అక్టోబర్ 3 నుంచి మూడు రోజుల పాటు తెలంగాణలో పర్యటించనున్న ఈసీ బృందం.. నివేదిక ఆధారంగా ఎన్నికల షెడ్యూల్ విడుదల చేసే అవకాశం ఉందని తెలుస్తోంది.
తెలంగాణ అసెంబ్లీ ఎన్నికలు
తెలంగాణ అసెంబ్లీ ఎన్నికల షెడ్యూల్: జమిలి ఎన్నికలపై దేశవ్యాప్తంగా చర్చ జరుగుతున్నప్పటికీ తెలంగాణ రాష్ట్ర అసెంబ్లీ ఎన్నికలు విడిగా జరిగే అవకాశం కనిపిస్తోంది. తెలంగాణ అసెంబ్లీ ఎన్నికలు షెడ్యూల్ ప్రకారమే జరగనున్నాయి. అక్టోబరు 6 తర్వాత తెలంగాణ అసెంబ్లీ ఎన్నికల షెడ్యూల్ వెలువడే అవకాశం ఉంది.అంటే మరో 15 రోజుల్లో ఢిల్లీలో ఎన్నికల షెడ్యూల్ విడుదల కానుంది.
అక్టోబర్ 10 తర్వాత తెలంగాణ ఎన్నికల నోటిఫికేషన్ వెలువడే అవకాశం ఉంది.నవంబర్ చివరి వారం లేదా డిసెంబర్ మొదటి వారంలో పోలింగ్ జరిగే అవకాశం ఉంది. ఎన్నికల నిర్వహణకు కేంద్ర ఎన్నికల సంఘం సిద్ధమైంది. ఈ మేరకు తెలంగాణలో కేంద్ర ఎన్నికల సంఘం పర్యటన ఖరారైంది. అక్టోబర్ 3 నుంచి రాష్ట్రంలో పర్యటించనున్న ఈసీ బృందం.. మూడు రోజుల పాటు ఈసీ బృందం పర్యటించనుంది.
రాజకీయ పార్టీలతో కేంద్ర ఎన్నికల సంఘం సమావేశం కానుంది. రాజకీయ పార్టీలతో అధికారులు సమావేశం కానున్నారు. రానున్న అసెంబ్లీ ఎన్నికలపై రాజకీయ పార్టీలతో చర్చించనున్నారు. తెలంగాణలోని మొత్తం 33 జిల్లాల ఎన్నికల అధికారులు, ఎస్పీలతో కేంద్ర ఎన్నికల సంఘం సమావేశం కానుంది. అలాగే తెలంగాణ సీఎస్, డీజీపీలతో ఈసీ బృందం భేటీ కానుంది.
అక్టోబరు 4న అన్ని జిల్లాల ఎన్నికల అధికారులు, ఎస్పీలతో ఈసీ బృందం.. 6న ప్రభుత్వ ప్రధాన కార్యదర్శి, డీజీపీతో సమావేశం.. ఈవీఎంల నిర్వహణపై ఈసీఐఎల్ అధికారులతో ఈసీ బృందం భేటీ కానుంది. అక్టోబర్ 6న తెలంగాణ ఎన్నికలపై నివేదిక ఇవ్వనున్నారు.ఈ నివేదిక ఆధారంగా ఎన్నికల షెడ్యూల్ విడుదలయ్యే అవకాశం ఉంది.
మరోవైపు జమిలి ఎన్నికల అంశాన్ని కేంద్ర ప్రభుత్వం ముందుకు తెచ్చింది. జమిలి ఎన్నికలపై భిన్నాభిప్రాయాలు వ్యక్తమవుతున్నాయి. రాజకీయ పార్టీలు భిన్న వాదనలు వినిపిస్తున్నాయి. మరోవైపు తెలంగాణలో రాజకీయాలు రసవత్తరంగా సాగుతున్నాయి. రాష్ట్రంలో అసెంబ్లీ ఎన్నికల వాతావరణం నెలకొంది. అధికార బీఆర్ఎస్తో పాటు వివిధ రాజకీయ పార్టీలు ప్రచారం ప్రారంభించాయి. బీఆర్ఎస్ ఇప్పటికే అభ్యర్థుల జాబితాను ప్రకటించింది.
