పంచాయతీ సర్పంచులు, వార్డు మెంబర్ల స్థానాలకు జరిగిన ఉప ఎన్నికల్లో గ్రామాల్లో వైసీపీపై ప్రజల్లో ఎంత ఆగ్రహం ఉందో తేలిపోయింది. స్థానిక సంస్థల ఎన్నికల్లో గెలిచి మరణించిన వారి స్థానాలకు ఉప ఎన్నికలు జరిగాయి. ఇవన్నీ సిట్టింగ్ స్థానాలే. అయితే ఇప్పుడు వైసీపీ సగానికి పైగా ఓడిపోయింది. వైసీపీ హైకమాండ్ కూడా ఊహించని ఫలితాలు వచ్చాయి.
ఏపీలో మొత్తం 59 పంచాయతీ ఎన్నికలు జరిగాయి. ఇందులో తెలుగుదేశం పార్టీ 28 పంచాయతీలను గెలుచుకుంది. వైఎస్సార్సీపీ 17 స్థానాల్లో విజయం సాధించింది. ఇతరులు 12 సీట్లు గెలుచుకున్నారు. రెండు గ్రామాల్లో సర్పంచ్లుగా జనసేన అభ్యర్థులను గెలిపించారు. 485 పంచాయతీ వార్డులకు ఎన్నికలు జరిగాయి. ఇందులో ఏకగ్రీవంతో కలిపి మొత్తం 189 వార్డుల్లో తెలుగుదసం విజయం సాధించింది. వైసీపీ 177 స్థానాలు, స్వతంత్రులు 100 స్థానాలు, జనసేన, బీజేపీ అభ్యర్థులు 19 స్థానాల్లో విజయం సాధించారు.
వైసీపీకి కంచుకోట లాంటి పలు గ్రామాల్లో టీడీపీ బలపరిచిన అభ్యర్థులు విజయం సాధించడం రాజకీయ పరిశీలకులను సైతం ఆశ్చర్యానికి గురిచేస్తోంది. తెనాలి బుర్రిపాలెం సర్పంచ్ స్థానాన్ని టీడీపీ అభ్యర్థి భారీ మెజార్టీతో గెలుపొందారు. స్పీకర్ తమ్మినేని సీతారాం ప్రాతినిధ్యం వహిస్తున్న బొప్పడం గ్రామ పంచాయతీని ఆముదాల కోగ్లిలో వైసిపి నాయకులు ప్రతిష్టాత్మకంగా తీసుకున్నారు. అది వైసీపీ సిట్టింగ్ ప్లేస్. అయితే ఇప్పుడు అక్కడ టీడీపీ విజయం సాధించింది.
గత పంచాయతీ ఎన్నికల్లో వైసీపీ 80 శాతానికి పైగా సీట్లు గెలుచుకుంది. అయితే అసెంబ్లీ ఎన్నికలకు ముందే ఎన్నికల ఫలితాలు వెలువడుతున్న నేపథ్యంలో పూర్తి స్థాయిలో ప్రజావ్యతిరేకత వెల్లడవుతోంది. ఉపఎన్నికలు కావడంతో ఆ పని చేయాల్సి వచ్చింది. కాకినాడ కార్పొరేషన్తో పాటు పలు మున్సిపాలిటీల ఎన్నికలు పెండింగ్లో ఉన్నాయి. వాటిని పెట్టకుండా ప్రభుత్వం తప్పించుకుంటోంది.
