సినీ పరిశ్రమలో సహజ నటిగా పేరు తెచ్చుకున్న జయసుధ రాజకీయాల్లోనూ రాణించారు. 2009 ఎన్నికల్లో దివంగత ముఖ్యమంత్రి వైఎస్‌ఆర్‌ చొరవతో జయసుధ కాంగ్రెస్ పార్టీలో చేరారు. కాంగ్రెస్ పార్టీ తరపున ఆమె సికింద్రాబాద్ ఎమ్మెల్యేగా గెలుపొందారు.
మాజీ ఎమ్మెల్యే జయసుధ
మాజీ ఎమ్మెల్యే జయసుధ: సినీ నటి, మాజీ ఎమ్మెల్యే జయసుధ భారతీయ జనతా పార్టీలో చేరేందుకు సిద్ధమయ్యారు. ఢిల్లీలో బీజేపీ జాతీయ అధ్యక్షుడు జేపీ నడ్డా సమక్షంలో బుధవారం మధ్యాహ్నం ఆమె బీజేపీ కండువా కప్పుకోనున్న సంగతి తెలిసిందే. జయసుధ ఇప్పటికే ఢిల్లీ చేరుకున్నారు. మరోవైపు పార్లమెంట్ సమావేశాల నేపథ్యంలో ఢిల్లీలో కేంద్రమంత్రి కిషన్ రెడ్డి, డాక్టర్ లక్ష్మణ్ ఉన్నారు. వీరితో పాటు తెలంగాణ బీజేపీకి చెందిన కీలక నేతలు ఢిల్లీలో ఉన్నారు. వారందరి సమక్షంలో జయసుధ బీజేపీలో చేరనున్న సంగతి తెలిసిందే. గతంలో సికింద్రాబాద్ ఎమ్మెల్యేగా ప్రాతినిధ్యం వహించిన జయసుధ ఇప్పుడు ముషీరాబాద్, సికింద్రాబాద్ నియోజకవర్గాల నుంచి పోటీ చేసేందుకు ఆసక్తి చూపుతున్నట్లు సమాచారం.
రాష్ట్రంలో బీజేపీ అధికారంలోకి రాగానే ఎస్టీ రిజర్వేషన్లు పెంచుతాం : కిషన్‌రెడ్డి
మరికొద్ది నెలల్లో తెలంగాణలో అసెంబ్లీ ఎన్నికలు జరగనున్నాయి. ఈ ఎన్నికల్లో అధికారంలోకి వచ్చేందుకు బీజేపీ అన్ని ప్రయత్నాలు చేస్తోంది. ఈ క్రమంలో తాజాగా రాష్ట్ర పార్టీలో కీలక మార్పులు చోటు చేసుకున్నాయి. బండి సంజయ్‌ను అధ్యక్ష బాధ్యతల నుంచి తప్పించి కేంద్ర మంత్రి కిషన్‌రెడ్డికి కేంద్ర పార్టీ నాయకత్వం ఆ బాధ్యతలు అప్పగించిన సంగతి తెలిసిందే. దీంతో పార్టీలో నెలకొన్న అసంతృప్తి, అంతర్గత విభేదాలకు చెక్ పడింది. అంతేకాదు రాష్ట్రంలోని వివిధ పార్టీల నుంచి భారీగా బీజేపీలో చేరే అవకాశం ఉందని ఆ పార్టీ నేతలు చెబుతున్నారు. ఈ క్రమంలోనే జయసుధను చేర్చుకున్నారని ఆ పార్టీ నేతలు చెబుతున్నారు. రాష్ట్ర పార్టీ అధ్యక్షురాలిగా బాధ్యతలు చేపట్టిన తర్వాత జయసుధ ప్రత్యేకంగా వెళ్లి కిషన్ రెడ్డిని అభినందించారు. ఈ సమయంలోనే ఆమె బీజేపీలో చేరడంపై చర్చ సాగిందని, ఆ చర్చలు సఫలం కావడంతో బుధవారం జేపీ నడ్డా సమక్షంలో జయసుధ బీజేపీ తీర్థం పుచ్చుకోబోతున్నారని ఆ పార్టీ నేతలు చెబుతున్నారు.
కిషన్ రెడ్డి: బీజేపీపై విజయశాంతి ట్వీట్లు..: కిషన్ రెడ్డి
సినీ పరిశ్రమలో సహజ నటిగా పేరు తెచ్చుకున్న జయసుధ రాజకీయాల్లోనూ రాణించారు. 2009 ఎన్నికల్లో దివంగత ముఖ్యమంత్రి వైఎస్‌ఆర్‌ చొరవతో జయసుధ కాంగ్రెస్ పార్టీలో చేరారు. కాంగ్రెస్ పార్టీ తరపున ఆమె సికింద్రాబాద్ ఎమ్మెల్యేగా గెలుపొందారు. ఆ తర్వాత కాంగ్రెస్ నుంచి పోటీ చేసి ఓడిపోయారు. ఓటమి తర్వాత ఆమె రాజకీయాలకు దూరంగా ఉన్నారు. ఆ తర్వాత వైసీపీ, టీడీపీల్లో కొనసాగారు. అయితే జయసుధ ఆ పార్టీల్లో ఉన్నప్పటికీ క్రియాశీలక రాజకీయాల్లో కనిపించలేదు.
తాజాగా ఆమె బీజేపీలో చేరి తన రాజకీయ జీవితాన్ని కొనసాగించేందుకు సిద్ధమయ్యారు. వచ్చే అసెంబ్లీ ఎన్నికల్లో బీజేపీ అభ్యర్థిగా సికింద్రాబాద్, ముషీరాబాద్ నియోజకవర్గాల్లో ఏదో ఒక స్థానం నుంచి ఆమె పోటీ చేయనున్నట్లు తెలుస్తోంది. ఇప్పటికే బీజేపీ అధిష్టానం నుంచి ఓ హామీ వచ్చిందని బీజేపీ వర్గాల్లో ప్రచారం జరుగుతోంది.
