టీడీపీ అధినేత, మాజీ సీఎం నారా చంద్రబాబు అరెస్ట్ తర్వాత ఏపీలో పరిస్థితులు ఎలా మారతాయో ప్రత్యేకంగా చెప్పనవసరం లేదు. నిత్యం ప్రజా సంక్షేమం గురించి ఆలోచించే ఓ దార్శనిక నేతను అక్రమంగా అరెస్టు చేయడాన్ని జీర్ణించుకోలేక వందల గుండెలు ఆగిపోయాయి.. దీంతో ఆ కుటుంబాలను ఓదార్చేందుకు బాబు సతీమణి నారా భువనేశ్వరి ‘నిజం గెలవాలి’ పేరుతో బస్సుయాత్ర ప్రారంభించారు. చంద్రబాబు తన సొంత జిల్లా చిత్తూరు జిల్లా నుంచే ఈ కార్యక్రమాన్ని ప్రారంభిస్తున్నారు. ఈ యాత్ర ద్వారా బాబు అరెస్ట్ వార్తతో కలత చెంది మృతి చెందిన అభిమానులు, టీడీపీ కార్యకర్తల కుటుంబాలను ఆమె పరామర్శించనున్నారు. యాత్ర మధ్యలో పలుచోట్ల బహిరంగ సభలు, మీడియా సమావేశాలు, చిట్ చాట్ లు నిర్వహించేందుకు టీడీపీ శ్రేణులు ఏర్పాట్లు చేసుకున్నారు. అవును..చంద్రబాబును అక్రమంగా అరెస్ట్ చేశారు..న్యాయం కావాలి..న్యాయం గెలవాలనే అంశాన్ని ఈ యాత్ర ద్వారా ప్రజల్లోకి బలంగా తీసుకెళ్తున్నారు భువనేశ్వరి.
ఈరోజు ఇలా..?
ఈరోజు ఉదయం 10 గంటలకు తిరుమల శ్రీవారిని భువనేశ్వరి దర్శించుకున్నారు. అనంతరం నేరుగా కుప్పంలోని నారావారి గ్రామానికి చేరుకుని పెద్దల సమాధులను సందర్శించి నివాళులర్పిస్తారు. అనంతరం నారావారిపల్లెలోని గ్రామ దేవతలైన దొడ్డి గంగమ్మ, నాగాలమ్మలకు ప్రత్యేక పూజలు చేశారు. రేపటి నుంచి భువనేశ్వరి సంప్రదింపులు ప్రారంభించనున్నారు. ముందుగా చంద్రబాబు అరెస్టు కారణంగా మృతి చెందిన టీడీపీ కార్యకర్త చిన్నబ్బ కుటుంబాన్ని పరామర్శించనున్నారు. ఇక్కడ ప్రారంభమైన ఈ యాత్ర నారా రాష్ట్ర వ్యాప్తంగా జరగనుంది. మూడు రోజుల పాటు ఆమె తిరుపతి జిల్లాలో పర్యటించనున్నారు. యాత్రలో భాగంగా చంద్రగిరి మండలం తిరపతిలో బహిరంగ సభలు నిర్వహించనున్నట్లు టీడీపీ శ్రేణులు చెబుతున్నాయి.
రేపు ఇలా..!
బుధవారం ఐతేపల్లి మండలం ఎస్సీ కాలనీలో భువనేశ్వరి గ్రామస్తులతో కలిసి సహపంక్తి భోజనం చేయనున్నారు. అనంతరం అగరాల బహిరంగ సభలో చంద్రబాబు అక్రమ అరెస్టుపై సుదీర్ఘంగా ప్రసంగించనున్నారు. అనంతరం భువనేశ్వరి అగరాలలో మహిళలతో సమావేశం కానున్నారు. ఆ తర్వాత భువనేశ్వరి గురువారం తిరుపతికి రానున్నారు. చంద్రబాబు అక్రమ అరెస్టుకు నిరసనగా నిరసన తెలిపిన జనసేన-టీడీపీ కార్యకర్తలపై పోలీసులు కేసులు నమోదు చేసిన సంగతి తెలిసిందే. భువనేశ్వరి వారందరితో సమావేశమై సంప్రదింపులు జరిపి పార్టీ అన్ని విధాలుగా ఆదుకునేలా చూస్తారు. ఇక్కడ కూడా టీడీపీ శ్రేణులు బహిరంగ సభ ఏర్పాటు చేశారు. భువనేశ్వరి మాట్లాడతారు. అనంతరం ఆటో డ్రైవర్లతో సమావేశం కానున్నారు. 27న శ్రీకాళహస్తిలో మహిళలతో భువనేశ్వరి సమావేశం కానున్నారు.
ఇదీ సెంటిమెంట్..
నారా చంద్రబాబు ఏ కార్యక్రమం చేపట్టినా మొదలుపెడతారనేది అందరికీ తెలిసిందే. ఇది బాబుకు సెంటిమెంట్. అనంతరం టీడీపీ యువనేత నారా లోకేష్.. యువగళం పాదయాత్ర ఇక్కడి నుంచి ప్రారంభమైంది. ఇప్పుడు నారా భువనేశ్వరి కూడా కుప్పం నుంచి ‘నిజం గెలవాలి’ కార్యక్రమాన్ని ప్రారంభించబోతోంది. అయితే బస్సు యాత్రకు అనుమతి అడగలేదని డీజీపీ రాజేంద్రనాథ్ రెడ్డి మీడియాకు తెలిపారు. పోలీసులు అనుమతి కోరితే ఎలాంటి స్పందన వస్తుందోనన్న ఉత్కంఠ ఇప్పుడు టీడీపీ శ్రేణుల్లో నెలకొంది. చంద్రబాబు పర్యటనకు, లోకేష్ పాదయాత్రకు అడుగడుగునా అడ్డంకులు సృష్టించిన వైసీపీ కార్యకర్తలు, పోలీసులు భువనగిరి యాత్రకు ఏమైనా మద్దతు ఇస్తారో లేదో చూడాలి.
నవీకరించబడిన తేదీ – 2023-10-24T10:24:08+05:30 IST
