మహ్మద్ సిరాజ్: మహమ్మద్ సిరాజ్ ప్రపంచ నంబర్ వన్ అయ్యాడు

ఆసియా కప్ ఫైనల్లో ఒంటి చేత్తో విజేతగా నిలిచిన స్టార్ పేసర్ మహ్మద్ సిరాజ్ తాజా వన్డే ర్యాంకింగ్స్‌లో సత్తా చాటాడు. బౌలింగ్ ర్యాంకింగ్స్‌లో 8 స్థానాలు ఎగబాకి నంబర్ వన్ బౌలర్‌గా నిలిచాడు. వన్డే బౌలింగ్ ర్యాంకింగ్స్‌లో సిరాజ్ మొదటి స్థానానికి చేరుకోవడం ఈ ఏడాది జనవరి తర్వాత ఇది రెండోసారి కావడం గమనార్హం. ప్రస్తుతం సిరాజ్ ఖాతాలో 694 రేటింగ్ పాయింట్లు ఉన్నాయి. ఆసియా కప్ ఫైనల్ మ్యాచ్‌కు ముందు సిరాజ్ ఖాతాలో 637 రేటింగ్ పాయింట్లు ఉన్నాయి. ఫైనల్ తర్వాత సిరాజ్ 57 పాయింట్లు సాధించాడు. దీంతో 9వ స్థానం నుంచి రెండో స్థానానికి ఎగబాకాడు. దీంతో మొదటి స్థానంలో ఉన్న ఆస్ట్రేలియా బౌలర్ జోష్ హేజిల్ వుడ్ రెండో స్థానానికి పడిపోయాడు. ప్రస్తుతం హాజిల్‌వుడ్ ఖాతాలో 678 రేటింగ్ పాయింట్లు ఉన్నాయి. శ్రీలంకతో జరిగిన ఆసియాకప్ ఫైనల్లో సిరాజ్ అద్భుత ప్రదర్శన కనబర్చిన సంగతి తెలిసిందే. ఒకే ఓవర్‌లో 4 వికెట్లు పడగొట్టి మొత్తం మ్యాచ్‌లో 21 పరుగులు మాత్రమే ఇచ్చి 6 వికెట్లు పడగొట్టాడు.

ఈ క్రమంలో ఒకే ఓవర్‌లో 4 వికెట్లు తీసిన మూడో బౌలర్‌గా నిలిచాడు. అలాగే ఈ మ్యాచ్ లో సిరాజ్ నమోదు చేసిన గణాంకాలు టీమ్ ఇండియా తరఫున నాలుగో అత్యుత్తమ ప్రదర్శన కావడం గమనార్హం. ఈ మ్యాచ్‌లో వికెట్లు తీయడం ద్వారా ఆసియాకప్‌లో అత్యధిక వికెట్లు తీసిన భారత బౌలర్‌గా సిరాజ్ నిలిచాడు. మొత్తం టోర్నీలో సిరాజ్ 6 వికెట్లు తీశాడు. స్పిన్నర్ కుల్దీప్ యాదవ్ 9వ స్థానంలో కొనసాగుతున్నాడు. వన్డే బ్యాటింగ్ ర్యాంకింగ్స్‌లో ముగ్గురు భారత ఆటగాళ్లు టాప్ 10లో కొనసాగుతున్నారు. శుభ్‌మన్ గిల్ రెండో స్థానంలో కొనసాగుతుండగా.. విరాట్ కోహ్లీ ఒక స్థానం ఎగబాకి 8వ స్థానానికి చేరుకున్నాడు. ఆసియా కప్‌లో హ్యాట్రిక్ హాఫ్ సెంచరీలు సాధించిన కెప్టెన్ రోహిత్ శర్మ 10వ స్థానంలో కొనసాగుతున్నాడు. వన్డే ఆల్ రౌండర్ల విభాగంలో హార్దిక్ పాండ్యా ఆరో స్థానంలో ఉన్నాడు.

నవీకరించబడిన తేదీ – 2023-09-20T15:32:08+05:30 IST