ప్రకాశరావు మృతి అనుమానాస్పదంగా ఉందని సిరిసిల్ల టౌన్ పోలీస్ స్టేషన్‌లో ఫిర్యాదు చేశారు. దర్యాప్తు చేపట్టిన పట్టణ సీఐ ఉపేందర్ ప్రకాశరావు హత్య కేసును ఛేదించారు.
భర్తను చంపిన భార్య (1)
సిరిసిల్లలో భర్తను హత్య చేసిన భార్య : సిరిసిల్ల జిల్లాలో దారుణం జరిగింది. వేధించిన భర్తను భార్య హత్య చేసింది. కూతురి సాయంతో భర్తను హత్య చేసింది భార్య. మద్యానికి బానిసై వివాహేతర సంబంధాలకు అలవాటు పడి ఇంట్లో వారిపై వేధింపులు, కొట్టడంతో విసిగిపోయిన భార్య.. కూతురి సాయంతో భర్తను దారుణంగా హత్య చేసింది. మృతదేహాన్ని వారం రోజుల పాటు ఇంట్లోనే ఉంచి బయటకు తీసే ప్రయత్నం చేశారు. మృతదేహాన్ని ఇంట్లోనే ఖననం చేయాలని భావించారు. కుదరకపోవడంతో పెట్రోల్ పోసి తగులబెట్టేందుకు ప్రయత్నించారు. ఏమీ చేయలేక హడావుడిగా అంత్యక్రియలు నిర్వహించారు. ఈ ఘటన ఆలస్యంగా వెలుగులోకి వచ్చింది.
పోలీసులు, స్థానికులు తెలిపిన వివరాల ప్రకారం.. సిరిసిల్ల పట్టణం శివనగర్‌కు చెందిన లేచెర్ల ప్రకాశరావు(44) జల్సాలకు అలవాటు పడ్డాడు. ఇతర మహిళలతో వివాహేతర సంబంధాలు కొనసాగిస్తున్నాడు. మద్యానికి బానిసైన అతడు తరచూ ఇంట్లో వారిపై దాడి చేసేవాడు. వేధింపులు భరించలేని భార్య స్వప్న, కూతురు ఉషశ్రీ ఎలాగైనా అతడిని చంపాలనుకున్నారు. పథకం ప్రకారం నవంబర్ 1వ తేదీ రాత్రి భార్య స్వప్న తన భర్త ప్రకాశరావు మెడపై కూరగాయల కట్టర్‌తో దాడి చేసి, కూతురు తండ్రి ముఖంపై దిండు నొక్కి హత్య చేసింది.
అమెరికా: స్కూల్లో 5కే రేసులో పరిగెడుతూ ఓ బాలుడు గుండెపోటుతో మృతి చెందాడు
అనంతరం గొడ్డలితో మృతదేహాన్ని ముక్కలుగా నరికేందుకు ప్రయత్నించారు. చేసేదిలేక మృత దేహాన్ని ఇంటి వద్దే గుంత తవ్వి పూడ్చిపెట్టాలని నిర్ణయించుకున్నారు. కానీ, అలా చేస్తే శవం నుంచి వాసన వస్తుందని, విషయం తెలిసిపోతుందని భావించారు. మృతదేహంపై పెట్రోలు పోసి కాల్చేందుకు ప్రయత్నించినా పూర్తిగా కాలిపోలేదు. దీంతో స్వప్న తన తమ్ముడితో కలిసి నవంబర్ 3న మరింత పెట్రోల్ తీసుకొచ్చి శరీరంపై పోసుకుని నిప్పంటించుకుంది.
అయితే నీరు, దుప్పట్లతో మంటలను ఆర్పివేశారు. మృతదేహాన్ని ధ్వంసం చేయలేకపోవడంతో హత్యను హఠాన్మరణంగా చిత్రీకరించి దహనం చేయాలని నిర్ణయించుకున్నారు. అందులో భాగంగానే నవంబర్ 4న నిందితురాలు తన తమ్ముడిని ఇంటికి పిలిపించి జరిగిన విషయాన్ని వివరించింది. ఈ క్రమంలో ప్రకాశరావు నిద్రలోనే మృతి చెందినట్లు బంధువులకు సమాచారం అందించారు.
అమెరికా కోర్టు: భార్యను కత్తితో పొడిచి చంపిన భారతీయుడికి అమెరికా కోర్టు జీవిత ఖైదు విధించింది
కొందరు బంధువులు నివాళులర్పించేందుకు రావడంతో విద్యానగర్‌లోని వైకుంఠధామానికి అంత్యక్రియలు పూర్తి చేశారు. ఇదిలా ఉండగా.. నిద్రలోనే ప్రకాశరావు మృతి చెందాడని బంధువులకు సమాచారం అందించిన నిందితులు బంధువులంతా వచ్చే వరకు వేచి చూడకుండా దహన సంస్కారాలు పూర్తి చేయడంతో పలువురు మృతిపై అనుమానం వ్యక్తం చేశారు. ఈ క్రమంలో మున్సిపల్ శానిటరీ ఇన్ స్పెక్టర్ మృతుడి ఇంటికి వెళ్లి చూడగా తాళం వేసి ఉండటాన్ని గుర్తించారు.
ఇంట్లో నుంచి దుర్వాసన వచ్చింది. ప్రకాశరావు మృతిపై అనుమానాలున్నాయని సిరిసిల్ల టౌన్ పోలీస్ స్టేషన్‌లో ఫిర్యాదు చేశారు. దర్యాప్తు చేపట్టిన పట్టణ సీఐ ఉపేందర్ ప్రకాశరావు హత్య కేసును ఛేదించారు. నిందితులు స్వప్న, ఉషశ్రీలను అరెస్టు చేసి రిమాండ్‌కు తరలించారు. హత్యకు సహకరించిన మరో ఇద్దరు పరారీలో ఉన్నారని, వారి కోసం గాలిస్తున్నామని సీఐ ఉపేందర్ తెలిపారు.
