షాయ్ హోప్: టీమిండియా స్టార్ ఆటగాడు ధోనీ అంతర్జాతీయ క్రికెట్‌కు రిటైర్మెంట్ ఇచ్చి దాదాపు నాలుగేళ్లు అవుతున్నా అతడి క్రేజ్ ఏమాత్రం తగ్గలేదు. తాజాగా వెస్టిండీస్ స్టార్ క్రికెటర్ షాయ్ హోప్ ధోనిపై ప్రశంసలు కురిపించాడు. ఇంగ్లండ్‌తో జరిగిన తొలి వన్డేలో ధోనీ సలహాల వల్లే విజయం సాధించామని చెప్పాడు.
టీమిండియా సక్సెస్ ఫుల్ కెప్టెన్ మహేంద్ర సింగ్ ధోనీకి ప్రపంచ వ్యాప్తంగా ఎంత క్రేజ్ ఉందో ప్రత్యేకంగా చెప్పాల్సిన పనిలేదు. అంతర్జాతీయ క్రికెట్‌కు రిటైరై దాదాపు నాలుగేళ్లు కావస్తున్నా అతడి క్రేజ్ ఏమాత్రం తగ్గలేదు. తాజాగా వెస్టిండీస్ స్టార్ క్రికెటర్ షాయ్ హోప్ ధోనిపై ప్రశంసలు కురిపించాడు. ఇంగ్లండ్‌తో జరిగిన తొలి వన్డేలో ధోనీ సలహాల వల్లే విజయం సాధించామని చెప్పాడు. వెస్టిండీస్ క్రికెట్ ప్రస్తుతం తీవ్ర సంక్షోభంలో ఉంది. ఇటీవల వన్డే ప్రపంచకప్‌కు కూడా అర్హత సాధించలేకపోయింది. అయితే మూడు వన్డేల సిరీస్‌లో భాగంగా ఆదివారం సొంతగడ్డపై జరిగిన తొలి మ్యాచ్‌లో వెస్టిండీస్ 2019 వన్డే ఛాంపియన్ ఇంగ్లాండ్‌ను ఓడించింది.
ఈ మ్యాచ్‌లో తొలుత బ్యాటింగ్ చేసిన ఇంగ్లండ్ నిర్ణీత 50 ఓవర్లలో 325 పరుగులు చేసింది. హ్యారీ బ్రూక్ (71), క్రాలీ (48), సాల్ట్ (45) రాణించారు. వెస్టిండీస్ బౌలర్లలో షెపర్డ్, మోటే, ఒషానే థామస్ తలో రెండు వికెట్లు తీశారు. అనంతరం 326 పరుగుల విజయలక్ష్యంతో బరిలోకి దిగిన వెస్టిండీస్ 48.5 ఓవర్లలో ఆరు వికెట్లు కోల్పోయి లక్ష్యాన్ని సాధించింది. కెప్టెన్ హోప్ అజేయ సెంచరీతో జట్టు విజయంలో కీలకపాత్ర పోషించాడు. 83 బంతుల్లో 109 పరుగులు చేసి ప్లేయర్ ఆఫ్ ద మ్యాచ్ అవార్డు అందుకున్నాడు. ఈ సందర్భంగా ఆయన మాట్లాడుతూ.. తన సూపర్ ఇన్నింగ్స్‌కు పరోక్షంగా ధోనీ కారణమని వెల్లడించాడు. గతంలో ఒకసారి ధోనీతో మాట్లాడానని, తాను అనుకున్నదానికంటే ఎక్కువ సేపు క్రీజులో ఉండేందుకు ప్రయత్నించాలని సూచించానని హోప్ వివరించాడు.
మరింత క్రీడా వార్తలు కోసం ఇక్కడ క్లిక్ చేయండి
నవీకరించబడిన తేదీ – 2023-12-04T21:18:37+05:30 IST
