2019 ప్రపంచకప్‌లో ఒక్క విజయాన్ని కూడా నమోదు చేయని ఆఫ్ఘనిస్థాన్ జట్టు.. ఈ ప్రపంచకప్ టోర్నీలో సంచలనాలు సృష్టిస్తోంది. ఇప్పటికే ఇంగ్లండ్, పాకిస్థాన్ వంటి పెద్ద జట్లకు ఈ ఆఫ్ఘన్ జట్టు షాకిచ్చింది.
2019 ప్రపంచకప్‌లో ఒక్క విజయాన్ని కూడా నమోదు చేయని ఆఫ్ఘనిస్థాన్ జట్టు.. ఈ ప్రపంచకప్ టోర్నీలో సంచలనాలు సృష్టిస్తోంది. ఇప్పటికే ఇంగ్లండ్, పాకిస్థాన్ వంటి పెద్ద జట్లకు షాకిచ్చిన ఈ ఆఫ్ఘన్ జట్టు.. తాజాగా శ్రీలంకను చిత్తు చేసింది. అవును.. మహారాష్ట్ర క్రికెట్ అసోసియేషన్ స్టేడియంలో సోమవారం శ్రీలంకతో జరిగిన మ్యాచ్‌లో ఆ జట్టు విజయం సాధించింది. 242 పరుగుల లక్ష్యాన్ని లంక ఏడు వికెట్ల తేడాతో ఛేదించింది. అజ్మతుల్లా (73), హష్మతుల్లా (58), రహమత్ షా (62) అర్ధ సెంచరీలతో రాణించినా.. జద్రాన్ (39) మెరుగైన ఇన్నింగ్స్ ఆడి అఫ్ఘానిస్థాన్ ఈ విజయాన్ని అందుకుంది.
తొలుత టాస్ గెలిచిన ఆఫ్ఘనిస్థాన్ బౌలింగ్ ఎంచుకుంది. ఫలితంగా బ్యాటింగ్‌కు దిగిన శ్రీలంక జట్టు 49.3 ఓవర్లలో 241 పరుగులకు ఆలౌటైంది. తొలుత 22 పరుగులకే శ్రీలంక వికెట్ కోల్పోయినా.. ఆ తర్వాత నిస్సాంక, మెండిస్ నిలకడగా రాణించారు. ఆచితూచి ఆడి.. జట్టు స్కోరును ముందుకు తీసుకెళ్లాడు. వీరిద్దరూ రెండో వికెట్‌కు 62 పరుగులు జోడించారు. కానీ.. మెండిస్ అవుటైన తర్వాత శ్రీలంక జోరు తగ్గింది. క్రమంగా ఈ జట్టు వికెట్లు కోల్పోవడం ప్రారంభించింది. ఎవరూ ఎక్కువసేపు క్రీజులో నిలవలేకపోయారు. అఫ్ఘాన్‌ బౌలర్ల ధాటికి వరుసగా వికెట్లు కోల్పోతున్నారు. చివర్లో థిక్షన్ (29) కాస్త మెరుస్తూ జట్టుకు తనవంతు సాయం చేశాడు. దీంతో… శ్రీలంక 241 పరుగులు చేయగలిగింది.
242 పరుగుల విజయలక్ష్యంతో బరిలోకి దిగిన అఫ్గానిస్థాన్‌కు ఆదిలోనే పెద్ద దెబ్బ తగిలింది. విధ్వంసక ఆటగాడు గుర్బాజ్ డగౌట్‌కు వెనుదిరిగాడు. దీంతో… ఈ టీమ్ ఒత్తిడిలో పడింది. బహుశా తక్కువ స్కోరుకే ఔట్ అవుతారేమోనని అందరూ అనుకున్నారు. కానీ.. అఫ్గాన్ బ్యాటర్లు అందరి అంచనాలను తారుమారు చేస్తూ మెరుగైన ఇన్నింగ్స్ ఆడి తమ జట్టును గెలిపించారు. 45.2 ఓవర్లలో ఏడు వికెట్లు కోల్పోయి లక్ష్యాన్ని ఛేదించింది. జద్రాన్, రహమత్, హష్మతుల్లా, అజ్మతుల్లా శ్రీలంక బౌలర్లను ధీటుగా ఎదుర్కొని తమ జట్టును గెలిపించారు. ఆఫ్ఘన్ బౌలర్లలో ఫరూఖీ నాలుగు వికెట్లు పడగొట్టి జట్టు విజయంలో కీలక పాత్ర పోషించాడు.
నవీకరించబడిన తేదీ – 2023-10-30T22:37:34+05:30 IST
