సూపర్-4 దశలో పాకిస్థాన్ తొలి విజయాన్ని నమోదు చేసింది. లాహోర్‌లోని గడాఫీ స్టేడియంలో బంగ్లాదేశ్‌తో జరిగిన మ్యాచ్‌లో 7 వికెట్ల తేడాతో విజయం సాధించింది.
PAK vs BAN
పాకిస్థాన్ వర్సెస్ బంగ్లాదేశ్ : సూపర్-4 దశలో పాకిస్థాన్ తొలి విజయాన్ని నమోదు చేసింది. లాహోర్‌లోని గడాఫీ స్టేడియంలో బంగ్లాదేశ్‌తో జరిగిన మ్యాచ్‌లో 7 వికెట్ల తేడాతో విజయం సాధించింది. 194 పరుగుల లక్ష్యాన్ని బంగ్లాదేశ్ 39.3 ఓవర్లలో మూడు వికెట్లు కోల్పోయి ఛేదించింది. పాక్ బ్యాట్స్ మెన్లలో ఇమామ్ ఉల్ హక్ (78; 84 బంతుల్లో 5 ఫోర్లు, 4 సిక్సర్లు), మహ్మద్ రిజ్వాన్ (63 నాటౌట్; 79 బంతుల్లో 7 ఫోర్లు, 1 సిక్స్) అర్ధ సెంచరీలతో రాణించారు. బెంగాలీ బౌలర్లలో తస్కిన్ అహ్మద్, షోరిఫుల్ ఇస్లాం, మెహిదీ హసన్ మిరాజ్ తలో వికెట్ తీశారు.
తొలుత టాస్ గెలిచి బ్యాటింగ్ ఎంచుకున్న బంగ్లాదేశ్‌కు శుభారంభం లభించలేదు. మెహిదీ హసన్ మిరాజ్ (0) నసీమ్ షా బౌలింగ్‌లో ఒక్క పరుగు కూడా స్కోరుబోర్డుకు చేరుకోకముందే డకౌట్ అయ్యాడు. పాక్ బౌలర్లు ధాటికి లిటన్ దాస్ (16), మహ్మద్ నయీమ్ (20), తౌహిద్ హృదయ్ (2) తక్కువ పరుగులకే పెవిలియన్ చేరడంతో ఒక దశలో బంగ్లాదేశ్ 47 పరుగులకే నాలుగు వికెట్లు కోల్పోయి కష్టాల్లో పడింది.
IND vs PAK : సెప్టెంబర్ 10న భారత్, పాక్ మ్యాచ్.. అభిమానులకు శుభవార్త.. ఈసారి ఇలాగే..!
ఈ దశలో సీనియర్ ఆటగాళ్లు ముష్ఫికర్ రహీమ్ (64; 87 బంతుల్లో 5 ఫోర్లు), షకీబ్ అల్ హసన్ (53; 57 బంతుల్లో 7 ఫోర్లు) జట్టును ఆదుకున్నారు. ఇద్దరూ మంచి బంతులను గౌరవిస్తూ చెత్త బంతులను బౌండరీలకు దించారు. ఈ క్రమంలో షకీబ్ 53 బంతుల్లో హాఫ్ సెంచరీ పూర్తి చేసుకున్నాడు. అయితే వెంటనే ఫహీమ్ అష్రఫ్ బౌలింగ్‌లో ఔటయ్యాడు. దీంతో ఐదో వికెట్‌కు 100 పరుగుల భాగస్వామ్యానికి తెరలేచింది.
ఐసీసీ వన్డే ర్యాంకింగ్స్: గిల్, కిషన్ దూకుడు, వన్డే ర్యాంకింగ్స్‌లో రోహిత్, కోహ్లీల స్థానం..?
షకీబ్ ఔటైన ఓవర్లో ముష్ఫికర్ రహీమ్ రెండు పరుగులు చేసి 71 బంతుల్లో హాఫ్ సెంచరీ సాధించాడు. షకీబ్ ఔటైన తర్వాత మరోసారి బంగ్లా బ్యాటర్లు పెవిలియన్‌కు క్యూ కట్టారు. ఫలితంగా బంగ్లాదేశ్ 38.4 ఓవర్లలో 193 పరుగులకు ఆలౌటైంది. పాక్ బౌలర్లలో హరీస్ రవూఫ్ నాలుగు వికెట్లు, నసీమ్ షా మూడు వికెట్లు, షాహీన్ అఫ్రిది, ఫహీమ్ అష్రఫ్, ఇఫ్తికార్ అహ్మద్ తలో వికెట్ తీశారు.
