దేశ రాజధాని ఢిల్లీలో సంచలనం సృష్టించిన బాలికపై అత్యాచారం కేసులో నిందితుడిగా ఉన్న మహిళా శిశు సంక్షేమ శాఖ అసిస్టెంట్ డైరెక్టర్ ప్రేమోదయ్ ఖాఖా, అతని భార్య సీమా రాణి ఢిల్లీ పోలీసుల ముసుగులో కారులో తప్పించుకోవడానికి ప్రయత్నించారు. అయితే, పోలీసులు ఆ జంటను తప్పించుకొని పారిపోయేలోపు వారిని అరెస్టు చేశారు.
న్యూఢిల్లీ: దేశ రాజధాని ఢిల్లీలో సంచలనం సృష్టించిన బాలికపై అత్యాచారం కేసులో నిందితుడైన మహిళా శిశు సంక్షేమ శాఖ అసిస్టెంట్ డైరెక్టర్ ప్రేమోదయ్ ఖాఖా, అతని భార్య సీమా రాణి ఢిల్లీ పోలీసుల కళ్లుగప్పి కారులో తప్పించుకునేందుకు ప్రయత్నించారు. అయితే, పోలీసులు ఆ జంటను తప్పించుకొని పారిపోయేలోపు వారిని అరెస్టు చేశారు. దీనికి సంబంధించిన సీసీటీవీ ఫుటేజీని ఢిల్లీ పోలీసులు స్వాధీనం చేసుకున్నారు.
ప్రేమోదయ్ ఖాఖా దంపతులు సోమవారం ఉదయం 9.35 గంటల ప్రాంతంలో బురారీలోని తమ శక్తి ఎన్‌క్లేవ్ ఇంటి నుంచి కారులో తప్పించుకునేందుకు ప్రయత్నించారు. వీరిద్దరూ తమ న్యాయవాదిని సంప్రదించి కోర్టు నుంచి ముందస్తు బెయిల్ పొందేందుకు ప్రయత్నించారని, అయితే అంతకుముందే వారిని అదుపులోకి తీసుకున్నామని పోలీసు అధికారి ఒకరు తెలిపారు.
బాధితురాలి తండ్రి అక్టోబర్ 1, 2020న చనిపోయాడు. దాంతో అతని స్నేహితుడు ప్రేమోదయ్ ఆ అమ్మాయిని చూసుకుంటానని చెప్పి తన ఇంటికి తీసుకెళ్లాడు. నవంబర్ 2020 నుంచి జనవరి 2021 మధ్యలో ఆమెపై పలుమార్లు అత్యాచారం చేశాడని.. ఈ విషయం తెలిసి అతని భార్య కూడా సహకరించిందని పోలీసులు చెబుతున్నారు. బాలికను కొట్టడమే కాకుండా గర్భనిరోధక మాత్రలు ఇచ్చి బలవంతంగా అబార్షన్ చేయించారు. బాధితురాలి ఫిర్యాదు మేరకు వీరిద్దరిపై పోక్సో చట్టంలోని పలు సెక్షన్ల కింద కేసు నమోదు చేశారు. ఇటీవల అస్వస్థతకు గురై స్థానిక ఆసుపత్రిలో చేరిన బాధితురాలు తనకు గతంలో జరిగిన దారుణాన్ని అక్కడి కౌన్సిలర్‌కు వివరించడంతో విషయం వెలుగులోకి వచ్చింది. ప్రేమ్‌డేను ఉద్యోగం నుంచి సస్పెండ్ చేస్తూ సీఎం కేజ్రీవాల్ సోమవారం ఉత్తర్వులు జారీ చేశారు.
నవీకరించబడిన తేదీ – 2023-08-22T16:57:07+05:30 IST
