మహేష్ బాబు, త్రివిక్రమ్ శ్రీనివాస్ కాంబినేషన్‌లో తెరకెక్కిన ‘గుంటూరు కారం’ #గుంటూరు కారం ప్రీ రిలీజ్ వేడుక గుంటూరులో జరిగింది. ఈ వేడుకకు వేల సంఖ్యలో మహేష్ బాబు అభిమానులు తరలివచ్చి ఈ వేడుకను ఘనంగా నిర్వహించారు. ఈ వేడుకలో మహేష్ బాబు కూడా చాలా ఎమోషనల్ అయ్యాడు.
‘గుంటూరు కారం’ సినిమా స్టార్ట్ చేసిన తర్వాత మహేష్ బాబు తన తండ్రి సూపర్ స్టార్ కృష్ణ గారిని కోల్పోయారు. అంతకు ముందు వారు తమ తల్లి ఇందిరాదేవిని కూడా కోల్పోయారు. ఒక్క ఏడాదిలో తల్లిదండ్రులను కోల్పోయిన బాధతో తెరకెక్కిన చిత్రం ‘గుంటూరు కారం’.
ఆ మధ్య కూడా ఈ సినిమా గురించి ఎన్నో సమస్యలు వచ్చి ఎన్నో వార్తలు వచ్చినా సినిమా షూటింగ్ మాత్రం ఆగకుండా జనవరి 12న రిలీజ్ చేద్దాం అనుకుని కంటిన్యూగా వర్క్ చేశారు.
ఇంతకుముందు పూజా హెగ్డే చేయవలసి ఉంది, ఆమె తప్పుకుంది, ఆమె స్థానంలో శ్రీలీల వచ్చింది, మరియు మీనాక్షి చౌదరి కూడా రెండవ మహిళా కథానాయికగా చేసింది. సినిమాటోగ్రాఫర్ మధ్యలో డ్రాప్ అయ్యాడు, ఇంకొకరు వచ్చారు, కానీ సినిమాను అనుకున్నట్లుగా పూర్తి చేసి అనుకున్న తేదీకి విడుదల చేసారు.
‘గుంటూరు కారం’ ప్రీ రిలీజ్ వేడుకను హైదరాబాద్‌లో నిర్వహించాల్సి ఉండగా ఇక్కడ అనుమతి దొరకలేదు. ఒకట్రెండు రోజుల్లో అన్ని ఏర్పాట్లు పూర్తి చేసి నిన్న గుంటూరులో ఘనంగా వేడుకలు నిర్వహించారు.
ఈ వేడుకకు వచ్చిన అభిమానులను చూసి మహేష్ బాబు చాలా ఎమోషనల్ అయ్యాడు. ‘మా నాన్న ఉంటే ఆయన ఫోన్ కాల్ కోసం ఎదురుచూసేవాడిని. సినిమా ఎలా ఉందో, కలెక్షన్స్ ఎలా ఉందో చెప్పేవాడు, ఇప్పుడు నాన్న లేరు, నువ్వే నాకు అమ్మా నాన్న! సినిమా ఎలా నచ్చిందో మీరే చెప్పాలి’’ అని భావోద్వేగంతో అన్నారు.
మహేష్ బాబు అభిమానులు కూడా చాలా ఎమోషనల్ అయ్యారు. కొద్ది నెలల్లోనే తన తల్లిదండ్రులను కోల్పోయిన బాధను చూసి మహేష్ బాబు అభిమానులు కూడా భావోద్వేగానికి గురయ్యారు. అందుకే చాలా మంది మహేష్ బాబు ఆ మాటలను సోషల్ మీడియాలో పోస్ట్ చేస్తూ మేం ఉన్నాం అంటూ పోస్ట్ చేస్తున్నారు. ఆ మాటల వీడియో, ఫోటోలు సోషల్ మీడియాలో వైరల్ అవుతున్నాయి.
నవీకరించబడిన తేదీ – జనవరి 10, 2024 | 11:57 AM
