‘హిట్-అండ్-రన్’ లా: ‘హిట్ అండ్ రన్’ నిబంధనపై డ్రైవర్లు, ట్రక్కర్లు తమ అసంతృప్తిని వ్యక్తం చేయడంతో వివిధ రాష్ట్రాల్లో నిరసనలు వెల్లువెత్తాయి. మహారాష్ట్ర, ఛత్తీస్‌గఢ్, మధ్యప్రదేశ్ రాష్ట్రాల్లో తమ ఆందోళన వల్ల రానున్న రోజుల్లో ఇంధన సరఫరాకు అంతరాయం కలుగుతుందనే భయంతో ప్రజలు పెట్రోల్ పంపుల వద్ద బారులు తీరారు.
కేంద్రంలోని నరేంద్ర మోదీ ప్రభుత్వం భారత శిక్షాస్మృతిలోని అనేక నిబంధనలను మార్చింది. తాజాగా పార్లమెంట్ ఆమోద ముద్ర వేసింది. కొత్తగా అమలులోకి వచ్చిన కొత్త క్రిమినల్ చట్టం, ఇండియన్ కోడ్ ఆఫ్ క్రిమినల్ ప్రొసీజర్ కూడా పార్లమెంట్ శీతాకాల సమావేశాల్లో ఆమోద ముద్ర వేసింది. ఇండియన్ పీనల్ కోడ్ స్థానంలో ఇండియన్ కోడ్ ఆఫ్ లా వచ్చింది. రోడ్డు ప్రమాదానికి డ్రైవర్ కారణమైతే.. అజాగ్రత్తగా వాహనం నడిపి ప్రమాదానికి కారణమైతే.. పోలీసులకు సమాచారం ఇవ్వకుండా పదేళ్ల జైలుశిక్ష, ఏడు లక్షల రూపాయల వరకు జరిమానా విధిస్తారు. దీనిపై దేశంలోని బస్సు డ్రైవర్లు, ట్రక్కు డ్రైవర్లు నిరసన వ్యక్తం చేస్తున్నారు.
పెట్రోల్ బంకుల వద్ద క్యూలు (‘హిట్-అండ్-రన్’ లా)
దీంతో కొత్త చట్టానికి వ్యతిరేకంగా దేశవ్యాప్తంగా ట్రక్కర్లు రోడ్డెక్కారు. పశ్చిమ బెంగాల్‌లో ఆదివారం, జాతీయ రహదారి 2పై హుగ్లీ జిల్లాలోని డుంకుని టోల్ ప్లాజా వద్ద వందలాది మంది ట్రక్కు డ్రైవర్లు రెండు గంటలపాటు రాస్తారోకో చేశారు. టైర్లు తగలబెట్టి, తమ ట్రక్కులను రోడ్డు మధ్యలో నిలిపివేసి నిరసన తెలిపారు. ప్రస్తుతం దేశవ్యాప్తంగా ట్రక్కు డ్రైవర్ల నిరసన ప్రభావం మహారాష్ట్ర, పంజాబ్‌లలో కనిపిస్తోంది. కేంద్ర ప్రభుత్వం తీసుకొచ్చిన కొత్త చట్టంలోని నిబంధనలను డ్రైవర్లు తీవ్రంగా వ్యతిరేకిస్తున్నారు. దీంతో ఉత్తరాది రాష్ట్రాల పౌరులు పెట్రోలు పంపుల వద్దకు పెద్ద ఎత్తున పరుగులు తీస్తున్నారు. ముఖ్యంగా ద్విచక్ర వాహనదారులు, కార్ల యజమానులు పెట్రోల్ పంపుల వద్ద బారులు తీరారు. మహారాష్ట్రలోని నాగ్‌పూర్‌, థానే, జల్‌గావ్‌, ధూలే ప్రాంతాల్లోని ప్రజలు పెట్రోల్ కోసం అంతులేని క్యూలలో నిలబడాల్సి వస్తోంది. స్థానిక పోలీసులు రంగంలోకి దిగి రోడ్లు దిగ్బంధం కాకుండా చూస్తున్నారు. ముఖ్యంగా నాగ్‌పూర్‌లో పెట్రోల్ పంపుల వద్ద భారీ క్యూ లైన్ల వీడియోలు సోషల్ మీడియాలో హల్ చల్ చేస్తున్నాయి. కొత్త చట్టానికి వ్యతిరేకంగా అమృత్‌సర్‌, పాటియాలాలో ట్రక్కు డ్రైవర్లు రోడ్డెక్కారు. అమృత్‌సర్‌లోని పెట్రోల్ బంకుల వద్ద పెద్ద క్యూలు కనిపించాయి. లారీ డ్రైవర్లు వరుసగా రెండో రోజు సమ్మె చేస్తున్నారు. అయితే పంజాబ్ ప్రభుత్వం, ట్రక్ డ్రైవర్ల సంఘం మధ్య చర్చలు జరిపి సమస్యను పరిష్కరించాలని స్థానికులు కోరుతున్నారు. మధ్యప్రదేశ్, ఛత్తీస్‌గఢ్ రాష్ట్రాల్లో డ్రైవర్ల నిరసనలు. ఇదే సమయంలో పెట్రోలు బంకుల వద్ద పొడవాటి క్యూలు దర్శనమిస్తున్నాయి.
పోస్ట్ ‘హిట్-అండ్-రన్’ చట్టం: ‘హిట్-అండ్-రన్’ నిబంధనపై ట్రక్ డ్రైవర్లు రోడ్డెక్కారు. మొదట కనిపించింది ప్రైమ్9.
