మాళవిక అవినాష్: అసభ్యకరమైన కాల్స్, ఇతరులకు మెసేజ్‌లు.. ఇబ్బందుల్లో కేజేఎఫ్ నటి

ప్రముఖ కన్నడ నటి, కర్ణాటక బీజేపీ నేత మాళవిక అవినాష్ చిక్కుల్లో పడ్డారు. టెలికాం రెగ్యులేటరీ అథారిటీ ఆఫ్ ఇండియా (TRAI) ఇతరులకు కాల్ చేసి బెదిరించడం మరియు అసభ్యకరమైన సందేశాలు పంపడం ద్వారా ఇబ్బందులకు గురిచేసినందుకు ఆమె సిమ్‌ను డియాక్టివేట్ చేసింది. ఇప్పుడు ఈ అంశం సర్వత్రా చర్చనీయాంశంగా మారింది. ఈ విషయమై ముంబై పోలీస్ స్టేషన్‌లో ఫిర్యాదు అందడంతో ఆమెను అరెస్ట్ చేసేందుకు సన్నాహాలు చేస్తున్నారు. ఇక విషయానికి వస్తే..

మూడున్నర దశాబ్దాలుగా కన్నడ, తమిళ చిత్రాల్లో కథానాయికగా, క్యారెక్టర్ ఆర్టిస్టుగా మంచి గుర్తింపు తెచ్చుకుంది మాళవిక అవినాష్. కేజీఎఫ్ చాప్టర్ 1, 2లో జర్నలిస్టు పాత్రతో దేశవ్యాప్తంగా మరింత పేరు ప్రఖ్యాతులు సంపాదించుకున్న ఆమె.. ఆ తర్వాత రాజకీయాల్లోకి వచ్చి రాష్ట్ర బీజేపీ అధికార ప్రతినిధిగా కూడా వ్యవహరిస్తున్నారు. అయితే ఇటీవల కొందరు సైబర్ నేరగాళ్లు మాళవిక ఆధార్ కార్డును ఉపయోగించి సిమ్ కార్డులు పొందుతున్నారని, ఇతరులకు ఫోన్ చేసి అసభ్యకర సందేశాలు పంపుతూ బెదిరిస్తున్నారనే ఆరోపణలు వస్తున్నాయి. మాళవిక ప్రమేయం లేకుండానే ఆమెపై కేసులు నమోదైన సంగతి తెలిసిందే.

దీని తర్వాత ట్రాయ్ అధికారులు మాళవికకు ఫోన్ చేసి రెండు గంటల్లో మీ సిమ్‌లు డీయాక్టివేట్ అవుతాయని కొన్ని సూచనలు ఇచ్చారు. దీంతో దిగ్భ్రాంతికి గురైన ఆమె.. విషయంపై ఆరా తీయగా.. తన పేరిట తీసుకున్న సిమ్ లు దుర్వినియోగం అవుతున్నట్లు గుర్తించారు. వెంటనే ముంబై పోలీసులను ఫోన్‌లో సంప్రదించగా వారు వచ్చి ఫిర్యాదు చేయాలని చెప్పారు. కానీ నేను అక్కడికి రాలేనని స్కైప్‌లో వీడియో కాల్ ద్వారా ఆమె స్టేట్‌మెంట్ ఇచ్చింది. ఈ విషయం వెలుగులోకి వచ్చి వార్తల్లో నిలిచింది. ఈ సందర్భంగా మాళవిక మాట్లాడుతూ.. సైబర్ నేరాల విషయంలో ప్రజలు అప్రమత్తంగా ఉండాలని కోరారు.

నవీకరించబడిన తేదీ – 2023-11-06T14:28:41+05:30 IST