ప్రపంచకప్ ఫైనల్ మ్యాచ్‌పై నాని మరియు సల్మాన్ ఖాన్ వ్యాఖ్యానం. వీరిద్దరూ కలిసి దిగిన ఫోటోలు ఇప్పుడు వైరల్‌గా మారాయి.
నాని సల్మాన్ ఖాన్ వ్యాఖ్యానం ODI ప్రపంచ కప్ 2023 ఫైనల్ మ్యాచ్
నాని – సల్మాన్ ఖాన్: ప్రపంచకప్ ఫైనల్ మ్యాచ్ అహ్మదాబాద్‌లోని నరేంద్ర మోదీ స్టేడియంలో జరగనుంది. ప్రపంచ ట్రోఫీ కోసం భారత్, ఆస్ట్రేలియా జట్లు తలపడుతున్నాయి. ఆస్ట్రేలియా టాస్ గెలిచి బౌలింగ్ ఎంచుకుంది. దీంతో తొలుత బ్యాటింగ్‌కు దిగిన భారత జట్టు భారీ స్కోరు చేసేందుకు పోరాడుతోంది. ఈ ప్రపంచకప్‌లో ప్రతి మ్యాచ్‌లో విజయం సాధిస్తూ ఫైనల్‌కు చేరిన భారత జట్టు.. ఈరోజు ఏం చేస్తుందోనని అందరూ ఆసక్తిగా ఎదురుచూస్తున్నారు. దీంతో దేశం మొత్తం ఈ మ్యాచ్‌ని వీక్షించడంలో నిమగ్నమైంది.
ఈ మ్యాచ్‌ని చూసేందుకు పలువురు సినీ, రాజకీయ ప్రముఖులు స్టేడియంకు చేరుకున్నారు. కేంద్రమంత్రి అమిత్ షా, ఇండియన్ స్టార్ సింగర్ ఆశాభోంస్లే, షారుఖ్ ఖాన్, రణవీర్ సింగ్, వెంకటేష్, మహేష్ బాబు, అఖిల్ అక్కినేని, దీపికా పదుకొణె తదితరులు మ్యాచ్‌కు హాజరై నరేంద్ర మోదీ స్టేడియంలో ప్రేక్షకులతో సందడి చేస్తున్నారు. ఈ స్టార్స్ అంతా స్టేడియంలో సందడి చేస్తుంటే, నాని, సల్మాన్ ఖాన్ కామెంటరీ రూమ్‌లో కూర్చుని ప్రేక్షకులను అలరిస్తున్నారు.
ఇది కూడా చదవండి: కార్తీక నాయర్: ఏడడుగులు వేసిన టాలీవుడ్ హీరోయిన్.. పెళ్లిలో చిరంజీవి సందడి..
నాని తెలుగు వ్యాఖ్యానం చేస్తుండగా, సల్మాన్ ఖాన్ హిందీ వ్యాఖ్యానంలో పాల్గొంటున్నాడు. ఈ షోలో నాని, సల్మాన్ ఖాన్ కలిసి ఉన్న ఫోటోలు వైరల్ అయ్యాయి. అయితే వీరిద్దరూ క్రికెట్ వ్యాఖ్యానంతో పాటు తమ సినిమాలను ప్రమోట్ చేసుకునేందుకు వచ్చారు. సల్మాన్ టైగర్ 3 విడుదలై థియేటర్లలో రన్ అవుతుండగా, నాని ‘హాయ్ నాన్నా’ డిసెంబర్ 7న పాన్ ఇండియా వైడ్ గా విడుదల కానుంది. ప్రస్తుతం నాని ఈ ప్రమోషన్ల కోసం ఎలక్షన్ ఫీవర్ మరియు వరల్డ్ కప్ ఫీవర్ ఉపయోగిస్తున్నారు.
