద్ లో కాంగ్రెస్ పార్టీ ముఖ్యనేతనే కాకుండా ప్రసాద్ కుమార్ ప్రధాన అనుచరుడు సుధాకర్ రెడ్డితో ఎమ్మెల్యే చర్చ ప్రశ్నార్థకంగా మారింది. అయితే గతం నుంచి సుధాకర్ రెడ్డి అభివృద్ధి విషయంలో పలు సభల్లో ఎమ్మెల్యేపై నిప్పులు చెరుగుతున్న సంగతి తెలిసిందే. అయితే తాజాగా ఎమ్మెల్యే మెటుకు ఆనంద్ పట్టణంలోని ప్రముఖులను ఒకరి తర్వాత ఒకరు కలుస్తున్నారని, అందులో భాగంగానే సుధాకర్ రెడ్డిని కలిసి ఉంటారని అందరూ భావిస్తున్నారని చర్చ జరుగుతోంది. ఇటీవలే వికారాబాద్ మున్సిపాలిటీకి రూ.60 కోట్లు నిధులు మంజూరైతే కొత్త వంతెనకు రూ.96 కోట్లు వచ్చాయి. అయితే ఇదే విషయమై ఆంధ్రజ్యోతి కాంగ్రెస్ పట్టణ అధ్యక్షుడు సుధాకర్‌రెడ్డితో మాట్లాడగా.. ఎమ్మెల్యే మర్యాదపూర్వకంగా ఆయన ఇంటికి వచ్చి అనేక రాజకీయ విషయాలు మాట్లాడుతున్నా కాంగ్రెస్ పార్టీని వీడేది లేదని స్పష్టం చేశారు. కాంగ్రెస్ పార్టీ తరపున ప్రసాద్ కుమార్ గెలుపునకు కృషి చేస్తానని, వికారాబాద్ లో కాంగ్రెస్ పార్టీని గెలిపిస్తానని అన్నారు. ఏది ఏమైనా కాంగ్రెస్ పార్టీ అధినేత ఇంటికి ఎమ్మెల్యే మెటుకు ఆనంద్ వెళ్లడం వికారాబాద్ రాజకీయాల్లో హీట్ రేపుతుంది. వికారాబాద్ కాంగ్రెస్ పార్టీ పట్టణ అధ్యక్షుడు సుధాకర్‌రెడ్డి, టీపీసీ అధ్యక్షుడు రేవంత్‌రెడ్డి, మాజీ మంత్రి గడ్డం ప్రసాద్‌కుమార్‌ను శనివారం రాత్రి మర్యాదపూర్వకంగా కలిశారు. ఈ సందర్భంగా తాజా రాజకీయాలపై సుదీర్ఘంగా చర్చించారు. పార్టీ అధికారంలోకి వచ్చేందుకు కృషి చేయాలని, అందరికీ న్యాయం చేయాలని రేవంత్ రెడ్డి సూచించిన సంగతి తెలిసిందే.
నవీకరించబడిన తేదీ – 2023-07-23T23:43:40+05:30 IST
