అరుణాచల్ ప్రదేశ్ మన భారత భూభాగమే అయినా.. అది తమదేనంటూ చైనా మొండిగా వ్యవహరిస్తోంది. దీనిని దక్షిణ టిబెట్ (జాంగ్నాన్)గా అభివర్ణిస్తూ, ఆ ప్రాంతం తన భూభాగంలో భాగమని పేర్కొంది. తాజాగా చైనా రక్షణ మంత్రిత్వ శాఖ కూడా ఇదే వాదనను పునరుద్ఘాటించింది. జాంగ్నాన్ తమదేనని జాతీయ రక్షణ శాఖ అధికార ప్రతినిధి సీనియర్ కల్నల్ జాంగ్ జియోగాంగ్ వ్యాఖ్యానించారు.
అరుణాచల్ ప్రదేశ్ మన భారత భూభాగమే అయినా.. అది తమదేనంటూ చైనా మొండిగా వ్యవహరిస్తోంది. దీనిని దక్షిణ టిబెట్ (జాంగ్నాన్)గా అభివర్ణిస్తూ, ఆ ప్రాంతం తన భూభాగంలో భాగమని పేర్కొంది. తాజాగా చైనా రక్షణ మంత్రిత్వ శాఖ కూడా ఇదే వాదనను పునరుద్ఘాటించింది. జాంగ్నాన్ తమదేనని జాతీయ రక్షణ శాఖ అధికార ప్రతినిధి సీనియర్ కల్నల్ జాంగ్ జియోగాంగ్ వ్యాఖ్యానించారు. దీనికి తాజాగా భారత్ గట్టి కౌంటర్ ఇచ్చింది. చైనా ప్రకటన అసంబద్ధమని, అరుణాచల్ ఎప్పటికీ భారత్‌లో భాగమేనని స్పష్టం చేసింది.
“భారత రాష్ట్రమైన అరుణాచల్ ప్రదేశ్ భూభాగంపై చైనా రక్షణ మంత్రిత్వ శాఖ ప్రతినిధి చేసిన వ్యాఖ్యలు పూర్తిగా అసంబద్ధమైనవి. ఈ విషయంలో నిరాధారమైన వాదనలను పునరావృతం చేయడం వాస్తవాలు కాదు. అరుణాచల్ ప్రదేశ్ ఎల్లప్పుడూ భారతదేశంలో అంతర్భాగంగా ఉంది. అరుణాచల్ మన దేశంలో అంతర్భాగం. భవిష్యత్తులోనూ అదే విధంగా ఉంటుంది. భారతదేశ అభివృద్ధి కార్యక్రమాలు మరియు మౌలిక సదుపాయాల ప్రాజెక్టుల నుండి ఈ ప్రాంత పౌరులు ప్రయోజనం పొందుతూనే ఉన్నారు. అక్కడి ప్రజలకు మేలు చేయడానికి భారత ప్రభుత్వం కట్టుబడి ఉంది, “భారత విదేశీ వ్యవహారాలు ఈ మేరకు మంత్రిత్వ శాఖ అధికార ప్రతినిధి రణధీర్ జైస్వాల్ ఓ ప్రకటన విడుదల చేశారు.
కాగా, ఇటీవలే ప్రధాని నరేంద్ర మోదీ ‘సెల’ సొరంగంను ప్రారంభించిన సంగతి తెలిసిందే. దీనిని భారత్ అక్రమంగా స్థాపించిందని జాంగ్ గత శుక్రవారం వ్యాఖ్యానించారు. అంతేకాకుండా, బీజింగ్ అరుణాచల్ ప్రదేశ్‌ను భారత రాష్ట్రంగా ఎప్పటికీ గుర్తించదు. ఆ ప్రాంతంలో భారత్ తీసుకుంటున్న చర్యలు సరిహద్దు వివాదాన్ని మరింత క్లిష్టతరం చేస్తాయని వారు పేర్కొన్నారు. దీనిపై రణధీర్ స్పందిస్తూ పై విధంగా స్పందించాడు.
మరింత జాతీయ వార్తల కోసం ఇక్కడ క్లిక్ చేయండి
నవీకరించబడిన తేదీ – మార్చి 19, 2024 | 09:00 PM
