క్రికెట్ అభిమానులు ఎంతో ఆసక్తిగా ఎదురుచూస్తున్న ఆసియా కప్ ఆగస్టు 30 నుంచి ప్రారంభం కానుంది.హైబ్రిడ్ పద్ధతిలో నిర్వహించనున్న ఈ టోర్నీకి శ్రీలంక, పాకిస్థాన్ ఆతిథ్యమిస్తున్నాయి.
ఆసియా కప్
ఆసియా కప్: క్రికెట్ అభిమానులు ఎంతో ఆసక్తిగా ఎదురుచూస్తున్న ఆసియాకప్ ఆగస్టు 30 నుంచి ప్రారంభం కానుంది.హైబ్రిడ్ పద్ధతిలో నిర్వహించనున్న ఈ టోర్నీకి శ్రీలంక, పాకిస్థాన్ ఆతిథ్యమిస్తున్నాయి. ఈసారి టోర్నీ వన్డే ఫార్మాట్‌లో జరగనుంది. మొత్తం 13 మ్యాచ్‌ల్లో 9 శ్రీలంకలో, నాలుగు పాకిస్థాన్‌లో జరగనున్నాయి. టోర్నీకి సమయం దగ్గరపడుతుండటంతో ఇప్పుడు క్రికెట్ అభిమానుల దృష్టి దానిపైనే ఉంది. ఈ మ్యాచ్‌లు ఎక్కడ ప్రసారం చేయబడతాయి? దీన్ని ఎలా చూడాలని నెటిజన్లు వెతుకుతున్నారు.
డిస్నీ + హాట్‌స్టార్ శుభవార్త..
ఆసియా కప్ 2023ని చూడాలనుకునే వారికి డిస్నీ + హాట్‌స్టార్ శుభవార్త చెప్పింది. మీరు తమ యాప్‌లో మ్యాచ్‌లను ఉచితంగా చూడవచ్చని పేర్కొంది. అయితే.. అది కేవలం మొబైల్‌లో మాత్రమేనని తెలిపింది. ఈ మేరకు ఓ వీడియోను కూడా విడుదల చేశారు. ఎక్కడికి వెళ్లినా ఎలాంటి అవాంతరాలు లేకుండా మ్యాచ్‌లను వీక్షించవచ్చని ఈ వీడియో అర్థం. హాట్ స్టార్ వారి ప్లాట్‌ఫారమ్‌కు మరింత మందిని చేరువ చేయడమే లక్ష్యంగా పెట్టుకుంది. మ్యాచ్‌లను ఉచితంగా ప్రసారం చేయడం అందులో భాగమే.
విరాట్ కోహ్లీ: కోహ్లీ క్రికెటర్ కాకపోతే ఏ క్రీడలో రాణించి ఉండేవాడు..? భువనేశ్వర్ కుమార్ ఏమన్నారంటే..
భారతీయుల హృదయాల్లో క్రికెట్‌కు ప్రత్యేక స్థానం ఉంది. మేము ఈ క్రీడను మా వినియోగదారులకు మరింత అందుబాటులోకి తీసుకురావాలనుకుంటున్నాము. ఆసియా కప్ మరియు రాబోయే ODI ప్రపంచ కప్‌లను మొబైల్‌లో ఉచితంగా చూసే అవకాశాన్ని అందించడం ద్వారా, క్రికెట్‌ను దేశంలోని ప్రతి మూలకు తీసుకెళ్లి డిజిటల్-ఫస్ట్ ప్రేక్షకులను చేరుకోవడానికి మేము సిద్ధంగా ఉన్నాము.’ డిస్నీ+ హాట్‌స్టార్ ప్రతినిధి తెలిపారు.
17 మందితో భారత్ జట్టును ప్రకటించింది
ఆసియా కప్‌లో పాల్గొనే భారత జట్టును బీసీసీఐ సోమవారం ప్రకటించింది. ఇందులో 17 మందికి చోటు కల్పించారు. గాయాల కారణంగా కొన్నాళ్లుగా ఆటకు దూరంగా ఉన్న శ్రేయాస్ అయ్యర్, కేఎల్ రాహుల్‌లకు చోటు దక్కింది. అదేవిధంగా యువ సంచలనం, హైదరాబాద్ కుర్రాడు తిలక్ వర్మ తొలిసారి వన్డేల్లో చోటు దక్కించుకున్నాడు. ఆసియా కప్‌లో భారత్ తన తొలి మ్యాచ్‌ని సెప్టెంబర్ 2న పాకిస్థాన్‌తో ఆడనుంది.
యుజ్వేంద్ర చాహల్: ఆసియాకప్‌లో దక్కని స్థానం.. చాహల్ ట్వీట్ వైరల్‌గా మారింది
