శుభ్‌మన్ గిల్: పాక్ కెప్టెన్ బాబర్ ఆజంకు శుభ్‌మన్ గిల్ టెన్షన్..

అంతర్జాతీయ క్రికెట్ మండలి (ఐసీసీ) ఇటీవల ప్రకటించిన వన్డే ర్యాంకింగ్స్‌లో బ్యాటింగ్ విభాగంలో భారత ఓపెనర్ శుభ్‌మన్ గిల్ అగ్రస్థానానికి చేరువయ్యాడు.

శుభ్‌మన్ గిల్: పాక్ కెప్టెన్ బాబర్ ఆజంకు శుభ్‌మన్ గిల్ టెన్షన్..

శుభమాన్ గిల్-బాబర్ ఆజం

శుభ్‌మన్ గిల్-బాబర్ ఆజం: అంతర్జాతీయ క్రికెట్ మండలి (ఐసీసీ) ఇటీవల ప్రకటించిన వన్డే ర్యాంకింగ్స్‌లో బ్యాటింగ్ విభాగంలో భారత ఓపెనర్ శుభ్‌మన్ గిల్ అగ్రస్థానానికి చేరువయ్యాడు. అతను మొదటి ర్యాంక్‌లో ఉన్న పాకిస్థాన్ కెప్టెన్ బాబర్ ఆజం కంటే కేవలం 10 రేటింగ్ పాయింట్లు తక్కువగా ఉన్నాడు. బాబర్ 857 రేటింగ్ పాయింట్లతో ఉండగా, శుభ్‌మన్ గిల్ 847 రేటింగ్ పాయింట్లతో రెండో స్థానంలో ఉన్నాడు. గత కొద్ది రోజులుగా వన్డేల్లో గిల్ నిలకడగా రాణిస్తున్నాడు.

అతను ఆస్ట్రేలియాతో ప్రస్తుత వన్డే సిరీస్‌లో మొదటి రెండు మ్యాచ్‌లలో 74 మరియు 104 పరుగులు చేశాడు. మూడో వన్డేలో అతనికి విశ్రాంతి ఇచ్చారు. గిల్ ఈ మ్యాచ్ ఆడి కనీసం 30 పరుగులు చేసి ఉంటే, అతను నంబర్ వన్ ర్యాంక్‌కు చేరుకునేవాడు. అందుకే అక్టోబరు 5 నుంచి ప్రారంభం కానున్న వన్డే ప్రపంచకప్‌లో గిల్ ఇదే ఫామ్‌ను కొనసాగిస్తే.. తప్పకుండా నంబర్ వన్ ర్యాంక్ సొంతం చేసుకోవడం ఖాయంగా కనిపిస్తోంది. ఈ నేపథ్యంలో బాబర్‌పై ఒత్తిడి పెరిగింది.

దక్షిణాఫ్రికాకు చెందిన వాన్ డెర్ డస్సెన్ 743 రేటింగ్ పాయింట్లతో మూడో స్థానంలో ఉండగా, ఐర్లాండ్‌కు చెందిన హ్యారీ టెక్టర్ 729 రేటింగ్ పాయింట్లతో, పాకిస్థాన్‌కు చెందిన ఇమాముల్ హక్ 728 రేటింగ్ పాయింట్లతో రెండో స్థానంలో ఉన్నారు. గాయం నుంచి కోలుకుని ఇటీవలే రీ ఎంట్రీ ఇచ్చిన భారత మిడిలార్డర్ ఆటగాడు శ్రేయాస్ అయ్యర్ ఎనిమిది స్థానాలు ఎగబాకి 30వ ర్యాంక్‌కు చేరుకోగా, కేఎల్ రాహుల్ ఆరు స్థానాలు ఎగబాకి 33వ ర్యాంక్‌కు చేరుకున్నాడు.

హర్ష్ గోయెంకా: టీమిండియా జెర్సీ స్పాన్సర్లు శాపగ్రస్తులా? బైజస్ నుంచి డ్రీమ్11 వరకు..!

వన్డే బౌలర్ల ర్యాంకింగ్స్‌లో పెద్దగా మార్పులు లేవు. భారత బౌలర్ మహ్మద్ సిరాజ్ అగ్రస్థానంలో ఉండగా, ఆస్ట్రేలియా పేసర్ జోస్ హేజిల్‌వుడ్ రెండో స్థానంలో కొనసాగుతున్నాడు. ఆ తర్వాత ఆఫ్ఘనిస్థాన్ ఆటగాళ్లు ముజీబ్ ఉర్ రెహ్మాన్, రషీద్ ఖాన్ ఉన్నారు.

Leave a Reply

Your email address will not be published. Required fields are marked *