న్యూఢిల్లీ: మహిళా రిజర్వేషన్ బిల్లు మంగళవారం పార్లమెంటు ముందుకు రానుంది. బిల్లు ఆమోదం పొందాక భారీ ఉత్సవాలకు సన్నాహాలు చేస్తున్నారు. ఢిల్లీ పరిసర ప్రాంతాల నుంచి మహిళలు పెద్ద ఎత్తున తరలి వచ్చే అవకాశం ఉంది.
న్యూఢిల్లీ: మహిళా రిజర్వేషన్ బిల్లు మంగళవారం పార్లమెంటు ముందుకు రానుంది. బిల్లు ఆమోదం పొందాక భారీ ఉత్సవాలకు సన్నాహాలు చేస్తున్నారు. ఢిల్లీ పరిసర ప్రాంతాల నుంచి మహిళలు పెద్ద ఎత్తున తరలి వచ్చే అవకాశం ఉంది. ఈ సందర్భంగా ప్రధాని నరేంద్ర మోదీ (పీఎం మోదీ)కి ధన్యవాదాలు తెలిపేందుకు భారీ ఏర్పాట్లు చేస్తున్నారు. ఢిల్లీ – బీజేపీ జాతీయ అధ్యక్షుడు జేపీ నడ్డా జాతీయ రాజధాని ప్రాంత నేతలతో చర్చించారు. ఢిల్లీలోని సమీప ప్రాంతాల నుంచి మహిళలను భారీగా సమీకరించాలని నిర్ణయించారు. బుధవారం లేదా ఒకరోజు తర్వాత ఢిల్లీలో లేదా ఢిల్లీకి ఆనుకుని ఉన్న రాజస్థాన్‌లోని ఏదైనా నగరంలో భాజపా భారీ మహిళా సదస్సును నిర్వహించే అవకాశం ఉన్నట్లు సమాచారం. ఈ సదస్సులో ప్రధాని మోదీ స్వయంగా పాల్గొని ప్రసంగిస్తారని సమాచారం.
మరోవైపు ప్రధాని మోదీ అధ్యక్షతన సోమవారం సాయంత్రం దేశ రాజధాని ఢిల్లీలో కేంద్ర మంత్రివర్గ సమావేశం ముగిసింది. దాదాపు రెండు గంటల పాటు జరిగిన ఈ సమావేశంలో కొన్ని కీలక నిర్ణయాలు తీసుకోవడంతో పాటు మహిళా రిజర్వేషన్ బిల్లుకు కేబినెట్ ఆమోదం తెలిపింది. రేపు (మంగళవారం) మధ్యాహ్నం కొత్త పార్లమెంట్ భవనంలో ఈ తొలి బిల్లును ప్రవేశపెట్టనున్నారు. ఈ బిల్లు ఆమోదం పొందితే… పార్లమెంటు, రాష్ట్రాల అసెంబ్లీల్లో మహిళలకు 33 శాతం రిజర్వేషన్లు కల్పించే అవకాశం ఉంటుంది. దీంతో పాటు పార్లమెంట్ ప్రత్యేక సమావేశాల్లో ప్రవేశపెట్టే మరికొన్ని బిల్లులకు కేంద్ర మంత్రివర్గం ఆమోదం తెలిపినట్లు సమాచారం.
నవీకరించబడిన తేదీ – 2023-09-19T07:17:24+05:30 IST
