నయనతార ‘అన్నపురాణి’ వివాదం ఇంకా సద్దుమణగలేదు. కథలోని కొన్ని సన్నివేశాలు మత విశ్వాసాలకు భంగం కలిగించేలా ఉన్నాయని పలువురు అభ్యంతరాలు వ్యక్తం చేసిన సంగతి తెలిసిందే. ఈ విషయంపై నయన్ తో
నయనతార ‘అన్నపురాణి’ వివాదం ఇంకా సద్దుమణగలేదు. కథలోని కొన్ని సన్నివేశాలు మత విశ్వాసాలకు విఘాతం కలిగించేలా ఉండడంతో పలు అభ్యంతరాలు వ్యక్తమైన సంగతి తెలిసిందే. ఈ విషయంపై నయన్ సహా చిత్ర బృందంపై మధ్యప్రదేశ్లోని జబల్పూర్, ముంబైలలో ఎఫ్ఐఆర్లు నమోదయ్యాయి. దీంతో చిత్ర నిర్మాణ సంస్థ జీ స్టూడియోస్ ఓటీటీ స్ట్రీమింగ్ నుంచి సినిమాను తొలగించి వివరణ కూడా ఇచ్చింది. ఇదిలావుంటే… ‘అన్నపురాణి’ వ్యవహారంపై తాజాగా నయనతార సోషల్ మీడియా ద్వారా భావోద్వేగంతో కూడిన లేఖను విడుదల చేసింది. ‘బరువైన హృదయంతో ఈ లేఖ రాస్తున్నాను. నిజానికి ‘అన్నపూరాణి’ మంచి ప్రయత్నం. మంచి ఆలోచనను ప్రజల్లోకి తీసుకెళ్లాలనే ఉద్దేశ్యంతో ఈ సినిమా చేశాం. సంకల్పం దృఢంగా ఉంటే ఏదైనా సాధించవచ్చు అనే మంచి విషయాన్ని ఈ సినిమా ద్వారా చర్చించాం. అయితే ఈ ప్రయత్నంలో మనకు తెలియకుండానే కొందరి హృదయాలను గాయపరిచాం. ఇది ఉద్దేశపూర్వకంగా చేయలేదు. మనోభావాలను దెబ్బతీయడం మా అభిమతం కాదు. నా 20 ఏళ్ల కెరీర్లో ఎవరినీ నొప్పించలేదు. సానుకూలంగా ముందుకు సాగాను. సెన్సార్ సర్టిఫికేట్ ఇచ్చిన సినిమా OTT నుండి తీసివేయబడుతుందని నేను అనుకోలేదు. తెలిసో తెలియకో కొందరిని బాధపెట్టాం. క్షమించమని మనస్ఫూర్తిగా వేడుకుంటున్నా’ అంటూ సోషల్ మీడియా ద్వారా తన బాధను వ్యక్తం చేసింది నయనతార. ‘అన్నపురాణి’ కథ విషయానికొస్తే.. ‘అగ్నిహోత్ర వంటి సంప్రదాయ కుటుంబంలో పుట్టిన ఓ అమ్మాయి చాఫ్గా మారాలనే కోరికను ఎలా గ్రహించింది? అనే ప్రశ్నకు సమాధానంగా ఈ సినిమా రూపొందింది. నయనతార టైటిల్ రోల్ పోషించిన ఈ సినిమాలో సత్యరాజ్, జై కీలక పాత్రలు పోషించారు. నీలేష్ కృష్ణ దర్శకుడు.
నవీకరించబడిన తేదీ – జనవరి 20, 2024 | 12:20 AM
