విరాట్ కోహ్లీ: జయసూర్యను దాటేశాడు.. నెక్స్ట్ టార్గెట్ రికీ పాంటింగ్..!!

ఇక టీమిండియా రన్ మెషీన్ విరాట్ కోహ్లీ గురించి ప్రత్యేకంగా చెప్పనక్కర్లేదు. వన్డేల్లో ఇప్పటికే 13 వేలకు పైగా పరుగులు చేశాడు. సెంచరీల పరంగానూ సచిన్ రికార్డుకు చేరువలో ఉన్నాడు. మరో రెండు సెంచరీలు సాధిస్తే ప్రపంచంలోనే వన్డేల్లో అత్యధిక సెంచరీలు సాధించిన ఆటగాడిగా రికార్డు సృష్టిస్తాడు. ఇది కూడా ప్రపంచకప్‌లోనే సాధిస్తుందని అభిమానులు ఆశాభావం వ్యక్తం చేస్తున్నారు. కానీ న్యూజిలాండ్‌తో జరిగిన వన్డేలో తృటిలో సెంచరీ చేసిన కోహ్లి వన్డేల్లో అత్యధిక పరుగులు చేసిన ఆటగాళ్ల జాబితాలో శ్రీలంక మాజీ ఆటగాడు సనత్ జయసూర్యను అధిగమించాడు. ఇప్పుడు అతని టార్గెట్ ఆస్ట్రేలియా దిగ్గజం రికీ పాంటింగ్. ప్రస్తుతం కోహ్లీ ఖాతాలో 13,437 పరుగులు ఉన్నాయి. మరో 280 పరుగులు చేస్తే అతను రికీ పాంటింగ్‌ను దాటేస్తాడు.

ఇది కూడా చదవండి: ఆల్ టైమ్ రికార్డ్: చరిత్ర సృష్టించిన డిస్నీ హాట్ స్టార్… భారత్-పాకిస్థాన్ మ్యాచ్ రికార్డు బద్దలుకొట్టింది

వన్డే ప్రపంచకప్‌లో టీమిండియా సెమీస్‌కు వెళ్లడం దాదాపు ఖాయంగా కనిపిస్తోంది. లీగ్ దశలో ఇంకా నాలుగు మ్యాచ్‌లు ఆడాల్సి ఉంది. సెమీస్‌, ఫైనల్స్‌తో కలిపి ఆరు మ్యాచ్‌లు జరగనున్నాయి. విరాట్ కోహ్లీ ఆరు మ్యాచ్‌ల్లో కనీసం 300 పరుగులు చేస్తాడని అతని అభిమానులు అంటున్నారు. అయితే వన్డేల్లో అత్యధిక పరుగుల జాబితాలో క్రికెట్ దేవుడు సచిన్ టెండూల్కర్ నెలకొల్పిన రికార్డును దాటడం దాదాపు అసాధ్యమని చెప్పాలి. టెండూల్కర్ 18,426 పరుగులతో అగ్రస్థానంలో కొనసాగుతున్నాడు. మరో రెండేళ్లు వన్డే క్రికెట్ ఆడితే తప్ప కోహ్లి ఈ రికార్డును అందుకునే అవకాశం లేదు. శ్రీలంక క్రికెట్ దిగ్గజం కుమార సంగక్కర రెండో స్థానంలో ఉన్నాడు. అతని ఖాతాలో 14,234 పరుగులు ఉన్నాయి. కోహ్లీ దృష్టి సారిస్తే ఈ రికార్డును సులువుగా అధిగమించగలడు.

నవీకరించబడిన తేదీ – 2023-10-23T17:55:28+05:30 IST