తెలంగాణ: కానిస్టేబుల్ నియామకాలకు హైకోర్టు బ్రేక్.. కారణం

పోలీస్ రిక్రూట్‌మెంట్ బోర్డు కానిస్టేబుల్ తుది ఫలితాలను విడుదల చేసినప్పుడు, దాదాపు 23 ప్రశ్నలపై అభ్యంతరాలు లేవనెత్తుతూ హైకోర్టులో చాలా పిటిషన్లు దాఖలయ్యాయి. తెలంగాణ కానిస్టేబుల్

తెలంగాణ: కానిస్టేబుల్ నియామకాలకు హైకోర్టు బ్రేక్.. కారణం

తెలంగాణ కానిస్టేబుల్ రిక్రూట్‌మెంట్ (ఫోటో: గూగుల్)

తెలంగాణ కానిస్టేబుల్ రిక్రూట్‌మెంట్: తెలంగాణ రాష్ట్రంలో కానిస్టేబుల్ రిక్రూట్‌మెంట్‌కు హైకోర్టు బ్రేక్ వేసింది. మెయిన్స్ (ఫైనల్) పరీక్షలో 4 ప్రశ్నలను తొలగించి, వాటన్నింటిని 4 మార్కులతో తిరిగి మూల్యాంకనం చేసి ఫలితాలు ప్రకటించాలని, ఆ తర్వాతే రిక్రూట్‌మెంట్ ప్రక్రియను ప్రారంభించాలని పోలీసు రిక్రూట్‌మెంట్ బోర్డును హైకోర్టు ఆదేశించింది. 122, 130, 144 ప్రశ్నలను తెలుగులోకి అనువదించరాదని, ప్రశ్న పత్రం తప్పుగా ఉన్నందున 57వ ప్రశ్నను తొలగించాలని కోర్టు ఆదేశించింది. ఈ 4 ప్రశ్నలను తెలుగులో అనువదించకపోవడాన్ని తప్పుబట్టిన కోర్టు.. రిక్రూట్‌మెంట్ ప్రక్రియను పునః మూల్యాంకనం చేయాలని పేర్కొంది.

కాగా, పోలీస్ రిక్రూట్‌మెంట్ బోర్డు ఈ నెల 4న కానిస్టేబుల్ తుది ఫలితాలను విడుదల చేసింది. దాదాపు 23 ప్రశ్నలపై అభ్యంతరాలు లేవనెత్తుతూ హైకోర్టులో పలు పిటిషన్లు దాఖలయ్యాయి. ఇప్పటికే 15 వేల 750 పోస్టులకు అభ్యర్థుల జాబితా విడుదలైంది. 12 వేల 866 మంది పురుషులు, 2 వేల 884 మంది మహిళా అభ్యర్థులు ఎంపికయ్యారు. తాజాగా హైకోర్టు తీర్పుతో మళ్లీ ఫలితాలు వెలువడాల్సి ఉంది.

Also Read: బీజేపీ హంగ్ హోప్స్.. తెలంగాణ రాజకీయం ఆసక్తికరంగా!

కానిస్టేబుల్ రిక్రూట్‌మెంట్‌ను నిలిపివేస్తూ హైకోర్టు ఇచ్చిన తీర్పుతో ఎంపికైన అభ్యర్థులు షాక్ అయ్యారు. రాష్ట్రంలో ఉద్యోగాలు భర్తీ చేయకపోవడంపై నిరుద్యోగులు అసహనం వ్యక్తం చేస్తున్నారు. గ్రూప్-1 ప్రిలిమ్స్ ఇప్పటికే రెండుసార్లు రద్దు చేయబడ్డాయి. గ్రూప్-2 నిరవధికంగా వాయిదా పడింది. గ్రూప్ 4 ఫలితాలు ఇంకా విడుదల కాకపోవడంపై అభ్యర్థులు ఆగ్రహం వ్యక్తం చేస్తున్నారు. ఇంతలో ఎన్నికల షెడ్యూల్ వచ్చేసింది. దీంతో ఇప్పుడు ఉద్యోగాల భర్తీ జరగక నిరుద్యోగులు నానా అవస్థలు పడుతున్నారు.

Also Read: సూర్యాపేటలో రాజకీయం.. కాంగ్రెస్ నాయకత్వం మారనుందా?

Leave a Reply

Your email address will not be published. Required fields are marked *