టీడీపీ అధినేత, మాజీ ముఖ్యమంత్రి చంద్రబాబు అక్రమ అరెస్టుకు తెలుగు రాష్ట్రాలతో పాటు దేశ విదేశాల నుంచి మద్దతు లభిస్తోంది. తెలుగు వారు ఎక్కడ ఉన్నా..
టీడీపీ అధినేత, మాజీ ముఖ్యమంత్రి చంద్రబాబు అక్రమ అరెస్టుకు తెలుగు రాష్ట్రాలతో పాటు దేశ విదేశాల నుంచి మద్దతు లభిస్తోంది. తెలుగు ప్రజలు ఎక్కడికక్కడ ధర్నాలు, ర్యాలీలకు పిలుపునిస్తూ చంద్రబాబుకు సంపూర్ణ మద్దతు తెలుపుతున్నారు. మరీ ముఖ్యంగా బాబు బాటలు వేసిన ఐటీతో ఉద్యోగాలు పొందిన ఐటీ ఉద్యోగులు ఇప్పుడు రోడ్లపైకి వచ్చి బైక్, కార్ల ర్యాలీలతో ఆయనకు మద్దతుగా నిలిచేందుకు ముందుకు వస్తున్నారు. అయితే హైదరాబాద్ వేదికగా ఐటీ ఉద్యోగులు నిర్వహిస్తున్న ఈ ర్యాలీలను తెలంగాణ పోలీసులు భగ్నం చేస్తున్నారు. దీంతో కొన్ని సందర్భాల్లో పోలీసులు వర్సెస్ ఐటీ ఉద్యోగుల పరిస్థితి నెలకొంది. అయితే.. తాజాగా భాగ్యనగరంలో జరిగిన ఈ పరిణామాలపై మంత్రి కేటీఆర్ స్పందించారు.
కేటీఆర్‌కు ఫోన్ చేసిన లోకేష్..
‘నారా లోకేష్ నాకు ఫోన్ చేసి ర్యాలీలకు ఎందుకు అనుమతి ఇవ్వడం లేదు? అని అడిగారు. శాంతి భద్రతలకు ఏం కావాలో అడిగాను. తెలంగాణ ఉద్యమ సమయంలో కూడా ఐటీ కారిడార్‌లో ఆందోళనలు జరగలేదు. అప్పటి ప్రభుత్వాలు ఎలాంటి ర్యాలీలకు అనుమతి ఇవ్వలేదు. నాకు నారా లోకేష్, వైఎస్ జగన్, పవన్ కళ్యాణ్ (లోకేష్, వైఎస్ జగన్, పవన్ కళ్యాణ్) అంటే ఇష్టం. ఆంధ్రాలో నాకు ఎలాంటి గొడవలు లేవు. ఇక్కడ లేని పంచాయితీ ఎందుకు పెడుతున్నారు..?. ఇక్కడి ఆంధ్రా ప్రజలను ఎందుకు ఇబ్బంది పెడుతున్నారు..?. అసలు ఏపీతో మనకేంటి సంబంధం.. ఎందుకు ఇస్తున్నారు? పార్టీగా మాకు ఆ విషయంలో ఆసక్తి లేదు. మా పార్టీ సభ్యులు ఏమైనా మాట్లాడితే అది వారి వ్యక్తిగత అభిప్రాయం. మా పార్టీకి సంబంధం లేదు..పార్టీ స్టాండ్ కాదు‘ అని మంత్రి కేటీఆర్ స్పష్టం చేశారు.
మా సంబంధం ఏమిటి?
‘చంద్రబాబు అరెస్టుకు తెలంగాణ రాజకీయాలకు సంబంధం ఏమిటి? చంద్రబాబును ఆంధ్రప్రదేశ్‌లో అరెస్టు చేశారా? హైదరాబాద్‌లో రాజకీయ సభలు ఎందుకు నిర్వహిస్తున్నారు? పక్కింటి పంచాయితీ ఇక్కడే జరుగుతుందా..?. శాంతి భద్రతల సమస్య ఏర్పడితే ఇక్కడ ప్రభుత్వానిదే బాధ్యత..?. వీరి గొడవకు హైదరాబాద్ వేదిక..?. రాజమండ్రి, అమరావతి కర్నూలులో ఎందుకు లేరు? ఇది రెండు రాజకీయ పార్టీల మధ్య పోరు. ఆ రెండు పార్టీలకు ఇక్కడ ఉనికి లేదు.. ఇక్కడ పంచాయితీ ఎందుకు..?. చంద్రబాబు న్యాయ పోరాటం చేస్తున్నారు. కోర్టులో తనకు న్యాయం జరుగుతుందన్నారు. కోర్టుల్లో ఉన్నప్పుడు బయటకు వచ్చి వ్యాఖ్యానించవద్దు‘ అని కేటీఆర్ అన్నారు.
నవీకరించబడిన తేదీ – 2023-09-26T16:56:32+05:30 IST
