నెదర్లాండ్స్: వరుసగా రెండు ప్రపంచకప్‌లలో సఫారీలను క్లీన్ స్వీప్ చేసిన డచ్ జట్టు

టీమిండియా గడ్డపై జరుగుతున్న వన్డే ప్రపంచకప్‌లో సంచలనాలు నమోదవుతున్నాయి. కొద్ది రోజుల క్రితం డిఫెండింగ్ చాంపియన్ ఇంగ్లండ్‌కు ఆఫ్ఘనిస్థాన్ షాకింగ్ షాక్ ఇచ్చింది. తాజాగా దక్షిణాఫ్రికాకు నెదర్లాండ్స్ చావుదెబ్బ కొట్టింది. దీంతో ఇంగ్లండ్‌, దక్షిణాఫ్రికా జట్ల సెమీస్‌ అవకాశాలు ప్రమాదంలో పడ్డాయి. అయితే నెదర్లాండ్స్ జట్టు సఫారీలకు షాకివ్వడం ఇదే తొలిసారి కాదు. గతేడాది ఆస్ట్రేలియా వేదికగా జరిగిన టీ20 ప్రపంచకప్‌లో దక్షిణాఫ్రికా జట్టుపై నెదర్లాండ్స్ విజయం సాధించింది. నవంబర్ 6న అడిలైడ్ వేదికగా జరిగిన మ్యాచ్ లో తొలుత బ్యాటింగ్ చేసిన నెదర్లాండ్స్ 20 ఓవర్లలో 4 వికెట్ల నష్టానికి 158 పరుగులు చేసింది. బ్యాటింగ్‌లో స్టీఫన్ మైబర్గ్, టామ్ కూపర్, కొలిన్ అంకెర్‌మన్ అద్భుతంగా రాణించారు.

ఇది కూడా చదవండి: ఐసీసీ వన్డే ర్యాంకింగ్స్: టాప్-10లో ముగ్గురు భారత ఆటగాళ్లు

అయితే 159 పరుగుల లక్ష్యంతో దక్షిణాఫ్రికా సులువుగా విజయం సాధిస్తుందని క్రికెట్ అభిమానులు అంచనా వేశారు. కానీ నెదర్లాండ్స్ బౌలర్లు సఫారీలకు చుక్కలు చూపించారు. డి కాక్, బావుమా, రోసో వంటి స్టార్ బ్యాట్స్ మెన్ 64 పరుగులకే పెవిలియన్ చేరారు. ఆ తర్వాత బ్యాటర్లు కూడా పెద్దగా రాణించలేదు. దక్షిణాఫ్రికా జట్టు నిర్ణీత 20 ఓవర్లలో 145 పరుగులు మాత్రమే చేయగలిగింది. ఈ ఓటమితో దక్షిణాఫ్రికా టీ20 ప్రపంచకప్ సెమీఫైనల్ రేసు నుంచి తప్పుకుంది. తాజాగా.. ఏడాది కూడా గడవకముందే డచ్ జట్టు మరోసారి సఫారీలను కోలుకోలేని దెబ్బ కొట్టింది. నిజానికి వన్డే ప్రపంచకప్‌లో సఫారీ జట్టు వరుసగా రెండు విజయాలతో దూసుకుపోతోంది. శ్రీలంక, ఆస్ట్రేలియా వంటి జట్లపై గెలిచిన తర్వాత బావుమ సేన ఆత్మవిశ్వాసంతో కనిపించింది. కానీ ధర్మశాల వేదికగా జరిగిన మ్యాచ్‌లో నెదర్లాండ్స్ మరోసారి షాక్ ఇచ్చింది. వర్షం కారణంగా 43 ఓవర్లకు కుదించిన మ్యాచ్‌లో నెదర్లాండ్స్ 8 వికెట్ల నష్టానికి 245 పరుగులు చేసింది.

నవీకరించబడిన తేదీ – 2023-10-18T16:27:35+05:30 IST