మెగా కాంపౌండ్ నుండి అందుతున్న సమాచారం ప్రకారం, చిరంజీవి తన తదుపరి చిత్రాల కోసం దర్శకులు కళ్యాణ్ కృష్ణ మరియు వశిష్ట మల్లిడిని ఇప్పటికే ఎంచుకున్నారు.
మెగాస్టార్ చిరంజీవి నెక్స్ట్ మూవీని చిరంజీవి బర్త్ డే రోజున అనౌన్స్ చేయనున్నారు.
Chiranjeevi Next Movie : మెగాస్టార్ చిరంజీవి సెకండ్ ఇన్నింగ్స్ ఒక హిట్, ఒక ఫ్లాప్ అనే విధంగా సాగుతుంది. వాల్తేర్ వీరయ్యతో భారీ హిట్ కొట్టి 250 కోట్ల గ్రాస్ వసూలు చేసిన చిరంజీవి భోళా శంకర్ తో పెద్ద హిట్ అందుకున్నాడు. తమిళ వేదాళం రీమేక్‌గా మెహర్ రమేష్ దర్శకత్వంలో భోళా శంకర్ తెరకెక్కించిన ఈ చిత్రానికి మొదటి రోజు మిక్స్‌డ్ టాక్ వచ్చినా రెండో రోజు నుంచి ఆ సినిమాని ఎవరూ పట్టించుకోలేదు. ఓ పక్కా జైలర్ పెద్ద హిట్ అవ్వడంతో భోళా శంకర్ కలెక్షన్ల పరంగా మరింత నష్టపోయాడు.
ముఖ్యంగా అభిమానులతో పాటు ప్రేక్షకులు కూడా చిరంజీవి ఇకపై రీమిక్స్ చేయకూడదని వ్యాఖ్యానిస్తున్నారు. ఇటీవల విడుదలైన భోళా శంకర్ సినిమాతో చిరంజీవి తదుపరి సినిమా హాట్ టాపిక్ గా మారింది. అయితే తాజాగా చిరంజీవి తన తదుపరి చిత్రాన్ని గోల్డెన్ బాక్స్ ఎంటర్‌టైన్‌మెంట్స్ బ్యానర్‌పై తన కూతురు సుస్మిత కొణిదెల నిర్మిస్తుందని సోషల్ మీడియా పోస్ట్ ద్వారా సూచించాడు. అయితే ఏ సినిమా, ఏ దర్శకుడితో తీస్తున్నాడో మాత్రం చెప్పలేదు.
మెగా కాంపౌండ్ నుండి అందుతున్న సమాచారం ప్రకారం, చిరంజీవి తన తదుపరి చిత్రాల కోసం దర్శకులు కళ్యాణ్ కృష్ణ మరియు వశిష్ట మల్లిడిని ఇప్పటికే ఎంచుకున్నారు. చిరంజీవి తదుపరి చిత్రాన్ని కళ్యాణ్ కృష్ణ దర్శకత్వంలో సుస్మిత కొణిదెల నిర్మించనున్నట్లు సమాచారం. అయితే ఇది ఆయన సొంత కథనా లేక మలయాళ సినిమా ‘బ్రో డాడీ’కి రీమేక్‌నా అనే అనుమానాలు వ్యక్తమవుతున్నాయి. సినిమా బాగున్నా అభిమానులు మాత్రం రీమేక్ చేయకూడదని కోరుకుంటున్నారు. వశిష్ఠ సినిమా బింబిసార వంటి కొత్త కథతో పాటు సోషియో ఫాంటసీగా ఉంటుందని సమాచారం.
ఆగస్ట్ 22 చిరంజీవి పుట్టిన రోజు కావడంతో ఆ రోజు చిరంజీవి తదుపరి సినిమాని అధికారికంగా ప్రకటించనున్నారు. దీంతో చిరు నెక్స్ట్ మూవీ ఎవరు చేయనున్నారనే విషయంపై క్లారిటీ రావాలంటే మెగాస్టార్ పుట్టినరోజు వరకు ఆగాల్సిందే.
