పుణె వేదికగా టీమిండియాతో జరుగుతున్న మ్యాచ్లో బంగ్లాదేశ్ నిర్ణీత 50 ఓవర్లలో 8 వికెట్ల నష్టానికి 256 పరుగులు చేసింది.
పుణె వేదికగా టీమిండియాతో జరిగిన మ్యాచ్లో బంగ్లాదేశ్ విజయం సాధించింది. సెమీస్ రేసులో నిలవాలంటే తప్పక గెలవాల్సిన మ్యాచ్లో బంగ్లాదేశ్ బ్యాట్స్మెన్ పట్టుదల ప్రదర్శించారు. టాస్ గెలిచి బ్యాటింగ్ ఎంచుకున్న జట్టుకు ఓపెనర్లు శుభారంభం అందించారు. తంజిద్ హసన్, లిట్టన్ దాస్ హాఫ్ సెంచరీలు చేశారు. ముఖ్యంగా తాంజిద్ హసన్ దూకుడుగా ఆడాడు. 43 బంతుల్లో 5 ఫోర్లు, 3 సిక్సర్లతో 51 పరుగులు చేశాడు. లిటన్ దాస్ 82 బంతుల్లో 7 ఫోర్లతో 66 పరుగులు చేశాడు. దీంతో బంగ్లాదేశ్ ఒక దశలో 93/0 స్కోరుతో కనిపించింది. అయితే వీరి భాగస్వామ్యాన్ని కుల్దీప్ బ్రేక్ చేశాడు. అక్కడి నుంచి బంగ్లాదేశ్ ఇన్నింగ్స్ వేగం తగ్గింది.
ఇది కూడా చదవండి: టీమ్ ఇండియా: ఆల్ రౌండర్ హార్దిక్ పాండ్యా గాయంపై బీసీసీఐ తాజా సమాచారం..!!
కానీ చివర్లో సీనియర్ ఆటగాళ్లు ముష్ఫికర్ రహీమ్, మహ్మదుల్లా ఎడాపెడా బౌండరీలు బాదడంతో బంగ్లాదేశ్ నిర్ణీత 50 ఓవర్లలో 8 వికెట్ల నష్టానికి 256 పరుగులు చేసింది. ముష్పీకర్ 46 బంతుల్లో 38, మహ్మదుల్లా 36 బంతుల్లో 46 పరుగులు చేశారు. టీమ్ ఇండియా బౌలర్లలో బుమ్రా, సిరాజ్, జడేజా రాణించారు. వీరంతా రెండేసి వికెట్లు తీశారు. శార్దూల్ ఠాకూర్, కుల్దీప్ ఒక్క వికెట్ మాత్రమే తీశారు. అంతకుముందు 9వ ఓవర్లో బౌలింగ్ చేయడానికి వచ్చిన పాండ్యా మూడు బంతులు వేసిన తర్వాత మడమ గాయానికి గురయ్యాడు. దీంతో పాండ్యా మైదానం వీడాడు. విరాట్ కోహ్లీ తన ఓవర్లో మిగిలిన బంతులను పూర్తి చేశాడు. దాదాపు ఆరేళ్ల తర్వాత వన్డేల్లో విరాట్ కోహ్లి బౌలింగ్ చేయడం గమనించదగ్గ విషయం. ఈ మ్యాచ్లో విజయం సాధించాలంటే టీమిండియా 259 పరుగులు చేయాల్సి ఉంది. ఈ మ్యాచ్ గెలిస్తే పాయింట్ల పట్టికలో టీమిండియా మళ్లీ అగ్రస్థానానికి వెళ్లే అవకాశం ఉంది.
నవీకరించబడిన తేదీ – 2023-10-19T18:41:48+05:30 IST
