వచ్చే ఏడాది జరగనున్న అమెరికా అధ్యక్ష ఎన్నికల్లో పోటీ చేయనున్న మాజీ అధ్యక్షుడు డొనాల్డ్ ట్రంప్ ప్రచారాన్ని ముమ్మరం చేశారు. ఇందులో భాగంగానే ఈసారి ఏకంగా భారత్ ను టార్గెట్ చేశారు.
వాషింగ్టన్, ఆగస్టు 21: వచ్చే ఏడాది జరగనున్న అమెరికా అధ్యక్ష ఎన్నికల్లో పోటీ చేయనున్న మాజీ అధ్యక్షుడు డొనాల్డ్ ట్రంప్ ప్రచారాన్ని ముమ్మరం చేశారు. ఇందులో భాగంగానే ఈసారి ఏకంగా భారత్ ను టార్గెట్ చేశారు. అమెరికా ఉత్పత్తులపై భారత్ భారీ సుంకాలు విధిస్తోందని, తనను అధికారంలోకి తీసుకువస్తే న్యూఢిల్లీపై ప్రతీకార పన్నులు విధిస్తానని ఓ న్యూస్ ఛానల్ ఇంటర్వ్యూలో అన్నారు. ‘‘భారతదేశం మనపై భారీగా పన్ను విధిస్తోంది.ఉదాహరణకు హార్లీ డేవిడ్‌సన్ బైక్‌ల ఎగుమతిని పరిశీలిస్తే 100 శాతం, 150 శాతం, 200 శాతం వరకు సుంకం విధిస్తారు.మన దేశంలో ఎలాంటి పన్ను లేకుండా తమ ఉత్పత్తులను విక్రయిస్తున్నారు. తమ దేశానికి వచ్చి పరిశ్రమలు నిర్మిస్తే పన్ను లేదంటున్నారు.. కానీ అది మాకు ఆమోదయోగ్యం కాదు.. ఈ విషయంలో నా హయాంలో ఆ దేశంతో చాలా బలంగా పోరాడాను.. ఏమనుకున్నా.. మనపై సుంకాలు విధిస్తే.. వాటిని కూడా విధించాలి’’ అని ట్రంప్ ముగించారు. కాగా, రిపబ్లికన్‌ పార్టీ అధ్యక్ష అభ్యర్థుల ప్రాథమిక చర్చకు తాను హాజరు కాబోనని డొనాల్డ్ ట్రంప్ ఇటీవల తన సోషల్‌ మీడియాలో తెలిపారు. నేనెలాంటి వ్యక్తినో, రాష్ట్రపతి బాధ్యతలను ఎంత విజయవంతంగా నిర్వర్తించానో ప్రజలకు తెలుసునని, అందుకే చర్చలో అస్సలు పాల్గొనకూడదని అన్నారు. అయితే ఇది మొదటి చర్చ కోసమేనా.. లేక అన్ని చర్చలకు గైర్హాజరవుతాడా అనేది మాత్రం క్లారిటీ లేదు. ఈ ఏడాది జూన్‌లో ట్రంప్ ఓ ఇంటర్వ్యూలో మాట్లాడుతూ.. ‘‘రేసులో నాకంటే చాలా వెనుకబడి, కేవలం 1 శాతం లేదా సున్నా శాతం మాత్రమే అవకాశాలున్న అభ్యర్థులు రాత్రంతా నన్ను ప్రశ్నలు వేస్తుంటే, నేను వాటికి సమాధానం చెప్పాలి. దాని వల్ల ఏం లాభం. నాకు?”
నవీకరించబడిన తేదీ – 2023-08-22T02:34:14+05:30 IST
