కాంగ్రెస్ పార్టీపై ప్రధాని నరేంద్ర మోదీ మరోసారి సంచలన వ్యాఖ్యలు చేశారు. కాంగ్రెస్‌కు అవినీతి గాలి, నీరు లాంటిదని.. తమపై ఎన్నో కుంభకోణాలు చేశారని ఆరోపించారు. ట్రైలర్‌లో కన్హయ్యలాల్ హత్యను ప్రస్తావిస్తూ.. కాంగ్రెస్ హయాంలో మానవత్వం సిగ్గుపడేలా ఘటనలు జరుగుతున్నాయన్నారు. ఉగ్రవాదుల పట్ల కాంగ్రెస్ సానుభూతి చూపుతుందని, అందుకే వారి పాలనలో ఇలాంటి దారుణ ఘటనలు జరుగుతున్నాయన్నారు.
ఎన్నికల ప్రచారంలో భాగంగా రాజస్థాన్‌లోని ఉదయ్‌పూర్‌లో ప్రధాని మోదీ మాట్లాడుతూ.. మేవార్ లేకుండా రాజస్థాన్ వారసత్వం, సంస్కృతి, చరిత్ర పూర్తికాదని, మేవార్ నేల భారతమాత నుదుటిపై తిలకం లాంటిదని.. అయితే.. ఎప్పుడు ఈ భూమిపై కాంగ్రెస్ కన్ను పడింది, ఆత్మగౌరవం తీవ్రంగా దెబ్బతింది.. కాంగ్రెస్ హయాంలో ఎన్నో దారుణమైన ఘటనలు జరిగాయి.ఉదయ్‌పూర్‌లో ట్రైలర్‌ కన్హయ్యలాల్‌పై ఉగ్రదాడి ఘటన కాంగ్రెస్ ప్రభుత్వానికి పెద్ద మచ్చ. ఉగ్రవాదుల పట్ల కాంగ్రెస్ సానుభూతి చూపుతోంది. ఈ రాష్ట్రంలో కాంగ్రెస్ ప్రభుత్వం ఉన్నందునే ఉదయ్‌పూర్‌లో ఇంత దారుణమైన సంఘటన జరిగింది’’ అని ఆయన అన్నారు.
రాజస్థాన్‌లోని కాంగ్రెస్ ప్రభుత్వం కూడా బంగారం కొల్లగొట్టడమే పనిగా పెట్టుకుందని.. ఈ బంగారాన్ని బంగాళాదుంపల నుంచి తీసుకున్నారా.. లేక ఎక్కడి నుంచి తీసుకున్నారో తనకు తెలియదని రాహుల్ గాంధీపై మోదీ పరోక్షంగా సెటైర్లు విసిరారు. వచ్చే ఏడాది లోక్‌సభ ఎన్నికల తర్వాత కేంద్రంలో. తన మూడవ టర్మ్‌లో, భారతదేశం ప్రపంచంలోని మొదటి మూడు ఆర్థిక వ్యవస్థలలో ఒకటిగా ఉంటుందని చెప్పారు. భారతదేశం వేగంగా అభివృద్ధి చెందుతోందని, రాజస్థాన్ కూడా ప్రయోజనం పొందాలని, దీనికి బిజెపి ప్రభుత్వం అవసరమని ఆయన ఉద్ఘాటించారు.
రాజస్థాన్‌లోని పలు ప్రాంతాల్లో హిందువుల వలసలు జరుగుతున్నాయని.. రాష్ట్రంలో కాంగ్రెస్ ప్రభుత్వం ఉంటే మరింత పెరుగుతుందని మోదీ ఆరోపించారు. రాజస్థాన్‌లో రామనవమి ఊరేగింపు, కన్వర్ యాత్రపై నిషేధం విధిస్తారని ఎవరూ ఊహించలేదని.. కానీ కాంగ్రెస్ ప్రభుత్వం ఈ పాపం చేసిందని విమర్శించారు. మహిళలపై నేరాలను నియంత్రించడంలో కాంగ్రెస్ ప్రభుత్వం పూర్తిగా విఫలమైందని ప్రధాని అన్నారు. మరి.. బ్రిజ్ భూషణ్ తమను లైంగికంగా వేధించాడంటూ మహిళా రెజ్లర్లు నెల రోజులకు పైగా నిరసనలు చేస్తే ఏమైందని కాంగ్రెస్ నేతలు మోదీని నిలదీస్తున్నారు.
