కేంద్ర మంత్రి అమిత్ షా బ్యాడ్మింటన్ స్టార్ పీవీ సింధును ఆమె కుటుంబ సభ్యులతో కలవనున్నట్లు బీజేపీ వర్గాలు తెలిపాయి. బీజేపీ నేతలు తమ పర్యటనల్లో పలువురు స్థానిక ప్రముఖులను కలుస్తున్న సంగతి తెలిసిందే.
కేంద్ర మంత్రి అమిత్ షా
అమిత్ షా తెలంగాణ టూర్ : కేంద్రమంత్రి, బీజేపీ సీనియర్ నేత అమిత్ షా శనివారం సాయంత్రం హైదరాబాద్ చేరుకోనున్నారు. నగరంలో రెండు రోజుల పర్యటనలో భాగంగా సెప్టెంబర్ 17న బీజేపీ ఆధ్వర్యంలో నిర్వహించే తెలంగాణ విమోచన దినోత్సవ వేడుకల్లో పాల్గొని ప్రసంగించనున్నారు.త్వరలో తెలంగాణలో అసెంబ్లీ ఎన్నికలను దృష్టిలో ఉంచుకుని రాష్ట్ర పార్టీ నేతలతో అమిత్ భేటీ కానున్నారు. ఈ క్రమంలో పార్టీ బలోపేతానికి ప్రస్తుత కార్యక్రమాలు, రానున్న కాలంలో అనుసరించాల్సిన వ్యూహాలపై రాష్ట్ర పార్టీ నేతలకు అమిత్ షా దిశానిర్దేశం చేయనున్నట్లు సమాచారం.
చంద్రబాబు నాయుడు అరెస్ట్: చంద్రబాబు నాయుడు అరెస్టుపై ఐటీ ఉద్యోగుల నిరసన.. నారా లోకేష్ కీలక వ్యాఖ్యలు
షెడ్యూల్ ప్రకారం..
– అమిత్ షా శనివారం రాత్రి 7.20 గంటలకు హైదరాబాద్ చేరుకుంటారు. విమానాశ్రయం నుంచి నేరుగా CRPS సెక్టార్ మెస్కు చేరుకుని రాత్రికి అక్కడే బస చేస్తారు.
– 17వ తేదీ ఉదయం 9 గంటలకు సికింద్రాబాద్ పరేడ్ గ్రౌండ్ కు అమిత్ షా చేరుకుంటారు. ముందుగా సాయుధ బలగాలు వందనం. అనంతరం సాంస్కృతిక కార్యక్రమాలను వీక్షిస్తారు.
– తెలంగాణ విమోచన దినోత్సవాలు పరేడ్ గ్రౌండ్లో 11.10 నిమిషాల వరకు జరుగుతాయి. ఈ వేడుకల అనంతరం అమిత్ షా అక్కడి నుంచి 11.15 గంటలకు బయలుదేరి సీఆర్పీఎఫ్ సెక్టార్ మెస్కు చేరుకుంటారు.
– అమిత్ షా ఉదయం 11.50 నుంచి మధ్యాహ్నం 1.45 గంటల వరకు అక్కడే ఉంటారు.
– 1.45 గంటలకు శంషాబాద్ విమానాశ్రయానికి బయలుదేరుతారు.
– మధ్యాహ్నం 2.25 గంటలకు శంషాబాద్ విమానాశ్రయం నుంచి ఢిల్లీకి తిరుగు ప్రయాణం ఉంటుంది.
– తెలంగాణ బీజేపీ ముఖ్య కార్యకర్తలతో అమిత్ షా భేటీ కానున్నారు. రాష్ట్రంలోని తాజా రాజకీయ పరిస్థితులపై చర్చించనున్నారు.
అమిత్ షా: అమిత్ షా ఒక రోజు ముందుగానే హైదరాబాద్ వెళ్లారు… ముఖ్యమైన సమావేశం
పీవీ సింధుతో భేటీ కానున్న అమిత్ షా..
కేంద్ర మంత్రి అమిత్ షా బ్యాడ్మింటన్ స్టార్ పీవీ సింధును ఆమె కుటుంబ సభ్యులతో కలవనున్నట్లు బీజేపీ వర్గాలు తెలిపాయి. బీజేపీ నేతలు తమ పర్యటనల్లో పలువురు స్థానిక ప్రముఖులను కలుస్తున్న సంగతి తెలిసిందే. ఈ క్రమంలో పీవీ సింధుతో అమిత్ షా భేటీ కానున్నారు. అయితే రాత్రి అమిత్ షా హైదరాబాద్ చేరుకున్న తర్వాత మీటింగ్ ఉంటుందా..? లేకుంటే రేపు వస్తుందా అనే విషయంపై క్లారిటీ రావాలి.
