జగన్ రెడ్డి అక్రమాస్తుల కేసులను హైదరాబాద్ నుంచి వేరే రాష్ట్రానికి బదిలీ చేయాలని సుప్రీంకోర్టులో పిటిషన్ వేసిన రఘురామకృష్ణంరాజు తాజాగా ఏపీ హైకోర్టులో మరో ప్రజా ప్రయోజన వ్యాజ్యం దాఖలు చేశారు. వైసీపీ అధికారంలోకి వచ్చిన నాలుగున్నరేళ్ల కాలంలో జరిగిన అవినీతిపై సీబీఐ విచారణ జరిపించాలని కోరుతూ హైకోర్టులో ప్రజాప్రయోజన వ్యాజ్యం దాఖలు చేశారు. సీఎం జగన్ అధికార దుర్వినియోగానికి పాల్పడ్డారని, ప్రజా ధనాన్ని నష్టపరిచేలా రాష్ట్ర ప్రభుత్వం నిర్ణయాలు తీసుకుందని పిటిషన్‌లో పేర్కొన్నారు. ఒక్కో శాఖలో జరుగుతున్న అవినీతిని పూర్తిగా పిటిషన్ లో పేర్కొన్నట్లు తెలుస్తోంది.
అవినీతికి సంబంధించి పదుల సంఖ్యలో ఆధారాలు సమర్పించినట్లు తెలుస్తోంది. ఈ పిటీషన్ పై విచారణ ఎప్పుడు జరుగుతుందా అయితే గతంలో శంకర్ రావు వేసిన పిటీషన్ తరహాలోనే రఘురామ పిటిషన్ వేసిన టైమింగ్ చూస్తే తెలుస్తోంది. జగన్ రెడ్డి అక్రమాస్తులపై కాంగ్రెస్ మాజీ నేత శంకర్ రావు హైకోర్టులో పిటిషన్ దాఖలు చేశారు. హైకోర్టు సీబీఐ విచారణకు ఆదేశించింది. ఉత్తర్వులు అందిన వెంటనే వివి లక్ష్మీనారాయణ రంగంలోకి దిగి అక్రమాస్తుల కేసులన్నింటినీ ఛేదించారు. ఛార్జ్ షీట్లు దాఖలు చేశారు. కానీ విచారణ ప్రారంభించకుండా రకరకాల పిటిషన్లు వేసి అడ్డుకుంటున్నారు.
తాజాగా రఘురామ కృష్ణంరాజు దాఖలు చేసిన పిల్ అంతకన్నా సమగ్రంగా ఉందని.. మనీ రూటింగ్ ఎలా జరిగిందో వివరిస్తూ పిటిషన్ దాఖలు చేసినట్లు తెలుస్తోంది. రఘురాముడు న్యాయ పోరాటాల పరంపరకు శ్రీకారం చుట్టడం.. కాసేపటికే పిల్ దాఖలు చేస్తుండడంతో… త్వరలో ఎవరూ ఊహించని కీలక పరిణామాలు చోటుచేసుకోవడం ఖాయంగా కనిపిస్తోంది.
