మహారాష్ట్ర వార్తలు: మహారాష్ట్రలోని ఓ ప్రభుత్వ ఆసుపత్రిలో ఒక్కరోజే 18 మంది మృతి చెందడం దేశవ్యాప్తంగా పెను సంచలనం సృష్టించింది. గత 24 గంటల్లో చాలా మంది ఆకస్మికంగా మరణించడం అందరినీ దిగ్భ్రాంతికి గురిచేస్తుంది. ఈ ఘటన పూర్తి వివరాల్లోకి వెళితే..
ఈ దారుణ ఘటన రాష్ట్రంలోని థానేలోని ఛత్రపతి శివాజీ మహారాజ్ ప్రభుత్వ ఆసుపత్రిలో చోటుచేసుకుంది. ప్రభుత్వాసుపత్రిలో ఒక్కరోజే 18 మంది చనిపోయారు. మృతుల్లో పది మంది మహిళలు, ఎనిమిది మంది పురుషులు ఉన్నారు. 10 మంది మహిళలు ఉన్నారు. మృతుల్లో థానే నగరానికి చెందిన ఆరుగురు, కళ్యాణ్‌కు చెందిన నలుగురు, షాపూర్‌కు చెందిన ముగ్గురు, భివాండి, ఉల్లాస్‌నగర్ మరియు గోవండి (ముంబై) నుండి ఒక్కొక్కరు ఉన్నారు. మరో ఇద్దరిని గుర్తించాల్సి ఉందని మున్సిపల్ కమిషనర్ అభిజిత్ బంగర్ తెలిపారు. మృతుల్లో 12 మంది 50 ఏళ్లు పైబడిన వారేనని అభిజిత్ బంగర్ వెల్లడించారు. కమీషనర్ ఆఫ్ హెల్త్ సర్వీసెస్ నేతృత్వంలోని కమిటీ ఈ మరణాలకు సంబంధించిన క్లినికల్ కోణాల్లో దర్యాప్తు చేయనున్నట్లు ప్రకటించింది.
మృతుల్లో కొందరు దీర్ఘకాలిక వ్యాధులతో బాధపడుతున్నారని.. ఘటనపై విచారణకు ఆదేశించామని అధికారులు వెల్లడించారు. ఒక్కరోజే 18 మంది మృతి చెందడంతో ఎలాంటి అవాంఛనీయ సంఘటనలు జరగకుండా ఆస్పత్రి దగ్గర పోలీసు బందోబస్తు ఏర్పాటు చేశారు. మరణించిన రోగులు కిడ్నీలో రాళ్లు, దీర్ఘకాలిక పక్షవాతం, అల్సర్లు, న్యుమోనియా, కిరోసిన్ పాయిజనింగ్ నుండి సెప్టిసిమియా వరకు వివిధ వైద్య సమస్యలతో బాధపడుతున్నారని అభిజిత్ బంగర్ చెప్పారు. ఆసుపత్రిని సందర్శించిన రాష్ట్ర మంత్రి అదితి తత్కరే మృతి పట్ల సంతాపం వ్యక్తం చేస్తూ, ఇలాంటి ఘటనలు పునరావృతం కాకుండా మహారాష్ట్ర ప్రభుత్వం సమగ్ర చర్యలు తీసుకుంటుందని హామీ ఇచ్చారు.
పోస్ట్ మహారాష్ట్ర న్యూస్ : మహారాష్ట్రలో ఒక్కరోజే 18 మంది మృతి.. ఆ ఆసుపత్రిలో! మొదట కనిపించింది ప్రైమ్9.
