చంద్రముఖి 2: సెప్టెంబర్ 28 విడుదలకు సర్వం సిద్ధం..

స్టార్ కొరియోగ్రాఫర్, నటుడు, నిర్మాత, దర్శకుడు రాఘవ లారెన్స్ (రాఘవ లారెన్స్) హీరోగా.. బాలీవుడ్ స్టార్ హీరోయిన్ కంగనా రనౌత్ (కంగనా రనౌత్) టైటిల్ పాత్రలో భారీ బడ్జెట్ తో తెరకెక్కుతున్న చిత్రం ‘చంద్రముఖి 2’ (చంద్రముఖి 2). కోలీవుడ్ అగ్ర నిర్మాణ సంస్థ లైకా ప్రొడక్షన్స్ బ్యానర్‌పై సుభాస్కరన్ నిర్మిస్తున్న ఈ చిత్రానికి సీనియర్ దర్శకుడు పి వాసు దర్శకత్వం వహించారు. తెలుగు, తమిళం, హిందీ, కన్నడ, మలయాళ భాషల్లో పాన్ ఇండియా మూవీగా సెప్టెంబర్ 28న విడుదల చేసేందుకు అన్ని కార్యక్రమాలను పూర్తి చేసుకుంది. శ్రీ లక్ష్మీ మూవీస్ బ్యానర్‌పై ‘చంద్రముఖి 2’ తెలుగు రాష్ట్రాల్లో విడుదలవుతోంది.

ఇటీవలే విడుదలైన ‘చంద్రముఖి 2’ ట్రైలర్ సినిమాపై ఉన్న అంచనాలను మరో రేంజ్ కు తీసుకెళ్లిన సంగతి తెలిసిందే. 17 సంవత్సరాల క్రితం, చంద్రముఖి తన బందీ గది తలుపులు తెరిచి వెట్టయ్య రాజాపై ప్రతీకారం తీర్చుకోవాలని ప్రయత్నించి విఫలమైంది. ఇన్నేళ్ల తర్వాత చంద్రముఖి తన పగ తీర్చుకునేందుకు మరోసారి ప్రేక్షకుల ముందుకు రానుంది. చంద్రముఖి 2 ఓ వైపు హారర్, మరోవైపు కామెడీ అంశాలతో అలరిస్తుందని ట్రైలర్‌లో స్పష్టంగా చెప్పేశారు. చంద్రముఖిగా కంగనా రనౌత్ మెప్పించబోతుండగా.. ఓ వైపు స్టైలిష్ లుక్, మరోవైపు వెట్టయ రాజాగా రెండు షేడ్స్ లో అలరించబోతున్నాడు రాఘవ లారెన్స్. (చంద్రముఖి 2 విడుదలకు సిద్ధంగా ఉంది)

వాస్తవానికి ఈ చిత్రాన్ని సెప్టెంబర్ 15న విడుదల చేయాలని భావించారు.కానీ కొన్ని సాంకేతిక కారణాల వల్ల సినిమాను సెప్టెంబర్ 28కి వాయిదా వేశారు.ప్రస్తుతం ఈ సినిమా ప్రమోషన్ కార్యక్రమాలు తెలుగు రాష్ట్రాల్లో జరుగుతున్నాయి. సెప్టెంబర్ 24న ఈ సినిమా ప్రీ రిలీజ్ వేడుకను హైదరాబాద్‌లోని జేఆర్‌సీ కన్వెన్షన్ సెంటర్‌లో గ్రాండ్‌గా నిర్వహించనున్నారు. ఈ ప్రీ రిలీజ్ ఈవెంట్‌ను హైదరాబాద్‌లో గ్రాండ్‌గా నిర్వహించేందుకు ప్రముఖ ఈవెంట్ నిర్వాహకులు యువీ మీడియా సన్నాహాలు చేస్తోంది.

==============================

*******************************************

*******************************************

*******************************************

నవీకరించబడిన తేదీ – 2023-09-20T15:31:05+05:30 IST