జైలులో చంద్రబాబు భద్రతపై టీడీపీ శ్రేణులు ఆందోళన వ్యక్తం చేస్తున్న నేపథ్యంలో తాజాగా జనసేన అధినేత పవన్ కల్యాణ్ కూడా చంద్రబాబు భద్రతపై కీలక వ్యాఖ్యలు చేశారు.
చంద్రబాబు నాయుడు అరెస్ట్
జనసేన అధినేత పవన్ కళ్యాణ్: స్కిల్ డెవలప్‌మెంట్ కేసులో రాజమండ్రి సెంట్రల్ జైలులో ఉన్న చంద్రబాబు నాయుడును జనసేన అధినేత పవన్ కళ్యాణ్, టీడీపీ నేత, హిందూపురం ఎమ్మెల్యే బాలకృష్ణ, టీడీపీ జాతీయ ప్రధాన కార్యదర్శి నారా లోకేష్ కలిశారు. దాదాపు 40 నిమిషాల పాటు వారి మధ్య చర్చ జరిగింది. ఈ సందర్భంగా చంద్రబాబు కల్పిస్తున్న భద్రత, సౌకర్యాలపై పవన్ కల్యాణ్ ఆరా తీశారు. జైలులో ములాకత్ అనంతరం పవన్ కళ్యాణ్ మీడియాతో మాట్లాడారు. జైలులో చంద్రబాబు భద్రతపై ఆయన కీలక వ్యాఖ్యలు చేశారు.
పవన్ కళ్యాణ్ : పొత్తులపై కుండ బద్దలు కొట్టిన పవన్ కళ్యాణ్ పోటీ చేస్తానంటూ సంచలన వ్యాఖ్యలు చేశారు
రాజమండ్రి సెంట్రల్ జైలులో చంద్రబాబు భద్రతపై టీడీపీ శ్రేణులు ఆందోళన వ్యక్తం చేస్తున్న సంగతి తెలిసిందే. ఈ విషయంపై చంద్రబాబు తరపు న్యాయవాది జైలులో భద్రతపై ఏసీబీ కోర్టులో వాదించారు. రాజమండ్రి సెంట్రల్ జైలులో కరుడుగట్టిన నేరస్తులు, మావోయిస్టుల మధ్య చంద్రబాబుకు భద్రత ఉండదని, ఆయనను గృహనిర్బంధంలో ఉంచాలని కోరుతూ చంద్రబాబు తరపు లాయర్ కూడా ఏసీబీ కోర్టులో పిటిషన్ దాఖలు చేశారు. అయితే సీఐడీ తరపు న్యాయవాదుల వాదనలకు ఏసీబీ కోర్టు ఏకీభవిస్తూ.. చంద్రబాబును రాజమండ్రి జైలుకు పంపుతూ తీర్పునిచ్చింది. అయితే తాజాగా.. జైలులో ఉన్న చంద్రబాబుతో చంద్రబాబు భార్య భువనేశ్వరి, నారా లోకేష్ భేటీ అయ్యారు. అనంతరం భవనేశ్వరి మాట్లాడుతూ చంద్రబాబు భద్రతపై ఆందోళన వ్యక్తం చేశారు.
Jr NTR: చంద్రబాబుపై స్పందించని ఎన్టీఆర్.. అవార్డు కోసం దుబాయ్ వెళ్లారు..
జైలులో చంద్రబాబు భద్రతపై టీడీపీ శ్రేణులు ఆందోళన వ్యక్తం చేస్తున్న నేపథ్యంలో తాజాగా జనసేన అధినేత పవన్ కల్యాణ్ కూడా చంద్రబాబు భద్రతపై కీలక వ్యాఖ్యలు చేశారు. జైలులో చంద్రబాబుతో భేటీ అనంతరం పవన్ మీడియాతో మాట్లాడారు.
