బీఆర్ఎస్ పార్టీ దాన్‌ నాగేందర్‌కు టికెట్ కేటాయించినా ఈసారి విజయం బీఆర్ఎస్ పార్టీకి పెద్ద సవాల్‌గా మారనుంది. పదేళ్లుగా ప్రభుత్వాన్ని నడిపిన పార్టీపై కొంత వ్యతిరేకత, ఖైరతాబాద్ ఎమ్మెల్యేగా దానం పనితీరుపై మరికొంత వ్యతిరేకత రావడంతో పార్టీ గెలుపు కోసం తీవ్రంగా శ్రమించాల్సి వస్తోంది.
ఖైరతాబాద్ (ఆంధ్రజ్యోతి): ఖైరతాబాద్ నియోజకవర్గానికి అధికార బీఆర్ఎస్ తరపున సిట్టింగ్ ఎమ్మెల్యే దానం నాగేందర్ పేరును ప్రకటించడంతో బీఆర్ఎస్ శ్రేణులు సంబరాలు చేసుకుంటున్నారు. ఈసారి టికెట్ వస్తుందన్న నమ్మకంతో పార్టీ పనిలో నిమగ్నమై నాయకత్వాన్ని ప్రసన్నం చేసుకునేందుకు ప్రయత్నించిన మన్నె గోవర్ధన్ రెడ్డి ఆశలు మరోసారి తలకిందులయ్యాయి. పార్టీ టికెట్ కేటాయించినా.. ఈసారి గెలవడం బీఆర్ఎస్ పార్టీకి పెద్ద సవాల్. పదేళ్లుగా ప్రభుత్వాన్ని నడిపిన పార్టీపై కొంత వ్యతిరేకత, ఖైరతాబాద్ ఎమ్మెల్యేగా దానం పనితీరుపై మరికొంత వ్యతిరేకత రావడంతో పార్టీ గెలుపు కోసం తీవ్రంగా శ్రమించాల్సి వస్తోంది.
కాంగ్రెస్, బీజేపీతో త్రిముఖ పోరు..
ఖైరతాబాద్ నియోజకవర్గంలో కాంగ్రెస్ పార్టీ నుంచి కార్పొరేటర్ విజయారెడ్డి, డీసీసీ అధ్యక్షుడు రోహిణ్ రెడ్డి టికెట్ ఆశిస్తున్నారు. గతంలో ఇక్కడ బీజేపీ నుంచి గెలుపొందిన మాజీ ఎమ్మెల్యే, పార్టీ రాష్ట్ర ఉపాధ్యక్షుడు చింతల రామచంద్రారెడ్డితో పాటు మరికొందరు టికెట్ ఆశిస్తున్నారు. గతంతో పోలిస్తే ఈ నియోజకవర్గంలో కాంగ్రెస్ పార్టీ పుంజుకుంది. బీఆర్ఎస్ ఖైరతాబాద్ కార్పొరేటర్ కాంగ్రెస్‌లో చేరి బలమైన నాయకుడిగా ఎదగడం అధికార పార్టీకి కొంత నష్టం కలిగిస్తుందని చెప్పవచ్చు. గత ఎన్నికల్లో రెండో స్థానంలో నిలిచిన బీజేపీ.. బూత్ స్థాయి నుంచి పార్టీని బలోపేతం చేసేందుకు చాలా రోజులుగా కసరత్తు చేస్తోంది కాబట్టి ఈ పార్టీ కూడా గట్టి పోటీ ఇవ్వనుంది. జూబ్లీహిల్స్‌ కార్పొరేటర్ గత కార్పొరేషన్‌ ఎన్నికల్లో బీజేపీ రెండు డివిజన్లు గెలుచుకోవడంతో బీఆర్ఎస్ పార్టీలో చేరారు. కార్పొరేటర్ పార్టీ మారినా ఆ పార్టీ ఓటర్ల బలం మాత్రం తగ్గలేదు. హిమాయత్‌నగర్ డివిజన్‌లోనూ బీజేపీ బలంగా ఉంది.
ఎమ్మెల్యేగా గెలిచి చాలా రోజులుగా దానం నాగేందర్ ప్రజల్లోకి రాకపోవడం, అందుబాటులో లేకపోవడం, ఎన్నికల సమయంలో ప్రజాక్షేత్రంలోకి వచ్చినా ఇప్పటికీ సామాన్యులు నేరుగా కలవకపోవడంతో కొంత వ్యతిరేకత వ్యక్తమవుతోంది. నియోజకవర్గంలో టికెట్ ఆశించి భంగపడ్డ వెంకటేశ్వర కాలనీకి చెందిన కార్పొరేటర్ భర్త, గ్రేటర్ మేయర్ బంజారాహిల్స్ డివిజన్ కు తగిన సమయం కేటాయించకపోవడం కూడా పార్టీకి కొంత వరకు సవాల్ గా మారనుంది. ఏది ఏమైనా అపార రాజకీయ అనుభవం ఉన్న నాయకుడిగా, ఎన్నికల సమయంలో వాతావరణాన్ని తనకు అనుకూలంగా మార్చుకోవడం తెలిసిన నాయకుడిగా, పార్టీ చేస్తున్న అభివృద్ధి పనులే తనను మళ్లీ ఎమ్మెల్యేగా గెలిపిస్తాయని నమ్మకంతో రేసులోకి దిగారు. మొత్తం మీద ఈ నియోజకవర్గంలో అధికార బీఆర్ఎస్ పార్టీకి కాంగ్రెస్, బీజేపీల మధ్య గట్టి పోటీ ఉండడంతో ఎవరు గెలుస్తారో వేచి చూడాల్సిందే.
నవీకరించబడిన తేదీ – 2023-08-22T22:05:36+05:30 IST
