అవును.. అంతా అనుకున్నట్టుగానే జరిగింది.. ఎన్నికలకు ముందు.. అది కూడా అభ్యర్థుల ప్రకటనకు ముందే కమలం పార్టీకి కోలుకోలేని షాక్ తగిలింది. సీనియర్ నేత, మాజీ ఎంపీ వివేక్ వెంకటస్వామి బీజేపీకి గుడ్ బై చెప్పారు. బుధవారం ఉదయం కాషాయ పార్టీకి రాజీనామా చేశారు.
అవును.. అంతా అనుకున్నట్టుగానే జరిగింది.. ఎన్నికల ముందు.. అది కూడా అభ్యర్థుల ప్రకటనకు ముందే కమలం పార్టీకి కోలుకోలేని షాక్ తగిలింది. సీనియర్ నేత, మాజీ ఎంపీ వివేక్ వెంకటస్వామి బీజేపీకి గుడ్ బై చెప్పారు. బుధవారం ఉదయం కాషాయ పార్టీకి రాజీనామా చేశారు. తన రాజీనామా లేఖను తెలంగాణ బీజేపీ అధ్యక్షుడు కిషన్ రెడ్డికి పంపారు. ఇవాళ అగ్రనేత రాహుల్ గాంధీ సమక్షంలో వివేక్ తన కుమారుడు వంశీతో కలిసి కాంగ్రెస్ కండువా కప్పుకోనున్నారు. రాహుల్ హైదరాబాద్‌లోని నోవాటెల్ హోటల్‌లో బస చేస్తున్నారు. వివేక్ ప్రస్తుతం బీజేపీ మేనిఫెస్టో కమిటీ చైర్మన్‌గా కొనసాగుతున్న సంగతి తెలిసిందే. ఇదిలా ఉంటే వివేక్ ఎంపీగా బరిలోకి దిగే అవకాశం ఉందని తెలిసింది. ఆయన బాటలోనే మరికొందరు బీజేపీ సీనియర్లు కాంగ్రెస్‌లో చేరనున్నట్లు తెలుస్తోంది. ఇదే జరిగితే కాంగ్రెస్ శ్రేణుల్లో మరింత ఉత్సాహం రావడం ఖాయంగా కనిపిస్తోంది.
తాజాగా ఇలా..!
తాజాగా వివేక్‌తో టీపీసీసీ అధ్యక్షుడు రేవంత్‌రెడ్డి భేటీ అయ్యారు. రంగారెడ్డి జిల్లా మొయినాబాద్ మండలం అజీజ్ నగర్ లోని వివేక్ పొలానికి గన్ మెన్ కూడా లేకుండా రేవంత్ ఒంటరిగా వచ్చాడు. సుమారు గంటన్నర పాటు ఆయనతో చర్చించారు. ఈ సందర్భంగా వివేక్‌ను కాంగ్రెస్ పార్టీలో చేరాల్సిందిగా రేవంత్ ఆహ్వానించారు. అయితే సరిగ్గా రెండేళ్ల క్రితం కాంగ్రెస్ ను వీడి బీజేపీలో చేరిన నేతలంతా స్వదేశానికి చేరుకోవడం చర్చనీయాంశంగా మారింది.
బంపెరాఫర్!
విశ్వసనీయ వర్గాల సమాచారం ప్రకారం.. వివేక్ కుటుంబానికి కాంగ్రెస్ బంపర్ ఆఫర్ ఇచ్చినట్లు తెలిసింది. వివేక్ తనయుడు వంశీకి చెన్నూరు ఎమ్మెల్యే టికెట్ ఇచ్చేందుకు కాంగ్రెస్ అంగీకరించినట్లు తెలుస్తోంది. వివేక్ పెదపడల్లి ఎంపీ బరిలోకి దిగనున్నారు. ఇదిలా ఉండగా.. ఇప్పటికే బెల్లంపల్లి టిక్కెట్టును వివేక్ సోదరుడు, మాజీ మంత్రి వినోద్‌కు కేటాయించిన సంగతి తెలిసిందే. త్వరలో రానున్న మూడో జాబితాలో వివేక్, వంశీ పేర్లు చేరనున్నట్టు తెలుస్తోంది.
నవీకరించబడిన తేదీ – 2023-11-01T12:04:06+05:30 IST
