అహ్మదాబాద్: క్రికెట్ అభిమానులు ఎంతగానో ఎదురుచూస్తున్న వన్డే ప్రపంచకప్ ఫైనల్ మ్యాచ్‌కు సమయం ఆసన్నమైంది. అహ్మదాబాద్‌లోని నరేంద్ర మోదీ స్టేడియంలో మధ్యాహ్నం 2 గంటలకు మ్యాచ్ ప్రారంభం కానుంది. ప్రపంచకప్ ట్రోఫీ కోసం చివరి పోరులో భారత్, ఆస్ట్రేలియా తలపడనున్నాయి. టోర్నీలో ఒక్క మ్యాచ్ కూడా ఓడిపోకుండా వరుసగా 10 విజయాలతో ఫైనల్లోకి అడుగుపెట్టిన టీమ్ ఇండియా.. ఆఖరి పోరులో గెలిచి మూడోసారి ప్రపంచకప్ ట్రోఫీని అందుకోవాలని పట్టుదలతో ఉంది. టోర్నమెంట్ ప్రారంభంలో వరుసగా రెండు మ్యాచ్‌లు ఓడిపోయిన ఆస్ట్రేలియా 8 వరుస విజయాలతో ఫైనల్లోకి ప్రవేశించి ఆరో ప్రపంచ కప్ ట్రోఫీని గెలుచుకోవడంపై దృష్టి పెట్టింది. రెండు జట్లూ పటిష్టంగా ఉండడంతో ఫైనల్ చివరి వరకు హోరాహోరీగా సాగడం ఖాయంగా కనిపిస్తోంది. ఈ నేపథ్యంలో తుది పోరుపై సర్వత్రా ఉత్కంఠ నెలకొంది. ఈ టోర్నీలో చాలా మ్యాచ్‌ల్లో పిచ్ కీలకపాత్ర పోషించిన సంగతి తెలిసిందే. ఈ నేపథ్యంలో మ్యాచ్ జరిగే అహ్మదాబాద్ పిచ్ ఎలా ఉంటుందన్న ఆసక్తి నెలకొంది.
సాధారణంగా అహ్మదాబాద్ పిచ్‌పై బ్యాట్‌కి, బంతికి మధ్య సమరం ఉంటుంది. ఇక్కడ ఫలితం బ్యాటర్లు లేదా బౌలర్లు ప్రదర్శించే నైపుణ్యంపై ఆధారపడి ఉంటుంది. అంటే బ్యాట్స్‌మెన్ సరిగ్గా బ్యాటింగ్ చేసి క్రీజులోకి వస్తేనే పరుగులు చేయగలరు. అదేవిధంగా బౌలర్లు సరైన లైన్ అండ్ లెంగ్త్ మెయింటెయిన్ చేస్తూ బౌలింగ్ చేస్తే వికెట్లు తీయవచ్చు. సాధారణంగా రెండు రకాల పిచ్‌లు ఉంటాయి. ఒకటి నల్ల నేల పిచ్ మరియు మరొకటి ఎర్ర మట్టి పిచ్. ఈ మ్యాచ్ కోసం భారత్-పాకిస్థాన్‌ మధ్య మ్యాచ్ సందర్భంగా ఉపయోగించిన నల్లమట్టిని ఉపయోగించనున్నారు. దీనితో, బంతి తక్కువ బౌన్స్ అవుతుంది మరియు మెరుగైన టర్న్ పొందుతుంది. మ్యాచ్ ఫలితంపై టాస్ ప్రభావం చూపే అవకాశం లేకపోలేదు. బ్యాటింగ్ చేయగల జట్టు ఎప్పుడూ గెలుస్తుంది. అలాగే మ్యాచ్ కు స్లో పిచ్ ను ఉపయోగించనున్నట్లు సమాచారం. దీంతో భారీ స్కోర్లు నమోదు కాకపోవచ్చు. ఇక్కడ గత రికార్డులు కూడా అదే చెబుతున్నాయి. మోదీ స్టేడియంలో ఇప్పటివరకు 30 వన్డే మ్యాచ్‌లు జరిగాయి. ఇందులో తొలి ఇన్నింగ్స్‌లో బ్యాటింగ్ చేసిన జట్లు 15 మ్యాచ్‌లు, రెండో ఇన్నింగ్స్‌లో బ్యాటింగ్ చేసిన జట్లు 15 సార్లు విజయం సాధించాయి. తొలి ఇన్నింగ్స్ సగటు స్కోరు 243. రెండో ఇన్నింగ్స్ సగటు స్కోరు 208. ఈ పిచ్‌పై అత్యధిక స్కోరు 365. అత్యల్ప స్కోరు 85. ఇక్కడ అత్యధిక స్కోరు 325 పరుగులు. టాస్ గెలిచిన జట్లు 17 మ్యాచ్‌లు గెలిచాయి. టాస్ ఓడిన జట్లు 13 మ్యాచ్‌ల్లో గెలిచాయి. అయితే ఈ టోర్నీలో ఇక్కడ జరిగిన 4 మ్యాచ్‌ల్లో ఛేజింగ్‌ జట్లు మూడింటిలో విజయం సాధించాయి. ఈ పిచ్‌పై స్పిన్నర్ల కంటే పేసర్లే ఎక్కువ వికెట్లు తీశారని గత రికార్డులు చెబుతున్నాయి. ఇప్పటివరకు ఇక్కడ పేస్ బౌలర్లు 246 వికెట్లు తీయగా, స్పిన్ బౌలర్లు 135 వికెట్లు తీశారు.
వాతావరణ నివేదిక విషయానికొస్తే.. ఆదివారం మ్యాచ్ జరిగే అహ్మదాబాద్‌లో వాతావరణం వేడిగా ఉంటుంది. వర్షం పడే అవకాశం లేదు. వన్డే ఫార్మాట్‌లో భారత్, ఆస్ట్రేలియా తలపండిన వన్డే రికార్డుల విషయానికొస్తే, ఇరు జట్లు ఇప్పటివరకు 150 మ్యాచ్‌లు ఆడాయి. ఆస్ట్రేలియా 83 మ్యాచ్‌ల్లో అత్యధిక విజయాలు సాధించింది. భారత జట్టు 57 మ్యాచ్‌ల్లో విజయం సాధించింది. 10 మ్యాచ్‌ల్లో ఫలితం తేలలేదు. వన్డే ప్రపంచకప్ చరిత్రలో రెండు జట్ల తలపండి రికార్డుల్లో ఆసీస్ పైచేయి సాధించింది. రెండు జట్లు 8 మ్యాచ్‌ల్లో తలపడగా, ఆస్ట్రేలియా 5 మ్యాచ్‌లు, భారత్ 3 మ్యాచ్‌లు గెలిచాయి. నాకౌట్ పోరులోనూ ఆసీస్‌దే పైచేయి. నాకౌట్ పోరులో ఇరు జట్లు మూడుసార్లు తలపడగా, కంగారూలు రెండుసార్లు, టీమ్ ఇండియా ఒకసారి విజయం సాధించారు. 2003 ప్రపంచకప్ ఫైనల్ మరియు 2015 ప్రపంచకప్ సెమీ-ఫైనల్ మ్యాచ్‌లలో ఆస్ట్రేలియా విజయం సాధించింది. 2011 క్వార్టర్ ఫైనల్ మ్యాచ్‌లో భారత్ విజయం సాధించింది.
